Déception, fourberie

î. Débat, argumente.

digne de louenge, elle les cache et muce humblement, et ne les veult point manifester, et qu'ilz soyent à aucuns congneus; et de toute chose, œuvre ou science, qu'il soit en soy, elle ne quiert ou demande quelque fruict ou loyer et retribucion que la louenge et l'honneur de Dieu. Elle ne veult point estre loée, mais seullement que en ses euvres soit Dieu loué et benoist, qui ainsi luy a tout donné par sa pure grâce et amour.

Geste Grâce est don de Dieu singulier et especial sur la lumière naturelle, et proprement est le signe ou gaige et certitude de salut pardurable, laquelle esliève l'homme des choses terriennes à aymer les choses celestielles, et le fait de charnel espirituel; car il met en oublie toutes choses temporelles , et s'esliôve par contemplacion aux choses célestes. Et de tant comme Nature est plus pressée ou surmontée et vaincue, dotant est donnée plusgrant Grâce, et de jour en jour, à l'homme interiore, c'est assavoir à l'esperit, et estrefformé et réconforté de nouvelles visitacions.

De la corruption de Nature et de Veffect de Grâce divine.

LV« Chapitre.

on Dieu et mon Seigneur, qui m'avez créé à vostre ymage et vostre semblance, octroyez- moy ceste grâce que vous m'avez demonstrée estre si grande

aoo L'Internelle

et nécessaire à mon salut, afBn que je puisse vaincre ceste meschante et maulvaise nature trayant moy aux péchez et à perdicion. Je sens certainement en moy la loy de péché, c'est à dire la inclinacion à ;peché, contredisant et répugnant à la loy, c'est à l'inclinacion de mon esperit, laquelle • me trait comme prisonnier, et maine à obeyr en plusieurs choses à la sensualité, et je ne puis résister à elle ne à ses passions, sinon que vostre saincte grâce me soit en aide par amour ardant espandue en mon cueur.

Il est besoing. Sire, de vostre grâce et de vostre grant grâce à ce que soit vaincue et surmontée nature dès enfance tousjours enclinée à mal. Car depuis que icelle nature fut viciée et corrompue de péché par le premier père Adam, la peine d'icelle tache et corruption descendit en tous les aultres hommes, tellement que elle qui avoit esté créé droicte et bonne de vous. Sire, soit maintenant prise pour mal et vice et pour l'enfermeté de nature corrompue ; et* pource que l'inclinacion à mal qui luy est délaissée l'attrait en bas. Car ung peu de vertu qu'elle a à bien est comme une petite flamesche couverte de cendres. Et si ^ est la raison naturelle, environnée d'une grande nue obscure, qui a encore une petite congnoissance ou distance de bien et de mal, de vray et de faulx , jaçoit ce

1. Cette inclination au péché contraire îi l'inclination et à la loi de l'esprit.