I. Diminue, retranche

aia L'InTEBNELLE

giner ou congnoistre, et adjoustent ou ostent à ladicte gloire pour leur plaisir et affection ou inclinacion , non pas selon le plaisir et ordonnance de Dieu.

Plusieurs sont qui par ce sontencores peu enluminez pour leur ignorance, et ne scevent pas aymer aulcun par amour espirituelle parfaictement , mais sont encores attrais à leur amour par affection et inclinacion naturelle et amytié humaine, et pensent ou ymaginent que les affections soyent es cieulx et en Paradis ainsi comme en ce monde. Mais il y a tresgrande différence entre ce que imparfaitz pensent ou ymaginent des choses espirituelles et divines, et ce que les parfaictz enluminez de Dieu par revellacion supernelle en sentent et congnoissent.

Et pource, beau filz , garde-toy de trop curieusement et presumptueusement vouloir enquérir et traicter les choses qui excèdent et passent ta science et ton engin, mais mect peine et te efforce de parvenir au royaulme de Paradis, et pense que ce te sera grant félicité se tu y peuz estre aumoins le dernier. Et se aulcun est oit qui peust sçavoir lequel est plussainct ou meilleur en ce monde de l'autre, lequel est plusgrant ou exaulcé en Paradis, que luy proffiteroit ceste science se il ne s'en humilioit devant moy , et se efforcast de ramener ce à ma louenge et exaltacion de mon nom? Celluy qui pense de la grandeur et multitude de ses péchez, et de la paucité de ses vertus, et comment il est encore loing de la perfection des sainctz, est plus

CONSOLACION. II. 2i3

agréable et plaisant à Dieu, et fait meilleur euvre que celluy qui curieusement et presumptueusement veult disputer 'ou parler de la grandeur ou moindreur des saintz de Paradis. Tl vault mieux dévotement prier les saintz , et les requérir par dévotes oraisons, et leurs souffraiges et intercessions, que par vaine inquisicion vouloir enquérir leurs secretz.

Hz sont tresbien contens de leur gloire en Paradis, que les hommes en soient contens en terre, et cessent parler curieusement d'eulx , et refraingnent leurs vaines parolles. Hz ne se glorifient pas, ou enorgueillissent de leur gloire ou de leurs mérites, et ne se attribuent rien de leur bonté, mais attribuent tout à moy ; car ilz scevent que je leur ay tout donné par ma seulle infinie bonté. Hz sont tellement remplis de l'amour divine et de la excellente gloire qu'ilz ont, qu'il n'est rien en eulx qui ne soit plain de gloire et de félicité. Tous les saintz, de tant qu'ilz sont plusgrans en la gloire de Paradis, de tant sont-ilz plus humbles en soymesmes, et de tant sont-ilz plus prochains de moy fichez en mon amour ; et pource est-il escript en l'Appocalipse, que les saintz desmirent leur couronne devant Dieu, et se laissèrent cheoir devant l'Aignel en leur face, et adorèrent celluy qui vit au siècle des siècles, c'est à dire que toute la gloire et mérite qu'ilz avoyent ilz attribuèrent à Dieu en l'adorant et remerciant humblement.

Plusieurs quièrent et demandent lequel est plus-

2i4 L'Intebnelle

grant en Paradis, et nescevent s'ilz sont dignes d'y estre les moindres, ou avec les moindres comptez. C'est grant chose d'y estre le dernier et moindre, car tous ceulx qui y seront seront filz de Dieu. Le moindre sera en mille, c'est à dire plus riche que mille ; et le pécheur de cent ans mourra, c'est à dire celluy qui persévère en ses péchez jusques à la viellesse sera condempnéàlamort, voire d'Enfer. Quant les disciples de Nostre Seigneur Jesuchrist luy demandèrent lequel esteit plusgrant au royaulmedes cieulx, il leur bailla telle response : Se vous ne vous convertissez et demeurez humbles comme petis enfans, vous n'entrerez jà au royaulme des cieulx. Quiconques doncques se humiliera comme le petit enfant, celluy sera plusgrant au royaulme des cieulx.

Maulditz seront ceulx qui ne se daignent humilier de leur bon gré avec les petis; car la petite et humble porte du royaulme des cieulx ne les souffrera pas entrer dedens. Maulditz aussi seront les riches de ce monde, qui en ce monde ont leurs consolacions ; car quant les povres entreront au royaulme des cieulx, ilz seront laissez dehors crians et brayans '. Esjouyssès-vous, povres, et vous confortez, humbles, car le royaulnje des pieulx est vostre, voire toutesfois se vous cheminez en vérité, c'est à dire que ce que vous demonstrez par dehors vous tenez et gardez au cueur.

CONSOLACIOiV. II. 2i5

Que toute fiance et espei^ance de la personne

doit estre seullement mise en Dieu. Et

est par manière d'oraison.

LVIIIP Chapitre.

mon Seigneur et mon Dieu, quelle est ma fiance que j'ay en toute ma vie de ce monde , ou quel est mon plusgrant soulas de toutes les choses que on voit et qui sont trouvées soubz le ciel? N'est-ce pas vous, mon Dieu et mon Seigneur, duquel on ne peut nombrer et racompter la grande bonté et miserieorde? En quel lieu ou en quelle chose me peut estre bien sans vous, ou quant me peult estre mal vous présent? J'ay plus chier et ayme mieuk estre povre pour l'amour de vous que riche sans vous; j'aymeroye mieulx estre avec vous pèlerin en terre que sans vous estre en Paradis ; là où vous estes est le eiel, c'est à dire Paradis, et pource, là où vous n'estes, est la mort et Enfer. Vous estes tout seul en mon désir, c'est à dire je ne désire que vous seullement ; et pource que je ne vous treuve pas encores parfaictement, il est nécessité que je gémisse et crie en orayson après vous. Finablement, je ne puis en aulcuns avoir plaine fiance qui me ayde et secoure en mes nécessitez et tribulacions, fors que en vous tant seullement, mon Dieu et mon Seigneur. Vous estes mon espérance, vous estes ma fiance, vous estes celluy

2i6 L'Internelle

qui me confortez et consolez loyaulment en toutes choses.

Tous aultres quièrent et demandent leur proffit, vous ne desirez et voulez que mon saulvement et mon proffit, et convertissez tout en mon bien. Et mesmementse vous m'envoyez diverses temptacions et adversitez, tout ce vous faictes et ordonnez à mon proffit et utilité. Car vous avez acoustumé d'esprouver voz amys en maintes manières , en laquelle probacion et tribulacion je ne vous puis ne dois pas moins aymer et louer que se vous me remplyssiez et reconfortiés de consolacions celestielles.

En vous, Sire, doncques je mect toute mon espérance et mon reffuge ; en vous je ordonne toute ma tribulacion et angoysse ; car tout tant que je regarde hors vous, je trouve tout enferme et instable. Car riens ne profitent grans amytiez, grant force de aydans ou adjuteurs ne peut délivrer, sages conseilliers ne pevent donner bonne responce, ne les livres des grans clercz ou docteurs bon conseil , ne grandes et précieuses richesses racheter, ne quelque lieu secret ' ou plaisant deffendre, se vous mesmes n'estes présent, qui aydez ou confortez, consolez , enseignez et gardez.

Car toutes les choses qui semblent estre paisibles, et proffitablesàavoir félicité, ne vallent rien se vous n'estes présent, et ne portent en soy rien de

I. L'édit. de i5oo donne sery, clair, serein. An xve siècle ce mot ne s'applique plus guère qu'a la voix, et il signifie sonore.

vraye félicité. Vous doncques tout seul estes la fin de tous biens, haultesse de vie, profunditéde sapience; et avoir tousjoiirs en vous espérance c'est le souverain et tresfort refuge de voz serviteurs. A vous sont mes yeulx eslevez; en vous, mon Dieu, est ma fiance. Père de miséricorde, beneyssez et sanctifiez mon ame de bénédiction céleste, à ce qu'elle soit faicte vostre saincte habitacion, et siège de vie, pardurable gloire, et au temple de vostre dignité ne soit trouvé qui puisse couroucer ou offenser les yeulx de vostre Majesté. Regardez-moy, Sire, en pitié selon la grandeur de vostre bonté et la multitude de voz miseracions et miséricordes, et exauîcez l'orayson de vostre povre serviteur exillé et banny loing hors de son pays en région ténébreuse, et plaine de mort. Dcffendez, Sire, et gardez l'arae de vostre povre serviteur entre tant de perilz de ceste vie corruptible, et par la compaignie de vostre grâce conduisez-la par le chemin de paix au pays de pardurable clarté. Amen.

Cij finist la Seconde Partie : De Vlnteriore Colocucion Jesuchrist à lame dévote.