Sans erreur, vraiment
pugny. C'est vanité de désirer longue vie en ce monde, et ne mettre point peyne à bien vivre. C'est vanité penser seullement à la vie présente, et ne pourveoir point pour celle qui est advenir. C'est vanité aymer seullement ce qui legierement passe, et ne désirer point venir là où est la grant joye perpétuelle et permanente.
Souviengne-toy souvent de ce que dit Salomon es Proverbes : Saoul n'est point l'oeil de vcoir ne l'oreille d'escouter; c'est à dire que le désir de la personne n'est jamais accomply par les plaisances et delectacions que on prent es choses qui sont en ce monde par les sens du corps. Efforce-toy doncques de retraire ton cueur, ton amour, ton affection de ces plaisances mondaines , et les ficher ou asseoir es choses divines et aux joyes invisibles. Car ceulx qui en ce monde ensuyvent leur sensualité, ordoyent leurs consciences et perdent la grâce de Dieu.
De sentir humblement de soymesmes.
11*= Chapitre.
out homme désire naturellement avoir ^^ science, mais science sans l'amour de
Dieu ne vault rien, Mieulx vault ung povre simple laboureur qui ayme Dieu, que ung orgueilleux clerc qui mesprise Dieu et scet tout le cours des estoilles. Qui se congnoyst bien soymesmes se mesprise, et ne prent pas plaisir es
224 L'Internelle
louenges humaines. Se j'avoye toutes les sciences du monde et je n'estoje en charité, que me proffitoroit toute ma science envers Dieu, qui me jugera selon mes œuvres, non pas selon ma science?
Ne met pas doncques grant peyne à plusieurs choses sçavoir; car en ce est-on aulcunesfoyz distrait et empesché de plusgrant bien. Grans clercz veullent et désirent voulentiers estre congneuz et reputez sages par vanité. Plusieurs choses sont desquelles la science peu ou néant proffîte à l'ame, et celluy n'est pas sage qui estudie ou met peyne de sçavoir ce qui ne luy proffîte au salut de son ame ou qui de ce l'empesche. Grant habondance de parolles ne saoulent pas l'ame, mais bonne vie la reconforte, et purté de conscience luy donne franchise envers Dieu.
Detant que tu as plus grant science, detant seras-t)i plus asprement pugny et plustost condemné, se tu n'as eu bonne vie. Ne t'en orgueillys pas doncques de ta grant science ou art, mais de tant soyes en plusgrant doubte. S'il te semble que tu saches plusieurs choses et que tu as grant science, saiches que encores est-il la moitié plus de choses que tu ne sçays, dequoy tu n'as point de congnoyssance. Et pource ne te doibs-tu pas en orgueillir, mais confesser et congnoistre humblement ton ignorance. Ne te exaulce pas en orgueil sur les aultrcs , mais pense qu'il y a plusieurs qui scevent plus que toy. Et se tu veulx proffitablement sçavoir et estre réputé saige, désire que on
CoNSOtACION III. 225
ne te congnoysse, et reppute estre de nulle reputacion.
Car c'est la vraye, haulte et proffitable science vrayement congnoystre soymesmes, et soy mespriser. Rien sentir de soy, mais dos aultres bien et haultement, c'est grant prudence et perfection. Se tu voys maintenant aulcun pécher, ou faire aulcune chose ou offence laquelle tu ne fis oncques ne aussi ne vouldroys pour rien faire, tu ne le doibs pas mespriser, ou te reputer pource meilleur que luy; car tu ne sçays combien tu demourras en ce bon propos, car se Dieu te ostoit sa grâce, et souslrayoit sa main laquelle tu dois penser qui te tient , tantost tu tomberoys ; et aussi tu ne sçays combien il demourera en ce péché, car s'il plaisoit à Dieu de le regarder en pitié, tantost il se releveroit. Nous sommes tous fresles et pécheurs, mais tu ne doibs reputer quelque personne plus fresie ne plus grant pécheur que toy mesmes.
De la vraye doctrine de vérité.
IIP Chapitre.
elluy est bien eureux lequel Dieu, qui est vraye vérité, par soy enseigne, non pas par parolles transitoires qui passent comme vent, mais ainsi comme la vérité est. Nostre oppinion et nostre sens nous deçoyvent souvent, car il y a peu de consideracion et de advis aulcunesfoiz. Que profBtent grans argumens
226 L'Internelle
ou cavillacions • des choses obscures et occultes ou doubteuses, lesquelles se nous ne les sçavons nous n'en serons pas reprins devant Dieu au jour du Jugement? C'est grant folie de laisser et ne tenir compte de sçavoir les choses proffitables et nécessaires à son salut, et se habandonner et occuper de telles curiositez de nul profit , et aulcunesfoyz dommageables et nuysans. Nous avons yeulx mais nous ne veons goûte.
Et que avons-nous à faire de sçavoir plusieurs manières de choses de ce monde? Celluy à qui Dieu parle pardedens est délivré de plusieurs et diverses oppinions. De Dieu sont toutes choses créés, et toutes choses manifestent ung seul Dieu ; c'est le commencement de toutes choses, qui nous inspire et donne entendement, car sans luy nul ne peult avoir bon entendement ou bon jugement. Celluy à qui toutes choses sont ung et qui ramaine toutes choses à une, c'est assavoir à la louenge de Dieu, peult estre stable et ferme de cueur en Dieu et demeurer paisiblement en soy. 0 vérité Dieu, faictesmoy estre ung etuny en vous en charité perpétuelle. Je m'ennuye de ouyr et lire tant d'escriptures ; en vous seul est tout ce que je désire. Taysent soy tous clercz et toutes créatures devant vous, et soit seullement vostre parolle, c'est à dire vostre inspiracion et consolacion, en moy.
Detant que aulcun se sera plus uny en soy et reduyt par dedens, detant congnoistra-il et sçaura
