I. Qucane, argumentation impertinente

CONSOLACION. m. 227

de Dieu plus liaultement et parfondement ; car il reçoyt la lumière souveraine qui enlumine son entendement. Celluy qui a pur, simple et ferme esperit, ne devise point en diverses operacions ou œuvres de Dieu, c'est à dire s'il voit que face plusieurs choses qu'il ne peult comprendre , car il ramaine tout à l'amour de Dieu, et si se garde de folles inquisicions. Quelle chose est qui plus t'empesche et te moleste, fors ta folle affection non mortifiée? Une bonne personne premièrement dispose en soy ses œuvres qu'il veut faire par dehors, et ne le surmontent pas ou vaincquent ses vicieuses inclinacions ; mais il les rameine et soubzmet à la voulenté de rayson. Et c'est forte bataille de ainsi vaincre et surmonter soy mesmes. Et pource à ce deverions-nous continuellement labourer, et mettre nostre peyne et nostre entente de profiBter de bien en mieulx, et acquérir tousjours force nouvelle.

Toute perfection a aulcune imperfection adjoincte à soy, et speculacion n'est point sans cécité ou ignorance. Et detant que une personne est plus parfait, detant congnoyst-il plus ceste imperfection ou ignorance, et voit pluscler ses deffaultes en sa reputacion '.

Humble congnoissance de soymesmes et de son imperfection est plus certaine voye de perfection, et de aller le droit chemin de Dieu, que quelconque parfonde science humainement acquise. Science