I. Laquelle cerlts on ainsi e^t

a. Le texte latin dit' anno.

CONSOLACION III. »4i

gières et petites choses, comment vaincras-tu et surmonteras les fortes et difficiles? Et pource résiste au commencement à ta maulvaise inclinacion, et laisse ta maulvaise acoustumance , affin que par attendre longuement tu n'y treuves plusgrant difficulté. 0 se tu pensoys comment tu feroys grant joye , et seroys occasion de grant paix à tes compaignons et à ceulx qui sont avec toy, en toy gardant soingneusement et mettant peine de proffiter, je croy que tu y mettroys plusgrant diligence !

Du bien et pro/fit que fait adversité et tribu tacion.

XII* Chapitre.

'est ung tresgrant bien que Dieu nous ^\^j;\5 fait de nous souffrir venir tribulùcion et adversité, car par ce souventesfois une personne retourne à soy pource qu'il congnoist qu'il est encores en exil et non pas eu son pais; et pource il ne mect pas son espérance en ce monde. C'est nostre grant proffit que nous souffrons contradictions à nostre propre voulenté, et que nous pensons et cuidons que on scet mal de nous, et que on ne nous repute pas parfaitz, supposé mesmes que nous cuidons tousjours bien faire, et que nous n'ayons quelque malle intencion. Car ces choses nous gardent de nous enorgueillir , et nous deffendent d'avoir vaine gloire de noz bonnes euvres. Car lors nous nous attendons tant seuUement

24* L'Internelle

à Dieu d'estre tesmoing de noz operacions, quant nous sommes mesprisez du monde , et que on ne nous veult croire.

Et pource se devroit la personne de tous pointz affermer à Dieu et fier ; et par ce il ne seroit point besoing qu'il querist les consolacions humaines. Quant une personne de bonne voulenté a tribulacion ou affliction de cogitacions, lors congnoist-elle mieulx l'ayde de Dieu luy estre nécessaire, sans lequel il congnoist et scet qu'il ne peultnul bien faire. Lors aussi il retourne à Dieu en larmes et en gemissemens, et le prie pour les misères qu'il seufFre. Lors est-il ennuyé de longuement vivre en ce monde, et désire la mort pour estre délivré de ses misères et estre avec Jesuchrist. Car lors aussi il congnoyst qu'il ne sera en parfaicte transquilité ne plaine paix en ce monde tant comme il y sera.

De résister aux temptacions.

XIII* Chapitre.

ant comme nous sommes en ce monde nous ne sommes point sans temptacions.

Et pource est-il escript au Livre de Job : La vie de l'homme sur terre est temptacion. Et pour ceste cause doit estre ung chascun soingneux de soy garder et estre veillant en orayson, à ce que TEnnemy ne trouve lieu ou manière comme il le puisse decepvoir, car il ne dort pas, mais en-

vironne de toutes pars , regardant et escoutant * comme il puisse decepvoir.

Il n'est pas parfaict ou si sainct qui n'ayt des temptacions lesquelles jamais ne défaillent de tous pointz ; mais elles nous sont souventesfoys proffitables, jaçoyt ce qu'elles nous soyent ennuyeuses et griefves à porter ; car par elles l'homme est humilyé et purgé et enseigné. Tous les sainctz de Paradis sont passez par temptacions et y ont proffité, c'est à dire y ont acquis mérite envers Dieu. Et ceulx qui ne les ont peu porter ou soustenir , mais en icelles ont esté surmontez, sont reprouvez de Dieu. Il n'est si saint lieu ne secret où il n'y ayt temptacions.

Il n'est personne si saincte qui soit asseurée de temptacions tant comme il vivra en ce monde ; car nous portons en nous mesmes la cause de la temptacion,qui sommes conceuz et engendrez par concupiscence. Et tantost que une temptacion est passée l'aultre revient. Tousjours trouvons-nous deffaulte en nous ou chose qui nous desplait. Car par péché nous avons perdu nostre félicité , c'est assavoir nostre paix. Plusieurs sont qui cuydent éviter et fouyr les temptacions, et ilz y chéent et tombent plusfort. Nous ne les povons vaincre ne surmonter par fuyr, mais par vraye humilité et patience nous sommes plus fors que noz ennemys. Celluy qui cuyde vaincre et surmonter seuUement par dehors, eschapper ou fuyr, et ne va pas à la racine, pou profSte ;