I. Esguettant. Édit

a44 L'iNTERNELLE

mais encores plustost les temptacions luy retournent, et les sentira plus griefves et fortes. Mais par paciemment et longuement soustenir en faisant son devoir avec la grâce de Dieu, il les surmonte et vainct mieulx que par violence et sa propre importunité. Demande souvent conseil en temptacion, et le croy. Et se on le te demande, si le baille voulentiers et doulcement selon que Dieu te inspirera, et ne reprens pas rudement ou mal gracieusement, ains reconforte et console comme tu vouldroys que on te fist en cas pareil.

Commencement de tout mal et de toute temptacion est inconstance de voulenté et petite confiance en Dieu. Car ainsi comme une nef en la mer sans gouverneur va çà et là pour les flotz et undes de l'eaue qui la boutent et chassent en diverses parties, ainsi est ung homme remys ou lasche, et paresseux en son propos, et qui de legier change sa voulenté. Le feu espreuve l'or, et la temptacion l'homme juste. Nous ne sçavons souventesfoyz quelz nous sommes , mais la temptacion nous preuve, et demonstre nostre force et foiblesse. Toutesfoyz on doit estre soingneux de résister au commencement de la temptacion, car lors est-elle plustost surmontée et vaincue se on ne la laisse pas entrer dedens l'huys ' de nostre cueur, c'est à dire que on n'y preigne point plaisir ou delectacion , mais que au commencement, tantost que on la sentira, que on y résiste. Et pource dit ung poète : Met remède au

i. La porte.

commencement , c'est assavoir tantost que on sent la maladie ; car aulcunesfoyz on attent trop à appareiller la medicine , car on laisse la maladie si fort enraciner que la medicine ne la peut guérir. Pareillement à ce propos, la cogitacion ou pensée simple vient au commencement ; après vient forte ymaginacion , c'est assavoir que on s'y arreste et prent-on plaisir à y penser; après, la delectacion longue; après vient le consentement; et après, l'œuvre, que on acomplist le péché. Et ainsi peu à peu l'Ennemy entre au cueur de la personne de tous pointz, pource que on ne luy a bien résisté au commencement. Et detant que la personne attendra plus longuement à résister aux temptacions qui luy surviennent, detant sera-elle plus foyble de jour en jour, et trouvera en soy moins de force, et l'Ennemy plusfort et plus puissant contre soy.

Aulcuns sont qui au commencement de leur conversion sont plusfort temptez; les autres à la fin de leurs jours. Les aultres par toute leur vie ont temptacions ; les aultres par tout leur temps n'en ont guères, selon l'ordonnance de la divine sapience, qui congnoist et scet tout, et la force et vertu d'ung chascun , et tout dispose selon sa bonté, comme il scet que à ung chascun est besoing et proffi table pour le salut. Car il fait tout pour le salut de ses amys et esleuz, et mesmes d'un chascun, se à nous il ne tient.

Et pource quant nous avons temptacions nous ne nous devons pas désespérer, mais le prier plus

a46 L'IlNTERNELLE

instamment qu'il luy plaise nous ayder en ceste tribulacion , et que , ainsi comme dit sainct Pol l'Appostre , il ne nous laisse pas tempter plusfort que nous ne povons soustenir, luy qui scet nostre force, qui est trespetite, et nulle sans l'ayde de luy. Et pource nous devons nous humilier soubz sa puissance en toute adversité et temptacion ; car il saulve et délivre tousjours les humbles , et exaulce leurs oraysons.

En tribulacions et temptacions l'homme si est prouvé comme il a proffité, et par icelles congnoyst mieulx son mérite ; et sa force et vertu par ce y est manifestée. Ce n'est pas grant chose se ung homme est dévot et fervent, doulx, humble et begnin, quant il n'a point de temptacion ne d'adversité, et quant on ne luy dit rien qui luy desplaise ou contre sa voulenté. Mais se en adversité, temptacion ou tribulacion , et quant on le provocque ou irrite par fait ou par paroUes, il est pacient , doulx, humble et débonnaire , là appert et est manifesté son proffit, sa force et résistance, sa vertu et puissance, et généralement ce qui est de bien en luy. Aulcuns sont qui n'ont point fortes temptacions, mais foibles et legières, et toutesfoyz ilz ne les pevent vaincre ne surmonter. Et ce permet et souffre Dieu advenir affm qu'ilz se tiengnent en humilité, par ce qu'ilz se voient estre surmontez de si petites temptacions, et qu'ilz pensent que encores seroyent-ilz plustost surmontez se elles estoyent grandes et fortes.

CONSOLACION III. a47

De fol jxKjement, c'est à dire que on ne doibt pas follement juger aultruy.

XIIIP Chapitre.

yes tousjours les yeulx sur toy, c'est à dire à tes péchez , deffaultes et enfermetez; et ne juge pas ou interprète en mal les faitz d'aultruy. En telz jugemens à aultruy on pert sa peyne, souvent on y erre, et y pèche l'on legierement. Mais en considérant soymesmes , ses deffaultes , ses péchez , et ses enfermetez jugeant et condempnant, on laboure proffitablement. Nous faisons souvent telz jugemens selon l'affection que nous avons au cueur de la personne ' ; et car * vraye charité à elle n'est pas en nostre cueur, c'est à dire que nous n'avons pas amour et charité à elle, nous jugeons et interprétons ses faitz en mal ' : car par affection desordonnée nous est vray jugement toUu*. Se nostre entencion esloit tousjours pure et necte en Dieu , nous ne serions pas si legierement troublez quant on nous dit ou fait quelque chose contre nostre voulenté.