I. Ainsi

afio L'Inteunelle

au long du jour. Et de ce que nous trouverons avoir esté bien fait remercions à Dieu , et du mal requérons grâce et mercy. Or doncques maintenant armetoy contre les temptacions de l'Ennemy ; refraing ta gueulle , c'est assavoir l'appétit de boire et de mengier ; et lors tu pourras plus legierement surmonter les concupiscences et inclinacions charnelles. Ne soyes jamais oyseux, mais occupe-toy, et employé bien ton temps aulcunesfois à lyre , à escripre, et à prier Dieu , à méditer ou à quelque aultre labeur proffi table faire. Toutesfois labeurs corporelz se doivent faire par discrétion.

Choses espirituelles, et qui ne sont pas de la commune observance *, ne se doivent pas faire en appert*, car c'est le plus seur de les faire secrètement, et c'est pour la vaine gloire ' qui en pourroit venir. Ou se doit garder que on ne soit paresseux à faire communs labeurs , c'est à dire * que on doit faire par commune obéissance ou qui sont de la commune observance de ceulx avec qui on est , et en estre plus diligent que de faire singularitez de sa propre voulenté. Mais quant on a accomply les communes obéissances ou observances, se tu as temps après, faiz ce que ta devocion et la grâce de Dieu te sugereront. Tous hommes ne pevent pas avoir une mesme excercitacion ; mais une chose est plus

I. Obligatoires pour chaque religieux de l'ordre. î. Devant tous.