Ceux qu'on doit faire, etc

CONSOLACION. III. a6l

convenable à Tung que à l'autre, et à l'autre que à l'autre. Et pource chascun doit considérer ce qui luy est plus proffitable , et s'y doit occuper. Mesmement en divers temps se doibvent faire diverses operacions, car es festes on doit avoir aultres occupacions que es jours feriaulx , et en temps de temptacion que en temps de paix et de transquilité , et en temps de tristesse que en temps de joie et de lyesse.

Quant viennent les grans festes et solennitez , on doit renouveller et acroistre sa bonne coustume, et se efforcer de prier plus fervamment les saintz et de requérir leur aide, et se préparer et adviser comment on pourra parvenir à celle feste et solennité perpétuelle qui tousjours dure. Car les festes et solennitez que nous faisons en ce monde sont figures et exemples de la feste ' de Paradis. Et pource en ce doulx temps des solennitez nous nous devons occuper à servir Dieu, et à luy demander pardon de noz péchez , et nous préparer et soingneusement garder, ainsi comme se nous devions en brief recepvoir le loyer de nostre labeur.

Et par ce que encores est différée nostre remu neracion, croyons que c'est par nostre deffaulte, et que nous ne sommes pas encores dignes de si grant gloire, laquelle nous sera demonstréeau temps préfixe ou ordonné de par Dieu. Et pource estudionsnous de nous appareiller à nostre fin. Car, comme