Qtie feront les biencurez en Paradis. Kdit. i4g

2^2 L'Internelle

dit l'Evangile : Benoist sera celluy lequel le Seigneur trouvera veillant quant il heurtera à la porte, c'est à dire à l'heure de la mort , car je vous dy en vérité qu'il le constituera sur tous ses biens, c'est assavoir en la gloire de Paradis , que nous vueille donner le Père et le Filz et leSainctEsperit. Amen.

De l'amour qu'on doit avoir à solitude et garder silence.

XX'' Chapitre.

u dois quérir et prendre temps pour ^l^j vacquer et entendre à toy, et laisser aulcunesfoyz aultres occupacions pour penser aux bénéfices et dons que tu as receuz de Dieu , et reçoys continuellement. Tu ne dois pas estudier choses curieuses comme pour passer le temps, mais tu dois quérir matières ou escriptures qui te esraeuvent à compunction et à larmes. Se tu te soustrais et sépares de paroUes superflues et de nul proffit , de circuicions oyseuses, c'est à dire d'aller et venir çà et là sans cause, et te gardes de ouyr voulentiers parolles de nul proffit , nouvelletez et rumeurs de detraction, tu trouveras et auras assez souffisant temps pour vacquer à toy, c'est assavoir à oraysons et saintes meditacions.

Les plus renommez Saintz que nous ayons fuyoyent toutes compaignies humaines , tant que bonnement se povoit faire , et desiroyent vivre en

CoNoOLACION. II!. 263

solitude ; dont ' ung philozophe dit : Toutesfoyz que je suys ou iiabite avec les hommes, je m'en retourne moins homme, c'est à dire moins raisonnable, tout en bourdes'^ et falaces. Et ce povons-nous appercevoir et congnoistre, se y voulons prendre garde, quant nous avons longuement janglé et parlé avec les aultres. C'est plus legière chose de se taire de tous pointz, que soy garder de faillir en parlant. C'est plus legière chose de soy garder seul en sa chambre, que soy garder de excéder ^ parmy le monde. Il fault doncques que celluy qui se veult garder par dedens et sa vie espirituelle, se sépare de la tourbe ou compaignie des aultres , à l'exemple de Nostre Saulveur. Nul ne peult seurement se monstrer ou apparoir, fors celluy qui voulentiers se sépare. Nul ne parle si bien comme celluy qui se taist. Nul n'est si seurement président, ou prélat des aultres, comme celluy qui a esté longuement bon subject. Nul ne commande si seurement comme celluy qui a appris à obeyr.

Nul n'a seure joye fors par bons tesmoignaiges de sa conscience. Toutesfoyz la joye et seurté des sainctes personnes est tousjours en crainte et paour ; et pource ne sont-ilz pas moins soingneux d'eulx garder humblement pource qu'ilz sont remplys de vertus et de la grâce de Dieu. Mais la joye et seurté des maulvais est pleine d'orgueil , et vient de pre-