EGNUM DEI INTRA VOS EST, DICIT DOMI

Nus. Le royaulme de Dieu est dedans vous, dist Nostre Seigneur Jesuchrist.

Converty-toy de tout ton cueur en toy mesmes et laisse ce meschant monde, c'est assavoir que n'ayes point d'amour en luy; lors ton âme trouvera en soy paix. Apren àmespriser ces choses du monde et te donne à tes interiores, c'est à dire à penser à Dieu et à toy, et tu verras le royaulme

4 L'Internelle

de Dieu venir en toy. Car le royaulme de Dieu est paix en Dieu et joye ou ' Saint Esperit, laquelle n'est jamais es * maulvais , c'est assavoir en ceulx qui sont en péché mortel. Dieu viendra en toy et te demonstrera sa consolacion, se tu luy appareilles digne mansion '. Toute la gloire et la beauté qu'il demande en toy doit estre par dedans, et là luy plaist-il souvent te visiter et parler à ton âme. Là est la gracieuse sermocinacion, doulce consolacion, grande paix et trop merveilleuse familiarité. Or doncques, âmecrestienne, appareille ton cueur à cest espoiix, affin qu'il luy plaise venir en toy et qu'il y puisse seurement habiter. Car il dit en ceste manière : S'aulcun m'ayme, il gardera mes commandemens *, et nous viendrons à luy et ferons en luy demourance. Donne doncques à .lesuchrist lieu en toy, et denye l'entrée à toutes aultres choses. Se tu le peux avoir, tu seras riche et te debvra souffire. Il sera ton pourvoieur, il sera ton procureur en toutes choses, et ne te sera point de besoing avoir aultre part espérance : car les hommes faillent tantost et se changent de legier ^, mais Jesuchrist tousjours demeure et aide fermement jusques à la fin. On ne doit pas mettre grant fiance en homme