Se laisser aller a tics excès

a64 L'Internelle

sumption, etpource en la fin meurent villainement. Et pource on ne doit point jamais estre seur en ceste vie mortelle, quelconque saincteté ou longue demourance que on semble avoir eu en monastère ou en solitude.

Souventesfoyz est advenu que ceulx qui sembloyent y estre les meilleurs, devant les hommes et selon l'estimacion du monde, sont plus laidement et plus perilleusement cheuz et tombez par leur orgueil. Et pource est le plus proffitable à plusieurs qu'ilzayent des temptacions souvent, affinquepar trop grande seurté ilz ne s'en orgueillissent , et aussi qu'ilz ne se habandonnent trop à plaisances et consolacions exteriores. 0 qui jamais ne desireroit avoir joye transitoire, et qui ne se occuperoit point en occupacions mondaines, tousjours garderoit sa conscience nette 1 Et qui osteroit de soy toute vaine solicitude , et tantseullement auroit pensées de Dieu et choses divines, et toute son espérance mettroit en Dieu , grant repos et paix auroit en sa conscience.

Nul n'est digne de grant consolacion se il ne se excercite diligemment en saincte compunction. Et pource se tu veulx avoir compunction de cueur, tien-toy en ta chambre, c'est à dire soyes tout seul , et boute hors de toy toutes noyses , c'est à dire pensées du monde , selon ce qu'il est escript ; Ayez compunction en voz couches et en voz lictz. En ta celle ' tu trouveras ce que tu as