I. Cellule

perdu hors d'icelie. La celle est doulce à celluy qui l'a acoustumée , mais elle est ennuyeuse à celluy qui ne s'i tient pas souvent. Se au commencement de ta conversion tu te acoustumes à y estre , et la garde voulentiers, elle te sera après tresamyable et à grant consolacion.

En silence et repos proffite l'ame dévote et reçoyt revelacions divines mesmement des choses oscures de la saincte Escripture. Là trouve-elle l'eau de lermes par lesquelles chescune nuyt se pcult laver et nettoyer, affin que de tant soit plus familière à son créateur, de tant qu'elle se sépare plus du monde et des secularitez. Qui doncques se soustrait de ses prochains et amys charnelz et mondains, Dieu et les angelz approcheront de luy. C'est plus proffitable chose de soy mucer et penser à soy, que faire miracles et soy oublier. C'est la louenge d'ung religieux d'aller peu souvent hors de son cloystre, et ne vouloir point estre veu , et aussi ne vouloir point veoyr aultruy.

Il n'est point de besoing de veoyr ce que on ne doit point avoir ne désirer. Le monde se passe et ses concupiscences. Les désirs et voulentez de la sensualité attrayent à prendre esbatemens et consolacions exteriores; mais quant l'heure ou temps est passé, on ne sent en sa conscience que tribulacion et dispersion de cueur. On y va joyeusement , mais on en retourne en grant tristesse. On veille au soir en joye et lyesse, mais on sent le matin en soy grant melencolie et tristesse. Et ainsi est-il do

266 L'Internelle

toute joye et consolacion charnelle ou corporelle et mondaine , car on la reçoit voulentiers et legierement, mais la fin est amère et mortelle. Quelle chose peuz-tu veoir dehors que tu ne puisses aussi bien veoir en ta celle? Tu ne peuz veoir que le ciel, la terre et les elemens, car toutes aultres choses sont faictes d'iceulx.

Tu ne peuz veoir chose qui puisse estre et demeurer longuement en ce monde. Et par adventure tu cuides par ces choses saouler et appaiser ton désir, mais tu es deceu , car tu ne le peuz faire. Se tu povoys veoir à une foiz en ta présence toutes les choses du monde , que aurois-tu gaigné fors vanité? Liève tes yeulx en hault à Dieu, et le prie poui- tes péchez et neghgences. Laisse les vanitez au monde, et pense et entens aux commandemens de Dieu. Clos ton huys sur toy, et appelle et invite Dieu avec toy, ton bon amy Jésus; et quant tu le sentiras, tien le et demeure avec luy en ta chambre. Car tu ne trouveras pas aultre part si grant paix et consolacion '. Se tu ne t'en pars point ou esloignes, et ne vas deliors pour ouyr rumeurs et parolles mondaines, detant deraourra-il plus longuement avec toy, et sentiras paix et transquilité. Mais se tu te delictes à ouir quelques nouvelletez, il est nécessité que après tu en sentes tribulacions et assaulx en ton cueur par desolacion.

I. L'édit. de 1498 ajoute ceci : " Car tu as avec toy celuy où les Angles prennent leur joye et consolacion en le regardant, et contemplant sa divine bonté, à laquelle joye tu pens parvenir se tu veulx vaillamiuent résister. >:

De avoir ou enquérir compunction.

XXI'= Chapitre.

e tu veulx bien proffiter, garde-toy, et

^^!| te tien en la crainte et paour de Nostre

Seigneur Jesuchrlst, et ne désire pas à

To^rS^ estre franc ou en ta liberté. Mais reffrain ton cueur et tous tes sens soubz discipline, et ne te habandonne pas desordonnement à lyesse, mais à compunction ; et lors tu trouveras devocion. Compunction fait plusieurs biens lesquelz dissolucion a acoustumé de perdre legierement. C'est merveille comment une personne peut estre joyeuse en ce monde se elle considère bien l'exil et les grans perilz où elle est sans cesser.

Pour la legiereté de nostre cueur, et négligence de penser à noz péchez et deffaultes , nous ne sentons pas les douleurs de noz âmes , mais souventesfois nous nous esjouissons là où nous devrions gémir et plourer. Il n'est point de vraye franchise ou liberté, ne bonne liesse, fors en la paour de Dieu et purité de conscience. Benoist est celluy qui peut oster de soy toute distraction , et se reduyre à union de cueur et saincte compunction. Benoist est celluy qui chace hors de soy et évite tout ce qui peut ordoyer et grever sa conscience. Se tu scez bien laisser ce monde, il te laissera bien faire tes bonnes ouvres.

.Ne te applicque pas ne occupe point en besoignes

268 L'Internelle

d'aultruy, et ne te mesle pas es noyses et contensions de plusgrans que toy. Ayes premièrement l'œil sur toy, et pense de ton ame sur toutes aultres choses, tant soyent chières. Ne te courrouce pas se tu n'as pas la faveur et louenge du monde, mais seullement ayes desplaisir de ce que tu ne converses pas si religieusement, saigement et dévotement comme il appartient à ung bon religieux. Il est aulcunesfoiz proffitable chose que une personne n'ait pas grant consolacion en ceste vie, especiallement quant au corps. Toutesfois il doit reputer que il est en cause et en coulpe que les consolacions espirituelles et divines luy sont soustraites et ostées. Et sont deux causes pourquoy ce trèssouvent nous advient : l'une pource que nous ne mettons pas peine d'avoir vraye et parfaicte compunction de cueur ; l'autre pource que nous querons trop noz consolacions exteriores.

Se tu te congnoissoys bien , tu te reputeroys indigne de la consolacion divine, mais plus digne de tribulacion et adversité. Quant une personne a vraye compunction, tout le monde luy est desplaisant. Ung bon religieux trouve tousjours souffisante cause et matière d'avoir douleur et tristesse. Car soit qu'il pense à son estât ou à celluy de son prochain , il congnoist que nul n'est en ce monde sans tribulacion. Et de tant qu'il se congnoist mieulx, de tant a -il plus de douleur. Les matières et causes de juste douleur et tristesse interiore sont noz péchez , desquelz nous sommes

envelopez que ' à grant peine et peu souvent nous povons nous eslever à penser aux joyes de Paradis ou aux choses célestes et divines.

Qui plus souvent penseroit à la briefveté de ceste vie et à sa mort que à longuement vivre, il n'est point de double que plustost se amenderoit. Se aussi il pensoit du parfont du cueur les peines de Purgatoire ou d'Enfer, je croy et ay espérance que plus voulentiers feroit pénitence en ce monde, et soubstiendroit peine et tribulacion pour l'amour de Dieu, et ne doubteroit quelque durté.

Mais pource que ces choses ne vont point jusques au parfond du cueur, mais encores queronsnous et desirons noz consolacions et plaisances mondaines, pource demourons-nous tousjours tepides et paresseux, et c'est souventesfois la deffaulte de l'esperit que le corps se plaint si souvent. Prie donc humblement et dévotement à Nostre Seigneur qu'il te doint l'esperit de compunction , et luy dy avec le Prophète : Rassaziez-moy, Sire, du pain de larmes, et me abreuvez de compunction en mesure.

De la consideracion de humaine miaère.

XXIP Chapitre.

u es méchant quelque part que tu soyes

«4? 6t en quelque lieu que tu te tournes, se

^\l tu ne te convertis à Nostre Seigneur.

^M pourquoy te courrouces ■■ tu quant les

choses ne viennent à ton plaisir et ainsi que tu