I. De telle sorte que

270 L'Internelle

desireroys? Qui est celluy qui ait en ce monde tout selon la voulenté? Ne moy, ne toy, ne aultre personne vivant sur terre. Nul n'est en ce monde sans adversité et tribulacion, jaçoyt qu'il soit Empereur, Roy, ou Pape. Qui est celluy qui a mieulx en ce monde? Sans faulte celluy qui pour l'amour de Dieu seuffre et porte tout paciemment. Plusieurs foibles et enfermes, voire spécialement espirituellement , souventesfois dient ou pensent en leur cueur : Regardez comment celluy là est heureux , quelle vie il maine , comment il est grant seigneur, puissant et riche! Mais se tu veulx ung peu regarder aux joyes de Paradis, tu verras clerement que c'est peu de chose de telz biens temporelz ; car ilz sont incertains et empeschans, pource que jamais on ne les peut avoir ne garder sans grant soing et peine et crainte. Ce n'est pas la félicité d'ung homme avoir les biens de ce monde à son plaisir ou habondance, mais luy doit suffire le moyen, c'est à dire suffisamment pour soy. Vraye misère est vivre sur terre , et detant que ung homme est plus espirituel, de tant congnoist-il plus vrayement et apparçoyt plus clerement la misère de ceste vie, pource qu'il congnoist et voit mieulx les deffaultes de la corruption de nature humaine. Car boire, menger, veiller, dormir, reposer, labourer, et estre subject aux aullres nécessitez de humaine nature, est tresgrant misère et affUction à la personne dévote qui voulentiers seroit délivré et franc de tous péchez et empeschemens de vacquer à soy.

CoNSOLACIOiS. III. 271

Car l'homme interiore, c'est à dire l'esperit, est tresfort grevé par ses nécessitez corporelles en ce monde. Et pourco le prophète David demandoit et prioit Nostre Seigneur qu'il peust estre délivré de ses nécessitez corporelles , en disant ; Delivrezmoy, Sire, de mes misères '. Et pource sont ceulx meschans qui ne congnoissent pas ceste misère, et encores les aultres plus meschans qui l'ayment et la désirent, et y veullent longuement demourer. Car aulcuns l'ayment si ardamment, jaçoit ce que à grant peine ayent leur vivre comme en labourant ou en querantleur vivre pour Dieu , lesquelz, s'ilz povoyent tousjours ainsi vivre, peu ou néant leur souviendroit de Dieu et de sa gloire.

0 les folz et mescreans de cueur, qui si parfondement sont fichez ou tombez es biens terriens que ilz ne sentent que terre et choses terriennes! Mais à la fin les meschans apparcevront , jaçoyt ce q.ue par adventure tart, comme ville chose et presque néant estoit ce qu'ilz aymoyent. Mais les saintz et devotz amys de Nostre Seigneur Jesuchrist n'ont point désiré ou aymé ce qui estoit plaisant au corps, ne les choses plaisantes et délectables au monde. Mais leur espérance estoit et tendoit à Dieu et aux biens pardurables. Leurs désirs et affection estoyent eslevez aux biens parmanens et invisibles, et non pas aux visibles et transitoires.

Ne laisse pas perdre et vainement passer la