De ces nécessitez corporelles. Ei

272 L'Internelle

conscience et le temps de proffiter aux souverains biens espirituelz, tant comme tu as temps et espace. Pour quoy procrastines-tu ' d'ung jour au lendemain, et esloingnes ou attens d'acomplir ton bon propos? Liève-toy, et commence et dy : Maintenant il est temps de faire bien. Il est maintenant temps de combatre , c'est assavoir contre l'Ennemy, ou soy deffendre qu'il ne nous surmonte , car tousjours il assault. Maintenant est temps de soy amender. Quant tu sens que tu as mal, c'est assavoir que tu es en temptacion ou quelque tribulacion , lors est-il temps de gaigner, c'est assavoir par avoir pacience et résister à la temptacion. Il te fault passer par feu et par eaue devant que tu viengnes en refrigeracion , c'est à dire il fault que tu seufTres avant que tu soyes couronné. Tant longuement que nous portons ce fresle corps, nous ne povons estre sans péché, aumoins véniel , ne vivre sans douleur et tristesse. Nous serions voulentiers en repos; mais pource que par péché nous avons perdue innocence , il nous fault avoir et tenir pacience , et attendre la miséricorde de Dieu jusques à tant que ceste iniquité soit passée , et ceste mortalité soit convertie en vie.

0 comme est grande la fragilité humaine qui est ainsi enclinée à péché ! Tu confesses au jourd'uy ton péché, et demain tu y retourneras. Maintenant tu proposes que tu te garderas tresbien , et tantost