I. Remets-tu d'un jour h l'autre

CONSOLAClO>'. Ili. 273

après tu faiz contre ton Ijon propos ainsi comme se tu n'eusse rien proposé. Et pource à bon droit nous devons nous humilier, et non présumer et cuyderrien de nous, qui sommes si fresles et instables à bien faire de nous. D'aultre part aussi en [)eu de temps et legierement povons-nous perdre le bien ou la vertu que à grant peine ou par long temps avons acquise.

Que sera-ce de nous à la fin de noz jours, c'est à dire en nostre vieillesse, qui sommes negligens et remys ainsi tost, c'est à dire en nostre jeunesse? Nous devons moult doubter que ne nous preime mal , se nous voulons ainsi tost nous reposer, c'est à dire non estre point en crainte et doubte de noz ennemys, comme se nous fussions jà en paix et en transquilité; et toutesfois nous n'avons encore en nostre conversacion quelque signe ou commencement de perfection ou saincteté. Il nous seroit encore bien besoing qu'; on nous enseignast coiïime novices les meurs et conversacions de religion , affin qu'il y eust aulcune espérance de nostre arnendement et plusgrant proffit espirituel.

374 L'Internelle

De la meditacion de la mort.

XXIIP Chapitre.

restost et bien brief sera fait de toy; ^ ycy dois-tu veoir et considérer comment

' tu te gouvernes en ce monde ' ; Au jourd'uy tu es , demain on ne te sçaura où trouver. Et quant tu seras osté de devant les yeulx, tantost seras-tu hors de la mémoire. 0 la grant folie et durté du cueur humain, qui pense seullement aux biens presens de ce monde , et ne luy chault de ce qui luy est à advenir! Tu te dois maintenir en tous tes fais et pensées ainsi comme se tu devoys présentement mourir. Se tu avoyes ta conscience pure et necte, tu ne doubteroys point la mort. Se tu n'es au jourd'uy prest et appareillé de mourir, comment le seras-tu demain? Le jour de demain t'est incertain , et ne sçays se tu y viendras.

Que nous proffite longuement vivre quant nous ne nous amendons ne peu ne rien ! Helas ! la longue vie ne nous amende pas tousjours, mais est aulcunesfois cause de faire multiplier et acroistre les péchez. Pleust à Dieu que nous eussions bien vescu aumoins par ung jour, c'est à dire que nous eussions bien employé ung jour sans pécher! Plusieurs comptent bien leurs ans en religion , c'est assavoir qu'ilz y ont longuement esté; mais souventesfois

I. )i Or escoute que bien brief sera fait de toy; tu dois ycy II, etc. Éd. de i5oo,îet les éditions postérieures.

y a peu de fruit de bonne vie. Se on a paour de mourir, par adventure il y a plusgrant péril pour toy de longuement vivre. Bien heureux est celluy qui en tous temps a en sa mémoire l'heure de la mort, et se dispose et appareille à bien mourir. Se tu as veu aulcunesfois aulcun mourir, pense que par ce chemin te conviendra passer.

Quant tu seras au matin, pense que par adventure ne viendras-tu pas au vespre ; quant tu seras au vespre, ne soyes pas seur de veoir le matin. Et pource soyes tousjours appareillé , et mect peine de tellement vivre que la mort ne te suprenne pas non prest ou appareillé. Plusieurs meurent souldainement et non pourveuz. Car le Filz de l'Homme, c'est à dire le Juge, c'est Nostre Saulveur, vient à l'eure que on ne le cuide pas, c'est à l'eure de la mort. Quant celle heure là sera venue, tu congnoistras lors et apparceveras ta vie passée avoir esté moult autre que tu ne pensoys, et seras dolent et triste que tu auras esté si négligent et remys ou paresseux de bien faire.

0 comme bien eureux sera celluy et sage qui metpeyne de tellement vivre comment il fault qu'il soit trouvé à l'heure de la mort ! Grant fiance à l'heure de la mort donnent les choses qui s'ensuyvent , c'est assavoir : parfaictement mespriser le monde, amour et désir de proffiter en vertus, amour de garder discipline, labeur de pénitence, prompte et appareillée obéissance, abnegacion de soyraesmes, c'est à dire ne tenir compte de soy, et pacience en

276 L'Intehnelle

toute adversité pour l'amour de Dieu. Tu peuz faire plusieurs biens tant comme tu es en santé , mais en la maladie je ne sçay que tu feras. Peu y a de gens qui s'amendent ou qui vaillent mieulx en maladie , ainsi comme pou en y a qui pour aller en pèlerinage soyent sainctitiez.

Ne te fie à tes parens et amys, et pource ne te attens pas qu'ilz te saulvent, c'est à dire que tu ne cuydes pas qu'ilz facent tant de prières pour toy, ou facent faire, que tu soyes saulvé ; car ilz te auront plustost oublié que tu ne penses. Et pource il vault mieulx que tu te pourvoyes de bonne heure, et envoyés devant toy tes biens faiz et bonnes œuvres que avoir espérance en l'aide des aultres. Car se tu n'es soingneux de toy maintenant, à qui pensetu qu'il en souviengne après. Maintenant est le temps tresprecieux. Maintenant sont les jours de salut, c'est à dire esquelz tu peuz faire ton saulvement. Maintenant est le temps acceptable, c'est à dire auquel tu peuz faire chose agréable et plaisant à Dieu, et proflfitable à toy. Mais helas! au jourd'huy on employé tresmal ce temps en quoy on peult faire chose pour guaigner la vie pardurable. Viendra l'heure que on désirera avoir ung jour ou une heure pour soy amender, et je ne sçay se on le pourra impetrer.

Et pource, chier amy, advise de quel grant péril tu te peuz délivrer, de comme grant ' paour et dan-