I. Dans les autres

de Nostre Saulveur Jesuchrist, qui a si longuement esté au chemin d'icelle! Et toutesfois tu ne t'y es point encores en rien confermé. Le religieux qui ententivement et de cueur regarde la vie et passion de Nostre Seigneur Jesuchrist, en se excercitant en icelle et conformant, trouvera en elle tout ce qui luy est nécessaire pour son saulveraent habondamment, et ne luy est jà besoing quérir aultre chose fors Jesuchrist; car mieulx aussi ne peut-il trouver. 0 se Jesuchrist crucifié estoit souvent en nostre cueur par devocion , et que nous pensissons combien il a fait pour nous , et le bien qu'il nous fait tous les jours, et le bien que nous attendons avoir de luy, tantost serions-nous sages et clercz !

Ung religieux fervent porte et fait voulentiers ce qu'on luy dit et commande, et seuffre tout ce qui luy vient au contraire. Mais ung religieux tepide a tribulacion sur tribulacion, et de toutes pars a angoisses; car il n'a point de consolacion interiore , et par dehors luy est deffendu qu'il ne la quière. Ung religieux qui vit hors de discipline de sa religion et règle, de legier est tombé en aulcun inconvénient; et qui demande relaxassions et remissions de sa règle a tousjours angoisse et tribulacion ; car en une chose ou en aultre trouve tousjours qui luy desplait.

Considère comment plusieurs religieux sont qui sont restrains soubz la discipline de leur cloistre. Peu souvent ilz vont dehors ; ilz vivent estroictement ; peu mengent ; ilz sont vestus de gros draps ;

2 88 L'IiNTEUNELLE

ilz labourent fort; ilz parlent peu; ilz veillent longuement; ilz se lièvent matin; ilz p:ient souvent; ilz estudient souvenlesfois, et se gardent en toute discipline. Regarde les Chartreux, Cistericiens % moynes et nonnains de diverses religions, comment ilz se lièvent toutes les nuytz à servir Dieu. Et pource c'est grant honte à toy que tu soyes paresseux, en si saint euvre ouquel tu as si grant exemple de ferveur es serviteurs de Dieu. 0 ! se nous ne pensions à aultre que à servir Nostre Seigneur .Tesuchrist, et le loer de cueur et corps entier !

0! se nous n'eussions mestier de boire, de menger, ne de dormir, mais que nous puissions tousjours le loor, et seullement vacquor à excercitacions espirituelles, comme nous serions plus eureux que nous ne sommes maintenant quant il nous fault entendre et penser avoir le seing et la solicitude des nécessitez du corps et luy servir! Pleust à Dieu que ces nécessitez ne fussent point, mais tantseuUement les espirituelles occupacions et reffections de l'ame, lesquelles nous goustons et sentons, helas! peu souvent!

Quant une personne peut venir à ce que de nulle aultre créature de ce monde quiert consolacion, fors de Dieu et en Dieu, lors Dieu luy commence à sentir et assavourer parfaictement. Lors est bien content de ce qui advient au monde. Lors il ne se esjouyst en vain de peu de chose, ne il ne se centriste de grande, mais se mect et fiche entièrement