I. Moines suivant la régit de Citeanx

en Dieu qui luy est tout en toutes choses, et à qui rien ne perist ou meurt , mais toutes choses hiy vivent , et à son plaisir et voulenté sans faillir servent.

Remembre-toy tousjours de ta fin , car le temps perdu jamais ne retournera ' ou sera recouvert. Sans soing et diligence jamais tu n'acquerras les bonnes vertus. Se tu commences à estre tepide et remys et négligent, tu commenceras à avoir mal. Mais se tu commences fervamment et y persévères, tu trouveras grant paix, et sentiras la peyne et le labeur legier pour la grâce de Dieu et l'amour des vertus. L'homme fervent et diligent est prest et appareillé à toutes bonnes choses. C'est plusgrant labeur et travail de résister aux vices et passions que à labourer corporellement en grant sueur et peine de son corps. Qui ne mect point de peine à soy garder de petis péchez et deffaulx, de legier chet et tombe en grans péchez. Tu seras en grant joye tousjours au soyr ou au vespre, se tu employés bien la journée. Soyes esveillé sur toymesmes, et te excite et admoneste, et quelque chose que les aultres facent, pense de ton saulvement. Autant proffiteras-tu comme tu te feras force et violence.