I. Mérité

a. Prudemment.

26 L'Internelle

peut de rechief renvoyer et redonner cette grâce, ou aussi plus grant si lui plaist. Et ceste chose et alternacion et mutacion de telz consolations n'est pas nouvelle ou de nouvel commencée k ceulx qui sont expers au chemin de Dieu et acquisitions des vertus ; car les anciens sainctz et prophètes, tant du viel comme du nouvel Testament, souvent ceste alternacion sentoyent et experimentoyent en eulx. Et pource Tung d'eulx, c'est assavoir David , en la présence de ceste grâce disoit : J'ai dit à mon habondance, c'est à dire j'ai pensé ou cuidé en mon cueur en la grant et habondant consolation que j'aye sentye : jamais je n'en partiray, c'est à dire, je cuidoye tousjours ainsi estre. Mais après que ceste grâce c'estoit départie et quelle l'avoit laissé, il dit et racompte ce qu'il sentoit et appercevoit : Tu as destourné ta face de moy, et tantost j'ay eu perturbacion, c'est à dire j'ai apperceu cy que ce que je sentoye estoit pour ta présence, par ta grâce, non pas pour ma force et vertu. Toutesfoys, après ce département ou mutation, encores ne se desespere-il point , mais plus instamment et soigneusement se retourne à prier Dieu et dit : A vous, sire, je crieray, c'est à dire de grand cueur et voulenté je vous prieray et requerray, mon Dieu. Finablement, il met après quel fruict il a recueilly et aporté de son oraison, en disant : Mon Dieu m'a ouy et a eu pitié de moy, et c'est fait mon adjuteur ; mais en quoy? il a converti mon gémissement, ma douleur à moy en joye, et m'a environné de lyesse, c'est à dire il m'a

remply tellement de joye que de toutes pars je la sens , comme une chose qui environne l'autre de toutes pars. Et doncques se ainsi estoit fait aux sainctes personnes, et qui ainsi estoyent parfaictes et arayes de Dieu, nous ne nous devons pas désespérer, povres et meschans et enfermes, si nous ne sommes pas continuellement en telle devocion ou ferveur que nous vouldrions, mais sommes froiz et secz de devocion. Car nous devons sçavoir que ceste la grâce du saint Esperit va et vient quant il lui plaist, selon son bon plaisir et voulenté et non pas selon la nostre. Car ce povons-nous congnoistre en ce que, quant nous la voulons avoir, nous n'y povons parvenir ; et aulcunesfois, quant nous n'y pensons pas, ou au moins que nous ne nous y appareillons pas ou efforçons , icelle nous vient; et c'est à ce que ' quant nous l'avons nous n'en prenons pas orgueil, et quant nous ne l'avons, nous n'ayons pas desesperacion , mais ayons pacience. Et c'est ce que dit lob : Tu le visites au matin, et soubdainement le preuves*. Par le matin est entendu le temps de prospérité, c'est à dire comme ' la grâce de Dieu est en la personne, laquelle, ainsi comme quant le soleil luyt sur la terre il enlumine les ténèbres qui ont été en la nuyt, aussi la grâce do Dieu enlumine la personne et luy donne conso-

1. A ce que, affin que. Tournure fre'quente dims l'Intcnielle Consolation.