Qu'un tel

38 L'I.NTIîr.NKLLE

rement pour l'amour de luy tribulacion et adversité, faire pénitence de leurs péchez en ce monde, à celle heure là du Jugement ne doubleront* pas ouyr la parollc de la separacion de sa compaignie, tpie auront les damnez. Car le signe de la Croix de Nostre Seigneur sera au Ciel quand il viendra au jugement. Et lors tous les serviteurs de la croix , lesquelz se seront conformez en Nostre Seigneur, crucifiez en leur vie, viendront en grant fiance à luy comme soubz la banière de ceulx qui l'auront tousjours servy et aymé.

Pourquoy doncques doubtes-tu prendre la croix, par laquelle seuUement tu peulx parvenir et acquérir le benoist royaulme de Paradis? En la croix est ton saulvement ; en la croix est ta vie ; en la croix est ta protection et deffence contre tes ennemys et adversaires; en la croix est l'infusion de souveraine doulceur ; en la croix est la force de ton esperit ; en la croix est la joye de ton ame ; en la croix est perfection ou saincteté ; en la croix est la haultesse de vertu. Il n'y a point salut à l'ame, Jie espérance à la vie pardurable, fors en la croix. Pren doncques la croix et ensuys Jesuchrist, et tu parviendras à la vie pardurable. Il est allé devant toy portant sa Croix , en te monstrant le chemin, et est mort pour toy, portant sa Croix et demourant en la Croix, affin que tu l'ensuyves en portant pour lui la croix , et desires mourir en la croix pour l'amour de luy. Car se en ycelle tu