I. Kedoutcront

CONSOI.ACION. I. 39

meurs, c'est à dire finys tes jours en grande pénitence , tu vivras pareillement avecques luy pardurablement , sans fin ; et se tu es compaignon de luy en peyne, tu le seras aussi en gloire.

Or doncqucs en la croix est tout bien constitué et en ycelle mourant mucyé ', c'est à dire que on ne le peult veoyr ne appercevoir jusques à la mort*. Et il n'y a point d'aultre chemin pour aller et cheminer à la vie pardurable de l'autre monde, ne aussi à avoir en ce monde vraye paix de cueur, fors le chemin de la croix de Nostre Seigneur Jesuchrist, c'est à dire de pénitence, et cothidienne mortificacion de soy. Va où tu vculdras, quiers ce que tu vouldras, et tu ne trouveras pas aultre voye dessus plus saincte , ne cy embas en ce monde plus seure que le chemin de la croix , c'est à dire de pénitence ou pacience en adversité. Regarde tous les estas et gouvernemens de ce monde, et les dispose et ordonne à Ion plaisir et vouloir, et tu n'y trouveras nul où il n'y ayt à souffrir, ou malgré soy par adversité et tribulacicn, ou de son gré par pénitence, et ainsi tu trouveras partout la croix. Car, ou en ton corps sentiras tu douleur et maladie, ou en ton ame scustiendras tribulacion de temptacion, ou en ton estât temporel desplaisir et adversité.

Aucunesfoiz Dieu te laissera temptacion en l'ame,

1. Caché. Et ce bien reste en de'pôt jusques a la mort de ceux qui ont porte' la croix pendant leur vie.