Et où cehii-ci ne re'ussiroit pas

66 L'Internelle

amy quelque part qu'il aille, et que mon ame deffaille en vostre louenge , c'est à dire en Paradis, car je ne peulx acomplir en ceste vie ce que vostre louenge désire, ne la joye que j'ay au cueur par voix exprimer ne déclarer, Sire, que je vous ayme plus que moy, et que je ne me ayme que pour l'amour de vous, et que j'ayme en vous tous ceulx qui vrayement vous aymeut, ainsi comme veult et commande la loy d'amour qui de vous et en vous reluyt ! Vray amour est legier, c'est à dire prest et appareillé à faire les commandemens de son amy; n'est paresseux, mais est joyeulx , plaisant, fort, pacient, loyal, prudent, longanime, c'est à dire de grant couraige et qui ne fault pas de legier, puissant et qui jamais ne quiert son proffit, mais de son amy, ou des aultres pour l'amour de luy. Car là où aulcun quiert et demande son proffit et son gaing, là fault-il * de vray amour. Amour est circonspect, c'est à dire bien advisé et qui ne fait pas ses euvres à la volée ; humble et droit, non pas mol ou lasche , non pas legier ou hatif, non pas ententif en vanitez; sobre, caste, stable et ferme , et qui ne se change pas legièrement; paisible, et en tous sens bien ordonné. Amour est subject et obéissant à ses prelatz et majeurs, vil à soy et desprisé, dévot en Dieu et gratif, c'est à dire regraciant Dieu, ayant tousjours fiance en luy, raesmement quant il n'y sent point de doul-

I l fait défaut le vray araouf.

ceur ou saveur , car jamais on ne \it en amour sans doulceur.

Celluy n'est pas digne d'estre appelle vray amant qui n'est appareillé de tout souffrir pour son amy, et d'estre tout prest à sa voulenté. Car il convient qu'il porte et soustiengne toutes choses dures et aspres pour son amy , ne pour quelque contrariété qui luy adviengne il ne se desparte de luy.

De la prohacion du vray amy.

VP Chapitre.

u dois savoir que n'es pas encores fort ^^ ne prudent amy, c'est à dire que tu ^^ 0^1 n'aymes pas encore fort ne sagement. ^^^T^lM Et se tu demandes pourquoy , c'est pource que pour une petite contrariété ou adversité qui te vient tu faulx et laisses tes bons commencemens, c'est à dire le bon propos que tu avoys encommencé , et quiers trop fort tes consolacions. Ung fort amy, c'est à dire qui ayme fort, résiste aux temptacions, et ne croit pas aux persuasions que luy fait l'Ennemy d'enfer. Ainsi que tu plais à Dieu es prosperitez et consolacions, ainsi ne lui desplaistu pas en adversité , c'est à dire que aussi comme tu cuydes estre en son amour quant il t'envoye consolacion ou prospérité, aussi ne dois-tu pas penser qu'il soit courroucé contre toy quant il te seuffre venir temptacion ou adversité.

Ung prudent et sage amy ne considère pas tant

68 L'Internelle

le don de son amy comme l'amour et l'affection d'icelluy ; il regarde plus l'affection que la grandeur du don , et prise plus son amy que toutes choses qu'il pourroit désirer sans luy. Ung noble cueur amant ne s'arreste pas au don, mais en Dieu sur tous ses dons. Tu ne dois pas cuider que ce soit toute chose perdue se aucunesfois tu sens moins de bien de Dieu ou de ses saine tz que tu ne vouldroyes. Car celle affection bonne et doulce que tu reçoys aucunesfois est l'effect de la grâce qui présentement te visite. En ceste doulceur ou saveur on ne se doit pas trop appuyer ou fyer, car elle va et vient, et est une pregustacion de la gloire de Paradis, laquelle Dieu t' envoyé pour toy attraire, et ton appétit et affection aguyser et enflammer à ycelle. Mais résister et combatre les maulvaises passions et mouvemens de ton cueur, et débouter les sugestions de l'Ennemy est signe de grant vertu, et occasion de grant mérite et loyer de Dieu.

Ne soyes doncques pas troublé par fantasies estranges de quelque manière que ce soit, et persévère fort à ton bon propos et entencion que tu auras eue de Dieu ; et ne cuide pas que ce soit illusion de l'Ennemy ce que aulcunesfois tu as une grande devocion et elevacion de cueur et doulceur de cueur, et puis après tantost retournent les fantasies et evagacion de cueur qui te desplaisent. Saches, puis que c'est malgré toy et contre ta voulenté que tu les seuffres et portes, et que n'en es cause, et tant longuement qu'elles te desplairont, il

n'y a point de péril ou de péché à toy, mais mérite et loyer en acquers envers Dieu.

Tu dois sçavoir que tousjours l'Ennemy s'esforce d'empesclier ton bon désir et propos, et te oster de toute devocion ou bonne exercitacion , c'est assavoir de servir et honnourer les sainctz, de piteuse mémoire ou remembrance de ma Passion, de penser à tes péchez par douleur et repentance, de garder soigneusement ton cueur, et de tenir ferme propos de profïiteren vertus. Il te suggère plusieurs maulvaises cogitacions de cueur affm que tu chees en ung ennuy, horreur et desplaisance de ainsi souvent changer ton estât interiore, que tu n'ayes devocion en oraison et ne prengnes plaisir en estudier ou ouyr la sainte Escripture ; que tu n'ayes voulenté de toy confesser humblement; de te faire, s'il peult, cesser ou retarder la saincte communion. Mais ne le croy pas et ne te chaille ; jaçoit ce que ' plusieurs fois te mette au devant telz empeschemens, repute qu'il fait tout cecy par sa mauvaise voulenté et parl'envye qu'il a de ton proffit, et luy dy : Va t'en, meschant, ort etdeshonneste; tu deusses avoir honte de mettre à l'audement* tes gestes deshonnestes; mais en ce appert l'ordure et deshonnesteté qui est en toy. Et pource va t'en, et te despars, car se Dieu plaist tu n'auras point en moy de lieu de ne part, mais Jésus, qui sera mon aide