Quoique

2. A l'audiment, à la portée de nos oroillos. L'édit. de i4gS donne à l'endevant.

70 L'Intehnelle

et confort , et tu demourras confus. J'auroye plus chier et aymeroye mieulx mourir et souffrir toutes les peines du monde, que jamais me consentir à toy. Tays-toy , et me laisse en paix, je ne vueil plus te escouter , jaçoit ce que tu t'esforces de me troubler et molester. Mon Dieu est ma lumière : Qui puis-je doubter? Se encontre moy s'eslièvent batailles, moncueur ne craint rien; Dieu est mon aide et mon rédempteur.

Combatz , toy, et résiste comme bon et franc chevalier. Et se aulcunesfois , pour la fragilité de la chair, tu es abatu, reliève toy, repren force plus que devant en ayant fiance de la grâce et miséricorde de Dieu. Et te garde fort de vaine plaisance en toy et d'orgueil ; car pource plusieurs sont cheuz en grans erreurs, et menez en aveuglemens presque incurables. Et laruynede ces orgueilleux, et de ceulx qui ont présumé de eulx, te doit estre à cautelle * de perpétuelle humilité garder.

De occulter et mucer la grâce que on a soubz la garde de humilité.

VIP Chapitre.

eau filz , il t'est plus profitable et plus seure chose de mucer et cacher la grâce de devocion ou aultres, se tu les as, que de les vouloir monstrer par dehors. Et

Prudence, soin.

ne veuilles pas souvent en parler ou en tenir grant compte en to y, et les peser et aprecier fort , mais tu te doibs despriser, et doubler qu'elle ne te soit donnée comme à indigne. On ne se doit pas trop fort et ardamment afficher, ou appuyer, et arrester à ceste affection qui tantost peult estre changée et muée au contraire. Quant tu es en celle grâce ou estât que tu as, pense quel tu es quant tu ne l'as pas, ou qu'elle t'est ostée. Car le proffit et mérite de la vie espirituelle n'est pas tant seullement en la grâce de devocion ou de consolacion espirituelle, mais quant on porte paciemment et humblement la sustraction d'icelle, et que lors on n'est pas plus lasche ou paresseux à oraison, et que tu ne te laisses pas cheoir ou tomber en négligence de faire les aultres bonnes euvres que on a acoustumé de faire, et que tu faces tousjours voulentiers ce qui est en toy ainsi que mieulx tu pourras et congnoistras estre plaisant à Dieu , et que pour quelque arrideté ou durté que tu sens en ton cueur tu ne te négliges , mais mectz peine de toy relever.

Hz sont plusieurs lesquelz, quant ilz ne se sentent en devocion, ou qu'ilz se sentent en durté de cueur ou evagacion, et qu'ils ne la povent rebouter ' comme ilz vouldroient, et qu'ilz ont aulcune temptacion ou tribulacion ou espirituelle ou corporelle, tantost sont impaciens et deviennent tous lasches et negligens de bien faire, et se

•. Rejeter.

72 L'Internelle

tournent à trouver aulcuoes consolacions exteriores ; et ceulx-cy se deçoyvent moult. Car il n'est pas en la puissance d'une personne d'avoir ceste grâce quant il vouldra ; mais il est en Dieu de la donner quant il luy plaist, et tant et aussi longuement qu'il luy plaist, et non plus. Et de murmurer quant il ne la donne pas est mal fait, car on doit sçavoir qu'il ne le fait pas sans bonne cause et juste raison. Aulcuns ont esté qui, quant ilz ont eue ceste grâce, n'ont pas esté bien saiges ne bien conseillés à en bien user et saigement; mais ilz ont voulu plus faire et entreprendre que la fragilité de leur corps ou nature ne povoit soustenir ne porter, et ont plus voulu ensuyr leurs affections et leurs propres sens ou voulentés que le jugement de raison. Et car ceulx ycy ont trop présumé et voulu faire plus qu'ilz ne povoyent, et aulcunesfois que Dieu Nostre Seignc ur ne vouloit, qui selon son bon plaisir et voulenté donne ceste grâce, Dieu les a tantost laissé cheoir, et ont perdu ceste grâce, et se sont trouvés povres et meschans délaissez de Dieu, qui * jà cuydoient estre colloquez au ciel. Et ce Dieu fait affin que eulx ainsi humiliés et apovris appreignent à ne voler pas de leurs esles, c'est à dire ne se attribuent pas leurs dons et grâces, mais se tiennent fort humblement soubz la grâce de Nostre Seigneur Jesuchrist, et à ycelle attribuent tout leur bien. Ceulx qui sont encore nouveauh, et non pas encores bien enseignez en