I. Eus qui

la voye et au chemin de Nostre Seigneur Jesuchrist, s'ilz ne se gouvernent par le conseil de leurs anciens, Icsquelz ilz doyvent repu ter plus sages et discretz que eulx, legièrement sont deceuz et vaincus de l'Ennemy.

Car s'ilz veullent pKv-> croire leur propre voulenté et sens que le conseil des aultres , à grant peine viendront-ilz à bonne fin s'ilz ne se retrayent de leurs propres voulentez, et croyent conseil. Car c'est signe d'orgueil et qu'ilz se reputent sages. Et à grant peine pevent telz souffrir humblement estre gouvernez d'aultruy. Il vault mieulx moins sçavoir et estre moins sages en humilité, que avoir grant sens et science en orgueil et vaine complaisance de soy. Il te vault mieulx moins avoir et estre humble que grans richesses et estre orgueilleux. Celluy n'est pas bien saige qui se habandonne tellement à joye et lyesse exteriore, et ' ne luy souvient de sa povreté passée ne de la crainte et paour de Dieu, et qui ne doubte perdre celle grâce qui luy est donnée. Et aussy celluy n'est pas bien vertueux qui en temps d'aversité, ou qu'il a quelque tribulacion, se desespère et n'a pas grant fiance en Dieu, et pense à sa pitié et miséricorde moins qu'il ne debveroit.

Celluy qui en temps de paix et de prospérité est trop asseuré et trop hardy, au temps de guerre et d'aversité est trop paoureux et couard, et tost abatu. Se tu te sçavoys tousjours tenir humble et