I. Qu'il ne luy souvient. Mss. de

74 L'Internelle

pou sentir de toy, c'est à dire de ta force et puissance, et te gouverner discrètement en ceste grâce, tu ne cherroys ' pas sitost ne si souvent en péril et offence. Ce t'est bon conseil que quant tu auras reçue ceste grâce et ferveur de devocion, tu penses quel tu seras quant elle te sera ostée ; de rechief quant elle te sera ostée et substraicte,'' que Dieu, qui te l'a substraicte pour ton profit et l'honneur de luy, te la peult redonner quant il luy plaira et congnoystra que ce sera ton profBt.

Et telle probacion ou variacion est plus proffitable à la personne que s'il avoit tousjours prospérité à sa voulenté. Car le proffit ou mérite de la personne n'est pas à estimer se il a souvent telles \isitacions et consolacionsespirituelles, ou s'il est grant clerc ou sage selon le monde, ou s'il est grant en dignité et estât selon le monde, mais s'il est bien fondé en vraye humilité, et remply de vraye charité et amour de Dieu, se aussi en toutes choses il quiert ATayement l'honneur de Dieu, et s'il se desprise et repute rien estre, et qu'il veuille mieulx estre mesprisé et humilié des aultres que honnoré.