Sous-entendu : Tu penses

De la ville estimacion et mesprisement de soymesmes devant Dieu.

VHP Chapitre.

e parleray à mon Dieu et mon Seigneur, jaçoit ce que je soye pouldre et cendre. Se je me repute et prise plus que je ne ^^ doy et que je ne vaulx, vous, Sire, vous eslevez contre moy, car vous résistez aux orgueilleux, et mes iniquitez et péchez me condamnent, et baillent tesmoignage auquel je ne puis contredire. Mais se me despr-ise et rameyne à néant, et que toute propre reputacion faille en moy, et me anichile ainsi comme vrayement je ne suys ne vaulz riens*, vostre grâce, Sire, me sera propice, et vostre lumière sera près de moy, et toute propre estimacion, tant soit petite, en la consideracion de ma povreté et nichilité sera destruicte et perdue perpétuellement. En celle consideracion, Sire, me demonstrez-vous clèrement quel je suys, et quel j'ay esté, et à quoyje suys devenu par mon péché. Car je suys fait néant et ne l'ay pas congneu : car. Sire, se vous me délaissez à moy, c'est à dire à ma force, c'est moins que néant, c'est toute povreté et enferme té. Mais quant il vous plaist à me regarder piteusement, tantost je suys et devien fort, et

I. Et si je m'annihUe comme je dois, c'est à dire jusqu'à voir que vraiment je ne suis, etc.

76 L'Internelle

suj^s remply de nouvelle joye. Et sont merveilles grans comme soubdainement je suys sublevé quant il vous plaist à benignement me soustenir et embrasser, qui ' de ma propre nature et pesanteur tousjours chey et tombe si embas.

Mais l'amour et grâce de vous sans mes mérites et dessertes me préviennent, et en plusieurs nécessitez me secourent, et me gardent de grans et griefz perilz , c'est à dire que Vérité délivre de innumerables maulx. Et car. Sire, en me aymantmauvaisement je me suys perdu premièrement , derechief en retournant à vous, et vous désirant seullement et amant purement , et vous et moy ay retrouvé ; et par vostre amour, de tant que en moy a esté plus profond et greigneur*, de tant me suys plus anichillé en reputacion et humilié. Car cecy, Sire, mon tresdoulx et piteux Seigneur, faictes-vous en moy et à moy seur et contre tout mon mérite et desserte, et plus que je n'oseroye espérer ne vous requérir et prier.

Benoist soyez-vous, Sire, mon Dieu et mon Seigneur, car jaçoit ce que ne soye pas digne de quelque bien avoir, toutesfoiz, Sire, votre noblesse et infinie bonté jamais ne cesse de faire bien à ceulx mesmes qui sont ingratz envers vous , et mal congnoissans de vos dons et bénéfices , et qui s'esloignent de vous; et pource, Sire, retournez nous et convertissez à vous, ad ce que nous vous rendons