Tifedes et fatigués ou lâches

Quelle chose est toute créature humaine devant vous? De quoy se pourra glorifier la terre devant le potier qui la tient en sa main 1 Celluy de qui le cueur estvrayement subjectà Dieu, comment se pourrail eslever en vantance?Se tout le monde l'exaulçoit, s'il est en vérité humble , il n'en tiendra compte ; et s'il a vraye confiance en Dieu, toutes les louenges du monde ne le feront pas esmouvoir de son estât : car ceulx mesmes qui par leurs parolles le louent, fauldront avecques toutes leurs parolles. Mais la vérité de Dieu sera et demourra toujours.

Comment on se doit conformer et rapporter à

la voulenté et au plaisir de Dieu

en tous ses désirs.

XV« Chapitre.

n toutes choses que tu desires tu doys ainsi dire à Dieu : Mon Seigneur mon Dieu , si vous plaist et est vostre voulenté, soit telle chose faicte. Sire, se telle chose estoit à vostre honneur, je vouldroye qu'elle fut faicte en vostre nom. Sire, se vous voyez que telle chose me fust expediente et prouffitable, plaise vous la moy donner à vostre honneur. Mais se vous sçavez qu'elle soit à mon dommaige, especiallement contre le saulvement de mon ame, veuillez moy ester le désir que j'en ay. Car nous devons sçavoir que tout désir n'est pas de