I. Quand même

9^ L'Internelle

Dieu ne du Sainct Esperit, supposé qu'il nous semble qu'il soit bon et prouffitable à nous. C'est difficile chose de vrayement juger se le désir vient de Dieu et du Sainct Esperit, ou de l'Ennemy, ou de ta propre voulenté ou ymaginacion qui à ce te induit et trait. Car plusieurs ont esté finablement deceuz en ce qu'il leur sembloit qu'ilz avoyent bien commencé et de bon désir.

Et pource on doibt tousjours désirer en paour, en crainte et en humilité, et requérir ou demander à Dieu qu'il vueille le désir ordonner à son honneur, et donner grâce de faire tousjours son plaisir et voulenté , et s'en raporter et commettre de tous pointz à luy, et luydire : Sire, vousscavez lequel m'est meilleur et plus proffitable , et pource soit tout fait à vostre voulenté. Donnez-moy ce qu'il vous plaira, et tant comme il vous plaira et quant il vous plaira; faictes à moy et de moy comme vous sçavez qu'il m'est besoing et nécessaire , et qu'ainsi il vous plaira, et que ce sera à vostre plus grand honneur ; mettez-moy là où il vous plaira, et que en toutes choses je soye avecques vous et aussi que vous soyés avecques moy. Plaise vous, de vostre bénigne grâce, que je soye en vostre main et protection en tout et par tout. Plaise vous que je soye vostre humble et petit serviteur, appareillé à toutes choses, et que je ne désire point que vivre à vous et de vous , et vostre honneur et bon plaisir faire et acomplir parfaictement et diligemment.

Oraison pour impetrer grâce à Dieu de faire et acompUr (oi/sjours le sien plaisir et voulenté.

enoist et begnin Jésus, donnez-moy vostre grâce qui soit tousjours avecques moy en mes labours et euvres, et perseveramment jusques à la fin. Donnezmoy, Sire, tousjours couraige de désirer et vouloir ce qui vous est plus agréable et plus chier à vostre plaisir. Vostre voulenté soit la mienne, et que ma voulenté ensuyve tousjours la vostre, et en tout s'accorde à la vostre. Plaise vous que je ne vueille ou refuse aultre chose que vous, et que je ne puisse aultre chose vouloir ou non vouloir fors ce que vouldrez ou non vouldrez.

Donnez-moy mourir au monde et à toutes les choses qui y sont, et pour l'amour de vous vouloir estre mesprisé et raescongneu en ce siècle. Donnezmoy désir d'avoir en vous seuUement repos, et que mon cueur aye paix, et soit pacifié en vous, et vostre plaisir faire , car vous estes la vraye paix des cueurs, vous estes leur seul repos, et hors de vous toutes choses sont dures et aspres, et sans nul repos. En ceste paix qui est tousjours tout ung et sans mutacion, en vous seul, souverain bien et pardurable, puissé-jem'endormir et reposer, Amen.

94 L'Internelle

Que on doibt quérir seullement sa consolacion en Dieu.

XVP Chapitre.

n ne doit point quérir sa consolacion en , , ce monde, ou penser que onluy ' puisse ^^)h\ parfaictement avoir. Mais tout ce que on -^ peult désirer ou penser pour avoir parfaicte joye et consolacion, on doit attendre à avoir et recepvoir en l'autre monde. Et supposé que je peusse avoir toutes les consolacions de ce monde tout seul, et user de tous les délice» qui y sont, encores est-ce peu de chose au regard de l'autre monde, et moins que néant; et d'aultre part encores ne pevent-elles pas longuement durer. Et pource, mon ame, tu ne peuz avoir pleine consolacion ne parfaicte joye fors en Dieu, consolateur des povres et reconforteur des humbles. Si'* dois paciemment ung peu attendre tant comme luy plaira que soyes en ce monde cy, et attendre la retribucion de la promesse di\ine , et après tu auras au ciel habondance de tous biens. Se tu desires et convoites trop desordonneement les biens presens de ce monde, tu perdras les pardurables et celestielz. Si dois prendre des biens de ce monde sobrement, tant comme est besoing pour ton usaige tantseullement, et désirer les biens pardurables. Tu ne