Ainsi
peuz estre saoulé des biens de ce monde jusques à ton désir, car tu n'es pas créé à y avoir ta félicité et béatitude.
Se mesmement tu avoys tout seul tous les biens de ce monde, pource ne seroys-tu pas sainct ou beuoist, ou ton désir acomply. Car seuUement en la vision de Dieu est constituée nostre félicité et béatitude, non pas telle comme les folz mondains l'ont et demandent en ce monde, mais telle comme les bons crestiens attendent et espèrent avoir en l'autre monde. Et la goustent ou assavourent aulcunement et aulcunesfois en ce monde les e.spirituelz, et qui sont nectz de cueur, desquelz la conversacion est es cieulx. Vaine et briefve est la consolacion humaine en ce monde, mais celle est vraye qui est receue dedans le cueur de Dieu. La dévote personne porte et a tousjours avecques soy son reconfort et consolacion en Jesuchrist, et luy dit au cueur par désir : Soyez-moy présent en tout lieu et temps, mon doulx seigneur Jésus, et que ce jme soit consolacion et reconfort vouloir pour l'amour de vous non avoir quelque consolacion ou reconfort mondain ; et se mesmes je n'ay pas la vostre, [que j'aye pacience, et que vostre voulenté et probacion soit ma consolacion et reconfort souverain. Car vostre ire et pugnicion ne dure pas tousjours, mais après reconfortez et rétribuez tresgrandepent.
L'Internelle
Que on doit mettre et constituer tout son soing
et son cueur en Dieu. Et commence en la
personne de Dieu qui enseigne son
loyal et bon serviteur.
XVIP Chapitre.
eau filz, laisse-moy faire en toy et de toy ce qu'il me plaira, car je sçay mieulx qui t'est expédient et besoing que tu ne faiz. Tu es homme, et pource comme homme tu penses, et as affections et désirs humains, et te veulx selon ton affection gouverner.
L'ame respond à Dieu : Mon tresdoulx Dieu et Seigneur, il est vray ce que vous dictes, vostre solicitude et cure est plus grande sur moy et plus proffitable que quelque diligence que je puisse faire ne avoir de moy. Trop pou stable et ferme est celluy qui ne mect sa cure, garde et confiance en vous; et se bien luy en vient, c'est adventure. Faictes de moy ce qu'il vous plaira , tantseullement que ma voulenté et intencion soit droicte, ferme et parmanant en vous. Je sçay que quelque chose que vous facez ou ordonnez de moy ne peult estre que bien, se à moy ne tient. S'il vous plaist que je soye en ténèbres de ignorance ou de vostre grâce ', benoist soyez-vous. S'il vous plaist à me consoler et conforter, benoist soyés-vous. Et se de
I. Ne faiit-il pas lire: " ou en lumière de vostre grâce? •> L'édition de i835 donne " en lumière de vraye congnoissance. »
rechief vous plaist que je soye en tribulacion, aussi benoist soyés-vous.
Dieu respond : Beau filz, ainsi convient que tu soyes, c'est à dire en ce propos, en ceste voulenté, se tu veulx demeurer avecques moy. Aussi appareillé dois-tu estre à souffrir et porter tribulacion comme à avoir joye et exultacion ou prospérité ; aussi voulentiers dois-tu porter et soustenir souffreté et povreté comme richesses et habondance de biens.
L'homme respond : Mon treschier Seigneur et Dieu, je suis prest et appareillé de porter et souffrir quelque chose qu'il vous plaira m'envoier. Sans nulle différence je vueil recepvoir de vostre main, c'est à dire de vostre voulenté, bien et mal, doulceur et amertume, liesse, tristesse, selon ce qu'il vous plaira à me l'envoyer, et je suys prest de vous remettre ce qui me adviendra. Plaise-vous moy garder et deffendre de péché, et je ne doubteray la mort ne enfer. Tantseullement ne me déboutés ' pas à tousjoursmais de vous , et ne effacés pas mon nom du Livre de vie : et quelque tribulacion qui me puisse venir ne me peult nuyre.
