Eloignez

9* L'Internelle

Que on doit paciemmeni porter les tribulacions

de ce monde à l'exempte de Jesuchrist. Et

est. comme devant., en la personne

de Nostre Seigneur.

XVUIe Chapitre.

eau filz, je suis descendu en terre pour ton saulvement; j'ay prins et receu en raoy les enfermetez humaines, non par nécessité, car je n'en avoye point besoing, mais par pure charité, et amour que j'avoye à toy me trayant à ce ', et affin que tu aprinsses à avoir pacience et souffrir et porter paciemment les dictes misères et enfermetez. Car, depuis l'heure de ma Nativité jusques à ce que je rendy l'esperit en la Croix pour toy, ne me faillit tribulacion, et adversité, et souffrance de douleur. J'ay eu en ce monde deffault des vivres et aultres biens temporelz ; j'ay ouy souvent plusieurs grandes complaintes de moy, et sans aulcune cause; j'ay soustenu paciemment et benignement reprouches, injures et vilennies; j'ay receu pour les biens et bénéfices que j'avoys faitz ingratitudes et malédictions; pour miracles, blasphèmes, et contre ma doctrine reprehencions injustes.

L'homme respond : Helas! sire Dieu tout puissant, se vous avez esté ainsi pacient toute vostre vie, et en ce mesmement acomplissant le commandement