I. Me poussant à agir ainsi

CONSOLACIOP?. II, 99

de vostre benoist Père, c'est bien chose appartenant que je, tresmechant et inutile pécheur, selon vostre bon plaisir et voulenté seuffre et porte paciemment et benignement ce qu'il vous plaira, et tant longuement que vousvouldrez, le faiz et charge de ceste vie corruptible pour mon sauvement je soustiengne. Et supposé qu'elle soit charge grant et pénible, toutesfoiz par vostre grâce elle est adoulcie, et par voz exemples et de voz glorieux saintz aux povres crestiens plus honnorable et portable ' est rendue ; et mais encore est plus consolative que n'estoit jadis en la loy ancienne, quant la porte du ciel estoit encores close, et le chemin d'aller en Paradis estoit plus obscur. Et pource si pou de ceulx qui pour lors estoyent mettoyent peyne et diligence de y parvenir; et mais encores ceulx qui y mettoyent peyne, et qui estoyent bons et justes, et esleuz de Dieu Nostre Seigneur, et qui devoyent estre saulvez, devant votre benoiste Passion et devant ce que par vostre saincte mort eussiez payé nostre debte ne povoyent entrer au royaulme des cieulx.

0 comme grans grâces, Sire, vousdoys-je rendre, qui m'avez monstre, et aux crestiens de ce présent temps, si droit et abrégé le chemin de parvenir à vostre pardurable royaulme, se à nous il ne tient ! Car vostre saincte vie est nostre droit chemin, et en ensuyvant vostre merveilleuse pacience nous parvenons à vous, qui estes nostre couronne

1 Supportable.

loo L'Internelle

et nostre loyer. Helas ! et se vous ne nous eussiez précédé, et enseigné le chemin, qui eust tenu compte de y parvenir? Quantz en eust-il au jourd'uy qui fussent bien eslongnez de vous, et demeurez derrière, s'ilz n'eussent apperceu voz merveilleux exemples! Se, encores mesmement en ce temps cy, que nous voyons et congnoyssons si grandes et belles exemples de voz saintz, nous sommes tepides et remys et negligens, que ferionsnous si nous n'avions si grant clarté et si grant lumière qui nous demonstre la voye et le chemin que nous debvons ensuyvir '?

De porter voidentiers injures^ et comme on preuve le vray pacient.

XVIIIP Chapitre.

u'est ce que tu dis, beau filz? Cesse de te complaindre quant tu considères la vie et la passion de moy et de mes saintz ; lu n'as pas encores résisté jusques au sang. C'est pou de chose que tu seuffres en comparacion de ceulx qui ont tant souffert de maulx, qui ont esté si fort temptez, si griefvement tribulez, en tant de choses prouvez et exercitez. Et affin que tu seuffres plus paciemment et plus legierement si pou de chose qui te advient, il fault que tu penses aux plus griefves peynes, tribula-