I. L'édit. de 1498 donne: « le chemin de vous ensuivir

CONSOLACION. II. lOl

cions et douleurs que les autres ont eu et souffert. Et se ce que tu as et seuffres ne te semble legier et pou de chose , voy et regarde que ce ne soit ton impacience qui te fait ainsi foible. Toutesfoiz, soyent grans ou petiz les maulx que tu seuffres, mect peyne de les porter moult paciemment.

Car de tant que tu te disposes mieulx à soustenir et souffrir paciemment, de tant faiz-tu plus sagement, et de tant dessers-tu plus et gaignes envers Dieu. Et aprens aussi à les porter plus paciemment et plus legierement par usaige, et par bon cueur, et par bonne voulenté, qui te font prest et appareillé, et te estent petit à petit ceste paresse et lascheté que tu avois par avant. Et ne dy pas de ire ne de cueur ne de bouche : je ne pourroye cecy soustenir ne porter de cestuy homme cy; telles choses ne sont pas à souffrir à moy; il m'a fait tel et si grant dommaige; il m'a dit telle vilennye ou tel reproche que je ne pensay oncques ' ; mais d'un aultre je porteray bien, non pas de cestuy-cy, et aussi ce que je verray qui sera à porter et souffrir. Telle pensée est sotte, et ne vient pas d'homme sage qui bien pense et considère la vertu de pacience, ne * de qui elle sera couronnée, mais seuUement regarde les personnes qui font les dommaiges et les offences, ou aussi les

r. M'a fait reproche d'une chose à laquelle je n'ai jamais pensé, ou tel repioche que je n'aurois jamais cru qu'on pût me faire.

2 Ni ne vient d'un homme qui considbrc de qui cette vertu sera couronnée.

I02 L'Internelle

offenses, villennies ou dommaiges qui sont faictes.

Cellui n'est pas vray pacient qui ne veult souffrir que ce qu'il luy plaist, et de qui il luy plaist, et tant comme luy plaist. Le vray pacient ne regarde point de qui il seuffre ou qui luy fait desplaisir, se c'est son prélat ou souverain , ou son pareil ou moindre de luy, ou bon ou maulvais, saint ou pescheur, ou de quelque aultre estât qu'il soit ; mais indifferamment de quelque créature, tant soit grant chose, et toutes les foyz qu'il luy viendra quelque adversité , il la prent paciemment et en bon gré comme de la main de Nostre Seigneur, et repute que c'est un tresgrand prouffit pour soy. Car il n'est si petite chose portée ou soustenue pour l'amour de Dieu qui ne soyt de tresgrant prouffit et mérite envers luy. Et pource tu doibs estre prest et appareillé tousjours à l'assault et bataille, se tu veulx avoir victoire. Car sans bataille ne peuz-tu estre couronné ; et se tu ne veuk souffrir tu ne veulx pas avoir la couronne.

Et doncques se tu veulx estre couronné il te fault fort combatre , c'est assavoir résister aux temptacionset péchez et inclinacions maulvaises. et porter et souffrir paciemment adversitez et tribulacions , car sans peyne et travail on ne vient pas à repos, et sans bataille on ne peult avoir victoire.

L'homme respond par dévote orayson : 0 mon Dieu et Seigneur, soit fait à moy possible parvostre aide et bénigne grâce ce qui m'est impossible de moy et de ma force. Vous sçavez, Sire, que je suis

COiNSOLACION. II. I03

foible et de peu de force pour riens souffrir, et de petite adversité et tribulacion je suys tost vaincu et abatu ; mais se voslre grâce me veult ayder, quelque tribulacion qui me viengne ne me pourra nuyre , mais elle me sera plaisant et aggreable. Car je sçauray et congnoystray que souffrir et endurer pour l'amour de vous est prouffitable au saulvement de mon ame.

De congnoystre et confesser son en/ermeté et les misères de ce monde.

XX' Chapitre.

e vous confesse, Sire, encontre moy mon ^ ^\ injustice et iniquité ; je confesse à vous ^ ^ ^^ congnois ma foibleté et mon enfer- ^jl meté , car souventesfoiz pou de chose me abat et surmonte ; je propose aulcunesfoiz que je resisteray tresbien, mais se ung peu de temptacion ou tribulacion survient, tantost je ne sçay que faire; et encore d'une ville chose et qui rien ou peu vault seray tresfort tempté. Et quant je cuyderay estre bien seur et bien en paix, souldainement et près queje ne le sentiray ', me trouveray vaincu et surmonté comme d'ung peu de vent.

Si vous plaise, Sire, à regarder piteusement mon enfermeté et povreté qui vous appert de tous costez. Ayez pitié de moy, et me délivrez de la fange

t Presque sans m'en apercevoir.

I04 L'IiSTERNELLE

OU boe, que je n'y demeure pas de tous pointz fiché ou tombé. C'est ce qui souventesfoyz m'esbahist et confond devant vous, que je suys ainsi chancellant et foible à résister à mes passions et mauvaises inclinacions. Supposé qu'elles ne soyent pas jusquesau parfait consentement, toutesfoiz ce m'est un grant ennuy et griefve chose à les porter et souffrir, et me ennuyé tresfort d'estre tousjours ainsi, et vivre en telle bataille. Et en ce m'est manifeste mon enfermeté et foi blesse que ' plus souvent me viennent telles abhominables et ordes fantasies, et plus legierement qu'elles ne s'en vont , c'est à dire que je suis plus enclin à les avoir que à les débouter.

Plaise vous, Sire, puissant Seigneur et Dieu d'Israël , zélateur des âmes crestiennes , à regarder piteusement le labeur et douleur de vostre povre serviteur, et soyez présent en toutes ses œuvres et besoignes. Renforcez-moy de force et de vertu espirituelle, que le corps et la chair, qui n'est pas encores plainement subjecte à l'esperit, n'ayt dominacion sur moy, contre laquelle me fauldra combatre tant comme je vivray en ceste vie misérable.

Helas! et qu'est-ce de ceste meschantevie en laquelle n'a que tribulacions et misères, où tout est plein de las et de temptacions : car tantost que une temptacion est passée ou surmontée l'autre revient; et encores aucunesfoiz avant que la première tribu-

I En ce que.

CONSOLACION. II. Io5

lacion ou temptacion soit parfaictement cessée, en survient des autres , et ne scet-on de quelle part elles viennent. Et comme peult estre amée vie qui a tant d'amertumes, qui est subjecte à tant de meschancetez et misères ! Comment la peult-on appeler ou nommer vie, qui engendre tant de mortz et pestilences? Et toutesfoiz, Sire, on l'ayme, et plusieurs désirent et veullent euxdelicter en ycelle. Et jaçoit ce que plusieursfois on congnoisse que ce monde estfaulxetmaulvais, toutesfois ne le peulton pas de legier laisser , pource que les concupiscences charnelles ont dominacion en nous. Mais il y a aulcunes choses qui admonnestent à l'aymer, et les aultres qui admonestent à le mespriser et à le hair : à aymer le monde attrayent le désir de la chair, c'est à dire les plaisances charnelles; le désir des yeulx , c'est à dire choses plaisantes à veoir; et l'orgueil de ceste vie, c'est à dire les pompes, estatz et dominacions de ce monde. Mais les peines et misères qu'on a desdictz désirs, c'est assavoir à les garder et acquérir, et qui d'icelles ' par le juste jugement de Dieu se ensuivent , le font hair et ennuyant.

Mais c'est grant malle meschance que les habandonnez au monde sont surmontez et vaincus par ses delectacions et plaisances mondaines, et se delictent

I . n serableroit qu'il dût y avoir (i'tceute.L'écIit. de 1498 et celle de i5oo sont d'accord pour donner d'icelles, en sous-entendant sans doute le mot choses. Le manuscrit dit simplement : " Mais les painea et misbres que par le juste jugement de Dieu s'ensieuwent le font hayr. »

io6 L'Internelle

et prennent plaisir à estre sur ronces et espines : car ilz sont ignorans de la doulceur de Dieu , et ne sentent point la delectacion et suavité internelle * des vertus, et n'y prennent point de goust ou plaisir. Mais ceulx qui parfaictement mesprisent le inonde, et se estudient de vivre à Dieu soubz ceste discipline, ceulx ycy ne ignorent pas la suavité et doulceur qui est promise aux vrays renonçans du monde, c'est à dire à ceulx qui vrayement de cueur et de corps renoncent au monde, et apparçoyvent clereraent comme le monde erre et est deceu diversement, c'est à dire en diverses manières.

Que sur toutes choses on doit mettre peine d'avoir repos et paix en Dieu seultement.

XXP Chapitre.

on ame, apren à toy reposer, et avoir paix en Dieu tousjours : car celluy seul est le pardurable repos des Saintz. Plaise vous , Sire , doulx Jésus , vray et seul amy, moy donner ce repos , ceste paix qui est en vous sur toutes créatures, sur tout salut et beaulté, sur toute gloire et honneur, sur toutes richesses et sciences ou subtilité d'entendement, sur toute puissance et dignité, sur toute lyesse et exultacion , sur toute renommée et honneur et louenge , sur toute

I. Les édit. de 1498 et de i5oo traduisent là encore internam par éternelle. Le manuscrit est plus littéral : " et n'ont pas veu ne goiisté l'aménité et biaulté internelle de sa viertu. »

doulceur et consolacion , sur toute espérance et promission, sur toute affection et désir, sur tous les dons et renumeracions que vous povez donner, sur toute joye et jubilacion que peult comprendre et sentir cueur humain, à la parfin sur tous Angelz et Archangelz, et sur toutes les Vertus et Esperitz des cieulx , et sur toutes choses visibles et invisibles, et sur tout, Sire, ce que vous n'estes pas.

Car vous , Sire , estes mon Dieu , seul bon sur toutes choses, seul grant, seul puissant, seul tressufiisant et plain. Vous estes seul tresdoulx et consolatif; vous estes seul tresbel et tresamiable à aymer ; vous estes seul tresnoble et glorieulx sur toutes choses , ouquel tous biens sont tresparfaictement, et ont tousjours esté et seront. Et pource, quelque chose que sans vous me povez donner , promettre ou révéler , est moindre et insuffisant à mon désir acomplir se je ne vous voy ou ay plainement. Car certainement. Sire , rien ne peut vrayement assovyr mon cueur et mon désir contenter, s'il ne se repose en vous , mais surmonte et passe toutes créatures.

Oraison par manière de meditacîon.

Mon loyal amy et espoux Jésus , amy piteux et débonnaire, qui me donnera les esles de vraye liberté, à ce que je puisse avoir en vous repos et consolacion? 0 quant me sera licite deplainement vacquer à veoir et sentir comme vous estes doulx

io8 L'Internelle

et souef? Quant me pourray ainsi plainement recoliger, c'est à dire toutes aultres pensées, et meditacions vaines et occupacions bouter hors de moy?

Que en vous puisse avoir tel repos que, pour la grant doulceur de vous, je ne me sente point, mais moy et toutes aultres choses aye oubliez , et à vous seuUement pense par une manière que sens ne désir ne peut congnoistre ne apparcevoir ! Mais maintenant souventesfois je gemys, et souffre en douleur mon infelicité. Car en ceste valée de misère et de ténèbres me surviennent plusieurs maulx qui me troublent, contristent et aveuglent, empeschent souvent, distrayent , et provoquent que je n'aye franc accès à vous, et que je ne sente ses joyeulx embrassemens de vostre amour et consolacion, qui est tousjours présente aux benoitz sainctz de Paradis. Soyés, Sire, esmeu à pitié par mon souspir et la grant desolacion de ceste terre.

0 .Tesus, resplendeur et lumière de gloire pardurable, seul soûlas del'ame pèlerine, envers vous est mon désir sans voix, et ma silence parle. Helas ! comment longuement attendez-vous à venir, Sire ! Mon Dieu, à moy venez, et reconfortez vostre povre, et le resjouyssez; estendez vostre main, et délivrez ce povrede toute douleur et angoisse. Venez , venez. Sire, car sans vous nul jour ne heure ne m'est joyeuse : vous seul estes ma joye , et sans vous n'y a point de viande qui vaille. Je suis povre, méchant, et comme emprisonné, chargé de fers et de lyans, jusques à ce que vostre grâce me de-