livre et me conforte par vostre doulce présence et advenement

Quièrentles aultres ce qu'ilz vouldront, car quant est de moy rien ne me plaist fors vous, ma seule espérance et mon salut pardurable. Je ne me tairay pas, et ne cesseray de vous prier jusques à ce que vostre grâce soit retournée, et que je sente vostre présence en moy...

Or doncques maintenant, Sire, je vous sens ; vous estes retourné. Vous avez ouy mon oraison ; vous avez eu pitié de mes lermes et de mes souspirs. Le désir de mon ame, mon humiliacion et douleur de mon cueur vous ont encline et ramené à moy.

Mercyé, Sire, en soyés-vous. Et maintenant me plaist mon désir et prière , car je sens vostre présence. Je suis prest et appareillé de tout reffuser pour vous; car. Sire, c'est ' vostre grâce que premièrement m'avez donné cueur et voulenté,etm'avez excité pour vous prier et requérir. Vous soyés benoist qui m'avez fait ceste grâce, à vostre povre serviteur inutile , selon vostre grande miséricorde , non pas selon ma desserte. Que peut doncques maintenant dire vostre povre serviteur devant vous, fors que soy humilier tresfort en recongnoissant sa propre iniquité, vilité et misère. Vous n'avez point. Sire , de pareil et semblable ne en ciel ne

I. 11 faut supposer ici le mot de, par, ou de par vostre grâce. Le manuscrit traduit littéralement : "Vousm'avez premièrement avisé et excité de vous quérir.»

iro L'InTERNELLE

en terre; toutes voz euwes sont tresbonnes, et voz jugemens vrays, et par vostre pourveance sont toutes choses gouvernées. Et pource, Sire, à vous seul doibt estre la louenge de tout et gloire, 0 vraye sapience de Dieu le Père , benoist doulx Jésus ; si ' vous ioe et benoist mon corps et mon ame , et aussi toutes voz créatures.

De remembrer souvent les bénéfices de Nostre- Seigneur et les avoir en sa mémoire.

XXIP Chapitre.

uvrez, Sire, mon cueur en vostre loy, et m'enseignes à vivre selon voz comraandemens. Donnez -moy grâce de congnoistre vostre voulenté, et en grande révérence et diligente consideracion remembrer et racompter voz bénéfices et grâces que vous faictes à moy et à toutes voz aultres créatures , tant en gênerai comme en espicial , affin que je vous en puisse dignement remercier ; jaçoit ce que je sache bien et confesse que , non pas pour le moindre don que m'ayez fait, ne puis-je deuement vous louer et remercier. Je suis, Sire, moindre* et indigne de tous les biens que m'avez faitz et donnez ; et quant je pense et considère vostre dignité et noblesse , je deffaulx en moy , car je n'y puis advenir.