I. Aussi

a. Au-dessous.

Tant que nous avons en ame et en corps , que nous possédons naturellement ou espirituellement, dehors ou dedans , sont voz dons et bénéfices , et vous commandent' et manifestent doulx et piteux donneur de qui nous recepvons tous biens. Et supposé que l'ung en reçoyTe plus que l'autre, toutesfois, Sire, tout est vostre et vient de vous, car sans vostre grâce ne povons riens avoir, tant soit petit. Celluy qui plus grans dons et grâces reçoit ne se doit point pource glorifier, ne enorgueillir et eslever sur les aultres, ne reproucher à celluy qui est moindre de luy ou qui moins en a. Car celluy est meilleur et plusgrant envers Dieu qui moins s'en attribue, et qui plus humblement et dévotement en remercye Dieu ; et celluy qui se repute et juge le plus vil et indigne de quelque don et grâce avoir de Dieu , est le plus habile et appareillé à recepvoir grans dons et grâces de Dieu.

Pareillement celluy qui a moins receu de vous ne se doit point contrister, ou estre courroucé et indigné, et avoir envye contre celluy qui plus en a, mais doit plustost considérer et louer vostre grant bonté et magnificence, qui ainsi largement et sans desserte et voulentiers donnez et départez voz dons et grâces à tous, sans avoir acception de personne. Tous biens sont et viennent de vous; et pource vous seul de tous et en tous devez estre loué. Vous sçavez. Sire, comment il est expédient