I. Vous recommandent, vous vantent comme un doux, etc

112 L'Inteunelle

de donner à ung chascun , et pource ne nous appartient pas, Sire, de vouloir sçavoir ou quérir pourquoy cestuy-cy en a plus et l'autre moins ; mais à vous seul appartient, qui sçavez le mérite d'un chascun.

Et pource, sire Dieu tout puissant, je repute grant chose, et pour grant don et bénéfice, non avoir pas grans grâces et dons desquelz on puisse estre par dehors envers les hommes prisé et honoré ; tellement que chascun' considère la povreté et viiité de sa personne, et parce ne soit pas courroucé ou indigné de ceste déjection el povreté, mais soit tresjoyeux, et repute grant consolacion et grâce. Car, Sire, vous avez acoustumé d'avoir plus familiers et prochains de vous les povres, humbles, et mesprisez du monde, et à eulx donner plus de voz consolacions et grâces interiores. Et de ce sont tesmoings les sainctz Appostres, Martirs, et Confesseurs , et aultres sainctz de Paradis , lesquelz vous avez faitz et ordonnez princes sur toute la terre , qui toutesfoyz en ce monde estoyent povres, humbles , paisiblement conversans avecques le monde et les aultres^, simples, débonnaires, sans malice, barat' ne tricherie , tellement qu'ils s'esjouyssoient de souffrir et porter, pour l'amour de vous et pour vostre nom, villennies et reprouches et peynes corporelles . et embrassoyent joyeuse-