Ruse

CONSOLACION. II. tl3

ment et par grant affection tout ce que le monde a en orreur et abhominacion.

Il n'est doncques riens en quoy se doye tant esjouyr et consoler celluy qui vous ayme et bien congnoyst voz dons et bénéfices , fors en ce que vostre voulenté soit faicte en luy et de luy , pour laquelle il doyt estre ainsi bien content d'estre le plus petit de tous, comme ung aultre seroit content d'estre le plus grant , et aussi paisible et content d'estre au dernier lieu comme ung aultre seroit content d'estre au premier , et aussi doulcement et amyablement porter estre mesprisé et débouté des aultres , et de non estre d'aulcune reputacion ou renommée , mais que on ne tiengne compte de luy, comme ung autre feroyt d'estre en grant estât et honneur en ce monde. Car l'amour et le désir de faire vostre voulenté, et que vostre honneur soit en tout et par tout fait et gardé, luy doyt plus estre à plaisir et consolacion que tous les biens, estatz, et bénéfices qu'il pourroyt avoir en ce monde cy.

De quatre choses qui font garder et avoir paix en la personne.

XXIIP Chapitre.

eau filz, maintenant je t'enseigneray la voye et le chemin de paix et de vraye franchise et liberté.

Faictes doncques, Sire, ce que vous

ii4 L'Internelle

dictes, car c'est une chose que je désire moult sçavoir et ouyr.

Estudie-toy de faire plustost et plus voulentiers la voulenté d'autruy que la tienne, et t'en efforce; désire avoir tousjours moins que assez ou plus ; quiers" tousjours le dernier lieu , c'est à dire de estre le dernier des aultres et subject aux aultres; prie souvent à Dieu et luy requiers que sa voulenté soit du tout faicte en toy et de toy. Qui ainsi ces quatre choses désire, et met peyne de les acomplyr en tant qu'il peult et que en soy est, cestuy est au chemin et en la voye de paix et transquilité.

Helas ! Sire, vostre parolle est briefve et vostre doctrine; mais en soy contient grant perfection. Elle est de peu de parolles, mais pleyne de grant sens et de grant fruit; et se je la povoye en moy bien garder et acomplyr, turbacion ou impacience ne me surprendroit pas si legierement qu'elle fait. Et pource, toutesfoyz que je me perturbe et suys impacient, je congnoys bien que je suys encoresloing de ceste doctrine et perfection. Mais vous, Sire, qui congnoyssez mon imperfection, et povez toutes choses, et qui mon salut et perfection desirez et voulez, donnez-moy plus grant grâce et force espirituelle, affin que je puisse acomplir ceste doctrine, et par ce faire mon saulvement. Amen.

CONSOLACION. II. il5

Oraison contre les maulvaîses cogitacions.

on Dieu , mon Seigneur, ne vous eslongnez pas de moy, mais regardez, Sire, /à P piteusement à mon ayde ; car contre moy ^ sont eslevées plusieurs diverses pensées lesquelles me donnent grande affliction et paour. Helas, sire Dieu , comme les pourray-je passer et eschapper sans estre blecé? Comment les pourray-je surmonter et vaincre, sinon que piteusement me secourez en mon aide, et humiliez les glorieux de la terre , c'est à dire les passions et mouvemens desordonnez de mon corps, en moy estant de ceste prison en laquelle suys; et me révélez voz secrez, c'est assavoir vostre doulce consolacion qui me reconforte en ceste bataille.

Et pource , Sire , faictes selon vostre promesse , qui promettez secourir aux tribulez pour l'amour de vous. Approuchez à moy, et ces pensées toutes devant vostre présence s'en fuyent : car c'est ma seulle espérance et reconfort en toutes tribulacions refuyr à vous, et en ceste fiance du parfond du cueur je vous deprie, et en pacience attendz vostre consolacion.

ii6 L'Internellb

Orayson pour illuminacion de cueur obtenir.

lorifiez-moy et enluminez, benoist doulx Jésus, de la clarté et lumière interiore, et mettez hors de mon cueur toutes ténèbres. Refraignez ces evagacions, et abatez les temptacions qui me assaillent. Combatez, vous, pour moy, et expugnez les bestes saulvaiges, c'est à dire les concupiscences desordonnées, et que par vostre vertu et puissance paix soyt en mon ame, ad * ce que je vous puisse plussouvent loer en saincteté'' . Commandez aux vens et tempestes des temptacions qu'ilz se départent. Dictes aux amertumes des remors de conscience qu'elles cessent , et au vent de acquillon , c'est à dire à l'Ennemy qui a esleu son siège en ce pays là, qu'il s'en fuye , et tanstost sera faicte grant paix et transquilité.

Envoyés, Sire, vostre lumière et vostre vérité pour alumer sur la terre de mon cueur, car je suys terre vaine et obscure se vous ne me enluminez ; respandez vostre grâce dessus, et le arousezdela rosée du ciel ; administrez l'eaue de doulce devocion pour arroser la seicheresse deluy, affin qu'il puisse porter fruit qui me soyt tresbon. Eslevez, Sire, mon cueur chargé du faiz et chargé de péché, et estendez tout mon désir en hault, affin que par le doulx