Ad ce que, à ce que, afin que

2. Purté et netteté de cueur et de conscience. Édit. de 1498.

goust de la félicité celestielle il s'ennuye de penser les choses terriennes.

Attrayez-moi, Sire, à vous, et me arrachez de toute ceste transitoire consolacion : car nulle chose créé ne peult de tous pointz faire cesser plainement mon désir, ne me reconforter. Joignez-moy à vous par le fort lyan de charité et amour : car vous seul souffissez à celluy qui parfaictement vous ayme ; et sans vous sont toutes choses fresles et vaines.

De soy garder d'enquérir curieusement la vie d'aultrmj. Et est en la personne de Dieu.

XXIII? Chapitre.

eau filz, ne soyes point curieux ne soigneux en choses ou en cures inutiles et qui de riens ne t'appartiennent.

isTSTças^ Pourquoy regardes-tu à l'un ou à l'autre? Ensuy-moy tant seullement, c'est assavoir en gardant mes commandemens. Que as-tu à faire de sçavoir se cestuy est tel ou tel , ou se l'autre a fait telle chose, ou dist ceste parolle? Tu ne dois pas respondre de leurs péchez , mais te fauldra respondre pour toy, voyre especiallement quant ilz ne te sont pas commys, et que tu n'es pas leur prélat, ou qu'ilz ne sont en ton gouvernement. Pourquoy doncques te implicques-tu ad ce sçavoir et congnoistre qu'il ne t'est point de besoing? Laisse et mect arrière

ii8 L'Interneile

ceste prudence mondaine, et toute propre et humaine plaisance eu toy et de toy . Je voys tout et congnoys tout ce qui est soubz le ciel, et sçay et apperçoys quel ung chascun est, et ce qu'il pense, et ce qu'il désire , et à qu'elle fin tend son entencion ; et pource on me doyt tout laisser et commettre, et se attendre du tout à moy. Mais gardetoy le mieulx que tu pourras en bonne paix, et laisse tes ennemys faire ce qu'ilz vouldront ou pourront. Car le mal qu'ilz te penseront faire viendra sur eulx, car ilz ne pevent eschapper ou décevoir et éviter ma puissance.

Et ne soyes pas envieux d'avoir grant nom en ce monde , car ce n'est que umbre , non pas vérité. Ne aussi ne désire pas à avoir familiarité à plusieurs, ou particulière ou privée amour à aulcunes personnes : car telles choses engendrent distraction de cueur et aveuglement. Mais se tu prens garde de congnoystre et appercepvoir l'advenement de ma visitacion en toy, et que tu soyes prest et appareillé de luy ouvrir l'huys de ton cueur, je y entreray, et parleray à toy secrètement, et te revelleray plusieurs choses obscures. Soyes doncques diligent et esveillé en orayson, en charité et en vertu , et te humilie en toutes choses.

En quoy est la rraye paix de cueur et le prouffit espirituel.

XXV* Chapitre.

^ ostre Seieneur Jesuchrist dit en l'Evan- ■^ gile : Je vous laisse ma paix, je vous donne ma paix ; je vous la donne ; non pas ainsi comme le monde la donne , tous désirent et demandent paix, mais tous ne se efforcent pas de garder et avoir ce par quoy on vient à vraye paix. La paix de Dieu est avecques les humbles et débonnaires de cueur, mais la paix des hommes est en vraye pacience. Se tu veulx ouyr Jesuchrist, et ses paroUes mettre à effect et acomplir, tu auras grant paix.

Et que fault-il que tu faces?

■ En toutes tes œuvres et paroUes soyes sur ta garde, et ayes toute ton entencion fichée à ce que tout ce que tu faiz et diz soyt à l'honneur de Dieu et pour luy plaire, et que en tout tu ne desires ou quières que luy et son plaisir, mais des faitz et des paroUes d'aultruy tu ne juges pas follement. Des choses qui ne t'appartiennent pas et qui ne te sont pas commises ne t'entremetz pas. Et lors tu pourras venir ad ce que peu souvent tu soyes troublé. Toutesfoiz ne pense pas venir à ce que tu n'ayes jamais aulcune tribulacion ou adversité en ce monde, ou que tu n'ayes quelque angoisse de cueur ou de

Ï20 L'Internelle

corps ; car ceste grâce et ce don n'appartient pas avoir en ceste vie , mais à la vie pardurable de Paradis. Ne cuydes doncques pas toy avoir trouvé vraye paix, se ne sens quelque douleur de corps ou tristesse de cueur. Ne cuydes pas aussi que ce soyt de ton bien se tu n'as point d'aversité ou d'aversaire. Ne pareillement ne te doibs pas repu ter parfaict se les choses te viennent à voulenté, et à ton désir et plaisir. Ne aussi ne te repute pas bien espiciallement aymé de Dieu Nostre Seigneur, ou estre grant et sainct , se tu es en grant devocion , et que en ton oraison tu sentes grant doulceur. Car en ces choses n'est pas congneue la vraye vertu de la personne, ne en ce ne gist pas le parfait proffit et perfection de l'homme.

Et en quoy, diras-tu doncques?

En te offrant et soubmettant de tout ton cueur à la voulenté et disposicion divine; en ne querant point ton profRt et voulenté , ne en grant ne en petit, en ce monde cy ne en l'autre, mais seullement le plaisir et voulenté de Dieu , et tellement que tu soyes toujours tout ung et pareil de cueur et de face. Et remercye aussi bien Dieu en adversité comme en prospérité, en recevant aussi joyeusement l'un comme l'autre. Et se tu peuz estre si fort et si pacient en espérance, supposé que toutes consolacions te fussent sustraictes et ostées, toutesfoiz tu soyes prest et appareillé au cueur de encores souffrir et soustenir plus et plus longuement s'il plaist à Dieu , et que tu ne te justifies pas au cueur,

OU vueilles loer comme sainct, et que tu n'ayes pas * desservy à telz maulx porter et soustenir, mais que tu loes et remercyes Dieu , et le repute juste en toutes les disposicions et ordonnances que de toy et à toy luy plaira à faire; lors seras-tu au vray et droit chemin de vraye paix, et te sera vraye espérance que finablement tu verras Dieu en grant joye et jubilacion. Et se en ces choses tu peulx venir, et parfaictement contemner et mespriser toy mesmes, lors saiches que tu seras en grant habondance de paix, selon qu'il est possible l'avoir en ce présent monde.

De l'eminence et haultesse de franchise de cueur,

laquelle se acquiert plus par dévoie

orayson que par leçon ou predica-

cion, c'est à dire par estudier ou

ouyr prescher la Saincte

Escripture.

XXVP Chapitre.

eau sire Dieu , comme c'est grant chose et difficile d'avoir ainsi continuellement son cueur, son affection et son entencion sans relascher fichées en Dieu et es choses divines et espirituelles! Certes ce n'est pas œuvre que puisse faire une povre personne, mais fault qu'il soytde grant perfection, et que, entre tant de cures et sollicitudes qui sont en ce