I. Purification

auquel tout est vain et vanité, et aiïliction de cueur et d'esperit. 0 comme est saige celluy qui ainsi considère !

Donnez-moy, Sire, ceste sapience céleste ou divine, affin que j'aprengne à vous quérir et désirer sur toutes choses , et vous trouver et assavourer et aymer sur tout et toutes les aultres choses, selon l'ordre de sapience, et selon qu'elles sont à congnoistre. Donnez-moy grâce de sagement décliner ou mespriser les flateurs ou flatteries, et paciemment porter ou souffrir les adversaires et adversitez. Car c'est grant prudence de n'estre point esmeu par quelque vent de paroUes , c'est assavoir n'escouter point voulentiers flatteries ou louenges de soy , ne aussi ne se couroucer pas des detractions ou reproches ; car en telle manière peut-on aller seurement en la vove et chemin de ceste vie.

Contre les langues des detrayeurs ou mesdisans. XXVIIP Chapitre.

,^ eau filz, ne porte pas envys se aulcun M sent ou estime mal de toy, ou te dit chose 7-^ iW i ^^^ ^^ ^^ vouldroys pas ouyr, c'est asi^çTsi:^ savoir que tu doys cuider que tu es pire que tous les aultres, et que nul n'est moindre de toy ou plusgrant pécheur. Se tu penses bien à tes péchez, et soyes soigneux de ton ame, tu ne tiendras guères compte des paroUes volans par dehors. Ce

lîS L'Internelle

n'est pas petite prudence soy sçavoir taire en temps maulvais , c'est à dire en adversité , et soy sçavoir convertir à moy, et ne se troubler pas pour les jugemens du monde.

Ne quiers pas ta paix en la bouche des hommes, car s'ilz interprètent bien ou mal de toy , c'est à dire deteseuvres, qu'ilzsoyent bonnes ou maulvaises, ou bien ou mal faictes , pour cela n'es-tu pas aultre que tu es. Où est vraye paix et vraye gloire? N'est-ce pas en moy? Et qui ne désire point plaire au monde et ne doubte point luy desplaire ha grant paix. Car par desordonnée amour, ou affection de plaire , ou vaine paour et crainte de desplaire , naist et vient grant turbacion de cueur et distraction de sens.

Comment en grant tribulacion on doit prier, loer et remercyer Dieu.

XXVIIII* Chapitre.

oit, Sire , vostre nom benoist et à perpétuité , qui avez voulu ceste temptacion et tribulacion venir sur moy. Je ne la puis. Sire, fouyr ne éviter, mais besoing et nécessité m'est de retourner et me convertir à vous. Plaise-vous à moy aider, et la tourner et convertir à mon bien et prouffit. Maintenant, Sire , je suis en adversité et tribulacion , et en moy n'est quelque bien : mais moult fort suis vexé et troublé de ceste

passion. Et maintenant, Sire, père tout-puissant, que diray-je, prins entre ses angoysses? Plaise-vous, Sire, moy ayder en ceste heure, car pource suis-je venu en cest besoing , c'est à dire que vous m'y avez souffert venir, à ce que vostre nom fust clarifié, quant, après ce quej'auray esté tresfort humilié, vous m'aurez ainsi merveilleusement délivré. Plaise-vous, Sire, à moy délivrer, car je, povre et meschant, que puis-je faire , et que puis-je devenir; oîi aller sans vous? Donnez-moy, Sire, pacience mesmement en ceste fois ; aidez-moy, vous mon Dieu et mon Seigneur , et je ne doubteray de quelconque griefveté que je soye grevé.

Et maintenant, Sire, que diray-je entre ces choses? Sire , soit faicte vostre voulenté. J'ay bien desservy estre tribulé et pugny. Il convient certes que je le soustiengne ; je vouldroys que ce fust bien paciemment jusques à ce que la tribulacion fust passée, et que j'aye mieulx. Vostre aide. Sire, et main est tout-puissant; et povez ceste temptacion ester de moy , et la force et l'impétuosité d'icelle appaiser , affin que ne soye pas de tous pointz vaincu et surmonté , ainsi comme par avant plusieursfois avez fait avec moy, mon Dieu, ma miséricorde. Et de tant que ceste mutacion m'est plus difficille et forte, de tant vous est-elle plus legière.

i3o L'Internelle

De requérir tonsjours l'ayde de Dieu, et que on

doit avoir confiance à recouvrer la grâce

de Dieu se on l'a perdue ou se on ne la

sent pas. Et est en la personne de

Dieu qui conforte ou enhurte.

XXX« Chapitre.

eau filz, je suis le Seigneur qui conforte en temps de tribulacion; vien à moy quant tu ne sentiras pas que te soit bien. C'est la chose qui plus empesche la consolacion divine, que tu te tournes trop tard à oraison. Car devant que tu retournes parfaictement à oraison ententive à moy , tu quiers et pourchasses plusieurs consolacions et reconfors par dehors; et pource il advient qu'il ne te proffite riens ou pou , jusques à ce que tu apparçoys et congnoys que je suis celluy qui délivre ceulx qui ont espérance en moy , et qu'il n'y a ayde qui vaille sans moy, ne aussi conseil proffi table, ne aide qui dure ou persévère. Mais incontinent repren force et vigueur d'esperit; et après la grant tempeste ou temptacion , reconforte-toy en la lumière de mes miséricordes ou miseracions. Car je suis prest et prouchain de toy restaurer et rendre tout, non pas seuUement haliondamment , mais à grant comble.

Pense-tu qu'il me soit aulcune chose difficille , ou que je soye semblable à celluy qui dit ou se

CoNSOLACION, II. i3l

vante OU promect, et rien ne fait? Qu'est devenue ta foy? Tien-toy bien ferme et perseveramment; soyes courageux et comme homme fort , et la consolacion te viendra en temps deu , c'est à dire quant je sçauray que sera ton proffit. Attens-moy et surattens, je viendray et te guariray. C'est une temptacion qui te fait mal, et une vaine paour qui te espovente. Que te peult faire solicitude et aussi cure des choses qui pevent advenir ou non advenir, fors que te faire une tristesse sur tristesse. Souffise-toy de la maulvaistié ou malice d'ung chascun jour, c'est assavoir que tu la puisses passer.

C'est vaine chose et sans proffit de soy troubler ou esjouyr de ce qui peut advenir, qui par adventure jà ne adviendra ; et supposé que ce soit humaine chose d'estre deceu par telles ymaginacions, toutesfoiz c'est signe de homme de petit couraige d'estre si legierement attrait ou abatu par la subgestion de l'Ennemy. Car quant est de luy, il ne luy chault comment il deçoyve, ou par vérité ou par faulseté; ne aussi il ne luy chault s'il vainct par l'amour des choses présentes, ou par la crainte des choses advenir ou paour. Et pource ne se trouble point ton cueur et ne doubte point. Croy en moy, et ayes fiance et espérance en ma miséricorde. Aulcunesfoiz quant tu cuides que je soye le plus loing de toy, lors suis plus prouchain. Quant tu cuides avoir tout perdu, aulcunesfois est temps que tu gaignes plus. Tout n'est pas perdu quant la chose advient au contraire de ce que tu cuides.

i32 L'Internelle

Tu ne dois pas totalement juger selon ce qu'il te semble et que tu sens alors que je ne me manifeste pas à toy par grâce, ainsi comme se toute ton espérance de jamais povoir réchapper ou te relever te estoit ostée.

Ne cuides pas que tu soyes de tous pointz délaissé, jaçoit ce que je t'aye envoyé aulcune tribulacion, ou que je t'aye soustrait et osté ma consolacion, car par telle manière fault-il venir au royaulme des cieulx. Et sans doubte cecy t'est plus expédient , et à tous mes serviteurs et amys , que vous soyez exercitez par telles adversitez, que se tousjours vous aviés tout à vostre plaisir. Je congnois et sçay les cogitacions occultes, et que il est tres-expedient pour vostre salut que vous soyés aucunesfois délaissez sans saveur et devocion, aflfin que par adventure ne vous en orgueillez en ceste prospérité de devocion et que vous ne plaisez à vous mesmes, c'est à dire que cuydez ou reputez estre aultres que vous n'estes pas. Je puis ester ce que j'ay donné, et le rendre de rechief quant il me plaira.

Quant je l'ay donné il est mien , quant je l'ay osté je n'ay riens prins du tien ; car mien est tout don bon et parfaict. Se je t'ay envoyé quelque charge ou faiz de tribulacion ou d'aversité, ou quelque contrariété, ne t'en courrouce pas, et ne deffaulx pas du cueur , car je te puis tantost secourir, et muer ' , et changer toute la tristesse en joye. Tou-