Changer

CONSOLACION. II. l33

tesfois je suis tout juste, et moult à remercyer et recommander quant je faiz ainsi avec toy.

Et se tu estoyes droictement saige, et regardoys à la vérité , jamais tu ne te devrois ainsi contrister ou ainsi abatre pour quelque adversité , mais plus esjouyr, et me remercyer et rendre grâces. Et mais encores dois avoir souveraine joye que je ne te espargne point, et afflige en douleurs. Car ainsi comme mon Père m'a aymé je t'ayme, ainsi comme je dis à mes amys et disciples, lesquelz toutesfois je n'envoyay pas aux joyes temporelles , mais à grans assaulx et batailles, non pas aux honneurs du monde, mais à deshonneurs et mesprisemens , non pas à oysivetez, mais à labours, non pas à repos, mais à acquérir et porter grant fruict en bonne pacience. Et pource, beau filz, souviengne-toy, et te remembre de ces parolles.

Du mesprisement de toute creat^ire affin que le Créateur puisse estre trouvé.

XXXP Chapitre.

mon Dieu et mon Seigneur, j'ay bien encores plusgrant besoing de plusgrant grâce pour parvenir en ce lieu auquel nulle créature ne me pourra empescher.

Car tant comme quelque chose me empesche, je Depuis à vous voiler franchement, ainsi comme desiroit franchement et sans empeschement voler

i34 L'Internelle

celluy qui disoit : Qui me donnera pennes ' comme à ung coulomb , et je voleray et me reposeray. Quelle chose est en terre plus paisible de l'œil ^ qui est simple , et quelle chose est plus franche de celluy qui riens ne désire eu terre ne en ce monde ! Il convient doncques trespasser * toute créature, et laisser parfaictement soymesmes, et soy tenir et estre en ung eslevement de cueur pour veoir et considérer vous, Sire, créateur de toutes créatures , non ayant quelque semblable en voz dictes créatures. Et car * se la personne n'est délivré de l'affection de toutes les créatures, elle ne pourra franchement soy eslever, ne entendre es choses celestielles et divines. Et pour ceste cause trouve l'on peu de gens contemplatifz , car pou en y a qui plainement se saichent séparer des choses terriennes et qui faillent ou périssent.

Et a ce est requise grant grâce de Dieu qui esliève l'ame et ravisse sur soymesmes; et car se une personne n'est eslevée en esperit et délivrée des aultres créatures, voire ^ de l'affection d'elles, et unye à Dieu par amour , quelque aultre chose qu'il sache ou qu'il ayt est pou à priser. Tant longuement est l'homme petit et gysant en terre, c'est à dire non eslevé de cueur, tant longuement comme