Vrai, vraiment, c'est-a-dire, même, mais

CONSOLACION. II. i35

il repute quelque chose grande , si non celluy qui est bien et bon, sur tout grant, et pardurable, c'est Dieu. Car quelque chose qui n'est pas Dieu ' n'est rien, et doit estre réputé pour rien. Il y a grant différence en la sapience d'ung homme dévot et enluminé en esperit, et la science d'ung clerc lettré et estudiant, voire non enluminé: car moult plus noble et plus à priser est la doctrine qui descend de hault et inspirée par influence divine, que n'est celle qui est acquise par labeur d'engin ^ humain.

Plusieurs sont qui désirent estre contemplatifz, mais pou en y a qui se veullent excerciter et travailler à acquérir la voye et la manière par laquelle on y peut parvenir. Ce nous est ung grant empeschement que nous nous arrestons et occuppons en ces choses et signes visibles et sensibles , et ne mettons pas grant peine à avoir et acquérir mortificacion. Je ne sçay certainement de quel esperit nous, qui semblons estre espirituelz, sommes conduitz et menez, et que nous pensons, qui* prenons plus grant peyne et labeur et plus grant soing pour petites choses transitoires, et de noz interiores, c'est à dire de noz âmes et consciences, ung trèspetit, et peu souvent, en retrayant et recoligant noz sens, pensons, et y entendons.

Las ! douleur est encores se ung peu ce nous ad-