Et ce que nous pensons, nous qui

i36 L'Internelle

vient ' , tantost après ceste recolection nous en allons, et retournons dehors, et ne regardons pas noz œuvres, ou pensons* par droicte examinacion, ne considérons ou gisent noz affections et désirs. Et pource nous ne plorons point ou corrigeons nostre impurité ou ordure. Car pource que toute chair , c'est à dire les hommes avoyent ordoyé * leur voye, c'est à dire estoient ors et corrompus par affection et œuvre charnelle, vint le grant Déluge de la terre au temps de Noé. Puis doncques que nostre affection interiore est moult corrompue , il est de nécessité que l'opération qui s'ensuyt soyt corrumpue , en demonstrant le deffault de la vigueur et force interiore. Car de cueur pur et nect vient le fruit de bonne vie.

On regarde et enquiert trop bien ce que aulcun a fait, mais on ne regarde pas aussi diligemment de quel grant amour, intention ou de quel affection il a fait. On enquiert trop bien et demande se aulcun est fort, bel, riche, habille, soigneux de gaygnier, bon marchant , bon escripvain , bon clerc, bon chantre, bon laboureur , mais on ne demande pas combien il est humble, pacient, piteux, doulx, débonnaire , dévot , et ainsi des autres vertus : de cecy on se taist. Nature regarde et se extend aux biens exteriores, comme du corps ; mais Grâce se extend aussi, et regarde les biens interiores de