I. Donne toy tout pouT moy tout, Edit. de

CONSOLACION. II. iSt

dras ou quant il sera besoing; et soyes vrayEbrieu, c'est à dire trespassant en la part et franchise des filz de Dieu qui se eslièvent sur ces choses présentes, et considèrent les pardurables , qui regardent les choses transitoires de l'œil senestre, et les celestielles et permanans de l'œil dextre, lesquelz ne sont point tirez par les choses terriennes par adhérence ou amour fichée et tenant , mais les attrayent à soy et à leur service par raison, et ainsi qu'elles y sont ordonnées de par Dieu , et selon l'ordonnance du souverain Evesque qui en sa créature n'a riens laissé desordonné.

Pareillement ainsi tien-toy en tout ce qui te adviendra , non pas seullement en apparence exteriore , en regardant ou considérant de l'œil du corps seullement ce que verras et orras ; mais tantost en toutes tes causes ou besoignes entre avec Moyse au Tabernacle à requérir le conseil de Dieu, c'est à dire recours à oraison en priant Nostre Seigneur qu'il te vueille adresser ' à son honneur et à ton saulvement, et tu orras la responce divine, c'est à dire Dieu te inspirera ce qui te sera le meilleur, et te enseignera aulcunesfois de plusieurs choses et présentes et advenir. Car tousjours Moyse avoit son recours au Tabernacle pour les doubtes et demandes que on luy faisoit, en recourant aussi à orayson pour avoir aide de Dieu contre les aultres perilz et assaulx que les hommes luy faisoyent. Pareillement

I. Qu'il veuille te diriger dans la voie de son honneur et de ton salut.

i5i L'Internelle

dois-tu recourir, au secret de ton cueur, à oraison en requérant soigneusement l'aide de Dieu sans laquelle tu ne dois riens présumer. Car en exemple de ce nous avons que Josué et les enfans d'Israël furent deceuz des Gabaonites pource qu'ilz creurent trop voulentiers de faire accord avec eulx , et les recepvoir à mercy sans interroguer et demander la voulenté de Dieu sur ce, et creurent trop de legier aux belles paroUes et flatteries que les aultres bailloyent , et en ce furent deceuz par faulse pitié.

Que on ne soit point importun ou hatif en ses

besoig?ies, et que on ne coynmence

riens sans bon conseil.

XXXVIIIi'' Chapitre.

eau filz, laisse-moy tousjours ta cause , et je te ordonneray et disposeray en fj.-av temps convenable. Attens-toy à mon or- ■@i.,.i-ijaJ donnance , et tu y sentiras grant proffit. Helas I Sire, assez voulentiers me commect et rapporte à vous et à vostre plaisir ; car par ma pensée ou force puis-je peu prouffiter , et je vouldroye que je ne adhérasse ' pas si fort aux cas qui adviennent, mais de tous pointz me offrisse à vostre bon plaisir et voulenté sans nulle doabtance.

Beau filz , souventesfois advient que la personne pense fort à quelque chose faire , et la désire moult,