I. Fllches

la pierre, c'est à dire celluy qui est dur et ferme comme une pierre. Se tu te sens coulpable de ce que on te dit et reprouche , pense de toy voulentiers et de bon cueur amender ; se tu ne te sens point coulpable, pense de le porter paciemment pour l'amour de Dieu. Se tu ne peuz aulcunesfoyz porter ung peu de parolles , comment porteroys-tu ou souffriroys une bateure ou une aultre tribulacion. Et pourquoy pense-tu que si pou de choses comme parolles te touchent si fort au cueur et te courroucent si aigrement, fors pource que tu es encores charnel et mondain, et désire plus la gloire des hommes que de Dieu. Car pource que tu doubtes trop estre mesprisé des hommes, tu doubtes estre reprins de tes deffaultes ; et se on te reprent, tantost tu vas quérir excusacions umbratiles '.

Et se tu te veulx bien regarder de près, tu trouveras que le monde, c'est à dire que les affections du monde vivent encores en toy, et le vain désir de plaire aux hommes; Car puis que tu doubles estre reprins et corrigé de tes deffaultes , il appert que tu n'es pas vrayement mort au monde, ne le monde crucifié envers toy. Mais escoute et entensbien mes parolles , et tu ne tiendras guaires de compte de dix mille parolles des hommes. Considère se tout le monde te imposoit toutes les parolles et menteries que on pourroit malicieusement faindre et controuver, que te pourroyent-elles nuyre se tu les