I. Qui te mettent à l'abri

i68 L'Internelle

laissoyg passer ou parler? Néant plus que se tu veoys ung petit festu devant toy. Te pourroyentilz par leurs parolles ester ung petit cheveul de ta teste? Certes non.

Mais celluy qui n'a pas le cueur en soy, c'est à dire qui l'a au monde par affection, et qui n'a pas Dieu devant les yeulx, de legier se courrouce pour une petite vituperacion, Maiscelluy qui a sa fiance en moy et son affection, et ne veult point soy affermer en son propre jugement, est tousjours sans espoventement humain, cest à dire n'a point paour des hommes. Je suis le vray Juge et qui congnois tous les secretz. Je sçay comment la chose a esté faicte. Je congnois et celluy qui a fait l'injure et celluy à qui elle a esté faicte. De moy est la chose yssue et partie. Par ma permission la chose est advenue ad ce que les cogitacions et pensées des cueurs fussent révélées et manifestées, c'est à dire la bonne voulenté et pacience de celluy à qui on fait tort, et la mauvaistié de celluy qui le fait. Mais je jugeray celluy qui est coulpable, qui fait ou dit la villennye, et celluy qui est innocent, à qui on l'a faicte. Mais j'ay voulu premièrement essayer l'ung et l'autre par secrète probacion.

Le tesmoignage des hommes est souvent foible et déçoit ; mais le mien est toujours uny, ferme et estable, et ne peut estre corrompu, jaçoit ce qu'il soit occult et à peu soit appert ou manifesté, c'est à dire la cause pourquoy est ainsi fait ; toutesfois jamais n'est faulx ne errant, ne aussi ne peut errer,

jaçoit ce que à plusieurs ne semble pas ne qu'il soit bien ne bien fait. On doit doncques à moy recourir en toute tribulacion qu'il adviengne, soit à soy soit à aultruy, et ne croire pas à son sens ou à son advis ou jugement. Car ung juste ou une bonne personne jamais ne se trouble ou courouce, quelque chose qui luy adviengne ; supposé mesmes que à tort et sans cause on luy face ou dye quelque chose contre luy, il ne luy en chault pas moult. Et s'il advient que les aultres l'excusent raysonnablement, il ne s'en esjoyra pas fort. Car il scet et pense en luy que je suis celluy qui congnoys le cueur et l'intencion de chascun, et qui ne juge pas selon la face ou l'apparence humaine par dehors ; car souventesfois devant moy est trouvé coulpable et maiilvais ce qui devant les hommes est réputé bon et juste.

0 mon Seigneur et mon Dieu, juste, fort et pacient, qui sçavez et congnoissez la fragilité des hommes, soyez ma force et toute ma fiance, car ma conscience ne me soufRst point ; cest à dire que, pource que je ne treuve ou apparçoy point de péché en moy, il ne me doibt pas suffire pour me reputer juste'. Car, Sire, vous me congnoissez et je ne me congnoys pas; et pource, Sire, en toute reprehension ou correction, c'est à dire tribulacion que pour ma correction vous m'envoyez, je me doy humilier, et porter paciemment. Si me veuillez, Sire,

I, L'édition de i5oo donne : nisee, simple, innocent.

I70 L'Internelle

pardonner toutes les fois que je ne l'ay pas ainsi fait, et vous plaise de me donner grâce d'avoir plusgrant pacience doresenavant ; car mieulx me vault votre grande miséricorde pour avoir pardon et remission, que ne fait ma justice cuydée, pour la deffence de ma conscience mucée ou qui n'est pas manifestée. Et supposé que je ne me sente pas coulpable d'aulcune chose , toutesfois en ce ne me puis-je justifier ou reputer juste ; car se vous estiez vostre miséricorde, il n'est homme vivant qui fust juste devant vous.

Qne on doit porter voidentiers en ce monde toutes griefvetés et tribulacions pour la vie pardurable.

XXXXVII» Chapitre.

eau filz, garde-toy que les labeurs que tu as commencez pour l'amour de moy ne te rompent ou surmontent, c'est à dire (ÊiKrf:^ que tu ne les laisses pas sans achever; et que les tribulacions que je t'envoiray ne teabatent pas de tous pointz. Mais ma promission et espérance en moy te doit efforcer et reconforter. Je suis souffisant à rendre à ung chascun plus qu'il ne peult desservir. Tu ne laboureras pas icy longuement et ne seras pas tousjours en douleurs. Attens ung bien petit, et tu verras la fin de tes maulx. L'eure viendra quant le tumulte ou la noise de tes labeurs

CdNSOLACION. IL 171

et douleurs cessera. Tout ce est brief qui passé avecques le temps.

Fais doneques ce que tu fais loyaulment en labourant en ma vigne, c'est à dire en ta conscience ou en saincte Eglise, et je seray ton loyer et retribucion. Occupe bien ton temps, c'est assavoir à escripre, à lire, à chanter, c'est à dire en faisant l'office divin en l'église, et en pleurant pour tes péchez, et garde ta silence en priant Dieu ou ses Sainctz. Porte paciemment et virelement choses contraires à la sensualité, soyent de Dieu envoyez ou des hommes; et à telz euvres, et plusgrant, est digne retribucion la vie pardurable. La paix viendra en quelque jour que Nostre Seigneur scet bien ; et lors sera jour, non pas tel comme les jours ou les nuytz du siècle, mais sera lumière pardurable, clarté infinie, paix affermée et seur repos. Tu ne diras pas lors : las ! qui me délivrera de ce corps mortel ! et ne crieras point : las moy ! car mon pèlerinage est esloigné ! car la Mort sera surmontée et abatue, et sera salut sans faillir, nulle anxiété, benoistejocundité, doulce et plaisante compaignie.

0 ! se tu avoys veues les couronnes des Sainctz de Paradis, et comme grant est la gloire et joye qu'ilz ont maintenant, qui ' pour lors qu'ilz estoyenten ce monde estoyent reputez contemptibles et mesprisez, et comme indignes de vivre, pour certain tu te hiimilieroys jusques à terre, et desireroys plus tan-