I. Eux qui

172 L'Internblle

tost estre subject à tout le monde que estre maistre et seigneur d'ung seul ; et ne desireroys point les joyes de ce monde ou les plaisances, mais t'esjouyroys plus à avoir tribulacion pour l'amour de Dieu, et cuyderoys à toy estre ung grant gaing et proffit se on te vilipendoit, et reputoit en ce monde comme chose de néant et qui rien ne vault !

Et se ces choses t'assavouroyent bien au parfond du cueur, jamais tu ne te oseroys complaindre une seuUe fois de quelque chose qui soit. Ne devroiton pas porter et souffrir toutes choses pour la vie pardurable acquérir. Ce n'est pas petite chose de gaigner ou perdre le royaulme de Dieu. Liève doncques ton cueur au ciel auquel je suis, et avec moy tous mes saintz qui en ce siècle ont eu et souffert pour l'amour de moy grans assaulx, et maintenant ilz se esjouyssent et sont consolez ; maintenant ilz sont en seurté et repos, et sans fin avec moy au royaulme de mon Père sont et demourront.

Du jour de la pardurableté, et de la brie/veté de ceste vie.

XXXXVIIP Chapitre.

tresbenoiste mansion de la Cité souveraine, le trescler jour de la pardurableté ^p i\( ou éternité, laquelle ne obscurcist point la nuyt, mais tousjours enlumine la vérité souveraine; jour tousjours joyeulx, tousjours

seur, et jamais ne change son estât au contraire ! 0! que je desiroye que ce jour resplendist maintenant, et que toutes ces temporalitez et mutacions eussent prins fin ! Elle ' luyt et resplendist voirement aux sainctz resplandissante par clarté perpétuelle ou pardurable, mais non pas en terre, si n'est par signes ou par similitude, et au mirouer des créatures, qui représentent et font congnoistre leur créateur.

Les citoyens ou les habitans du ciel scevent et congnoissent comment est joyeulx ce jour qu'ilz ont ; les filz de Eve exiliez et bannis despleurent comme amère et ennuyeuse est ceste nuyt cy. Les jours du temps de ce monde sont petis , briefz , maulvais, plains de douleurs et d'angoisses, esquelz l'homme est ordoyé de plusieurs péchez , empesché de diverses passions , estraint de divers paours et craintes, descendu de diverses cures, distrait par plusieurs curiositez, implicqué en vanitez, environné de diverses erreurs, chargé de diverses peines et labeurs, grevé de temptacion, affoibly par délices, tourmenté par povreté.

I. La manston ou Vélernité; îi moins que le mot jour n'ait repris ici le genre tantôt masculin, tantôt féminin du latin, dtM. L'éditeur de i5oo, préoccupé peut-être de ce pronom féminin, a coupé la phrase parle milieu : La vérité souveraine , jour tousjours joyeulx, etc. Dans cette version, elle se rapporteroit à vérité souveraine. Notre texte de 1498, moins clair en ceci, nous a paru cependant plus logique, plus rapproché du latin, et autant qu'on le peut présumer, plus prbs aussi du premier travail de l'Internelte Consolacion. Le manuscrit de 1468 emploie le mot journée, qui espliqueroit le genre du pronom.

174 L'Internelle

0 ! quant sera la fin de ses labeurs? Quant je seray délivré de ceste misérable servitude de vices et de péchez? 0 quant auray-je seuUement * ma pensée fichée en vous. Sire? Quant me esjouyray-je plainement en vous? Quant seray-je sans quelconque empeschement en vraye liberté, sans quelque grevance d'arae et de corps ? Quant sera celle paix ferme, paix qui jamais ne se pourra troubler, et seure paix dedans et dehors, paix ferme de toute part? 0 benoist Jésus, quant seray-je à vous veoir? Quant contempler ay-je la gloire de vostre règne? Quant me serés-vous toutes choses en toutes choses? Quant seray-je avecques vous en vostre règne que vous avez appareillé à voz amys de toujours? Je suis délaissé povre et banny en la terre de mes ennemys où sont assaulx tousjours , et tresmalles adventures et grandes.

Reconfortez-moy, Sire, en mon bannissement, et appaisez ma douleur, car à vous souspire tout mon désir ; car tout m'est à charge et à desplaisir, tout ce que le monde me offre et présente pour consolacion. Je vous désire avoir dedens moy , mais je ne vous puis avoir. Je désire de me adjouster es choses celestielles et espirituelles, mais les temporelles et aussi les mondaines me dépriment, et les passions qui ne sont pas encores mortifiées. Je veuil de cueur estre sur toutes choses, et je suys malgré moy subject à ma chair. Et