CHAPITRE CXCIX

barons et ses genz d’armes virent que il avoient tant eu de lui, et disoit chascun que il estoil bons sires. Et l’amoient et disoient que il ne voloient autre seigneur que li. Mais il fist puis une mauvese chose qui moult fu reprise de chascun. Car il print toutes les famés son frere Abaga, et les retint puis toutes por soi.

Quant il ot la seigneurie, et ne demoura pas gramment que il oi nouvelles comment Argon son neveu venoit atout grant ost , si ne fist nulle demeure ; mais de maintenant fist mander ses barons et toute sa gent, et fist en une semaine appareillier moult grant ost de genz à cheval, pour aler encontre Argon. Et y aloit moult volenliers, si comme celui qui cuidoit la bataille gaaingnier; et ne se monstroit de riens esbahis.