SERRURIERS
(26 Avril 1456)
A tous ceulx qui ces présentes lettres verront ou orront, Guillaume du Fay, escuier, lieutenant gênerai de noble homme messire Jehan de Bressay, chevalier, seigneur de la Choutardière et de Corboaing, conseillier et chambellain du Roy nostre sire, son baillif de Gisors et des anciens ressortz d'icelluy bailliage, salut. Comme à l'office de mon dit seigneur le bailly compette et appartiengne, entre autres choses, pourvoir au bien de la chose publicque et mettre rigles et ordonnances sur le faict des mestiers et marchandises dudit bailliage, où Ton voit qu'il est neccessité, et il soit venu à la congnoissance de justice, que sur le mestier de serreurerie en ladicte ville de Gisors estoit grant besoing et neccessité de mettre certaines rigles et ordonnances, pour eschiver aux frauldes et déceptions qui pevent sur ledit mestier estre faictes et commises, ait le procureur d'icelluy seigneur eudit bailliage de Gisors, par le conseil et délibération de plusieurs des autres officiers et conseilliers dudit seigneur, faict convenir les maistres dudit mestier de serrurie en la dicte ville de Gisors, affin de prendre et recepvoir ordonnances sur leurdict mestier, qui à icclles ordonnées avoir se soint consentuz et accordez, et à icelle fin baillé plusieurs articles de la forme et manière, comme ilz ont acoustumé user d'icelluy mestier en ladicte ville par devers nous; sçavoir faisons, que, es assizes dudit lieu de Gisors tenues illec par nous, lieutenant dessus nommé, le vingt sixiesme jour d'apvril l'an de grâce mil quatre cens cinquante six, après ce que, à grande et meure délibération du conseil, nous eusmes veu Icsdictz articles baillez par lesdictz serruriers et aussi que avons esté suffisamment informez, comme l'en se a acoustumé rigler sur ledit mestier es autres bonnes villes d'environ ledit Gisors, avons, pour le bien du peuple, par le conseil de plusieurs des conseillicrs et officiers dudit seigneur et autres gens notables, tant de la dicte ville de Gisors et autres gens en grant nombre, faict ordonnances sur ledit mestier de serrurerie en ladicte ville de Gisors, lesquelles Icsdictz maistres et ouvriers d'icelluy mestier ont jurées et promis garder, enterigner et observer sans cnfraindre en la forme et manière, et sur les peines et amendes cy après declairées.
Premièrement,
Nul ne pourra lever son mestier en ladictc ville, s'il n'y a servy comme aprentiz l'espace de trois ans audit mestier, et lors conviendra qu'il face chef d'oeuvre, c'est assavoir: une serrure de fera gâche et morrillon, appelle brifie, à double gâche et sept perthuis, et que icelle serrure soit close tout entour et le pallastre moullu et revestu d'orbes, noix, onde, fourmettes et engin sur l'entrée ; et pareillement une clef appartenant à icelle serrure, qui soit forte et sept pertuis et agneau ravallé à double couronne, à bosse sortie, ainsi qu'il appartient à ladicte serrure. Et lors, s'il est trouvé souffisant, il sera passé maistre dudit mestier en icelle ville, et sera présenté, à jour d'assize, devant mondit seigneur le bailly ou son lieutenant, dont il aura lettre ; et paiera pour vinage aux maistres et compaignons d'icelluy mestier vingt solz parisis. Et semblablement l'aprentiz d'entrée pour son vinage paiera ausdictz maistres, comme dessus, cinq solz parisis.
Item , nul dudit mestier ne pourra mettre aucun varlet en besongne en icelluy mestier, qui ait servi aucun des maistres de serreurerie de ladicte ville, se premièrement et avant tout ledit varlet n'a servy et acomply le temps et terme d'aleu qu'il avoit faict à son maistre, et parti agréablement de sondit maistre, sur peine de cinq solz parisis d'amende à acomplir moittié à justice, et l'autre moittié aux jurez dudit mestier.
Item, que nul dudit mestier ne face clef sur esprainte sans congic et auctorité de justice, sur peine d'en estre pugny griefvement, soit criminellement ou civillement, selon la disposition de justice et la faulte de celluy qui auroit faict ladicte clef.
Item, que nul dudit mestier ne face clef sur autre clef, s'elle n'est rompue, sur peine de cinq solz parisis d'amende à applicquer moittié à justice et l'autre moittié aux jurez dudit mestier; et mesme se elle est rompue, que ce soit faict par le maistre ou maistresse de bon gouvernement.
Item, nul dudit mestier ne pourra faire serrure de fer, ne de bois, s'ilz ne sont plaines et garnies, sur peine de cinq solz parisis d'amende à applicquer par moittié comme dessus.
Item, pareillement nul dudit mestier ne pourra faire rouet en couverture, s'il n'a deux piedz pour river en icelle couverture, sur peine de cinq solz parisis d'amende, à applicquer comme dessus.
Item, nul ne pourra faire faucillon, ou bouterolle, ou croix voilant, s'il n'est rivé derrière ; sur peine de cinq solz parisis d'amende, à applicquer moittié à justice et l'autre moittié aux jurez dudit mestier, comme dessus.
Item, nul ne pourra faire serrure de bois qui n'y ait en icelle serrure ung sourpesne et deux piedz de gerard et les roees forgez au martel, et que icelles roes passent le bois d'icelle serrure, sur peine de cinq solz parisis d'amende, à applicquer comme dessus.
Item, que nul dudit mestier ne achette clef quelle qu'elle soit, plus de valleur d'un denier parisis, sur peine de cinq solz parisis d'amende, à applicquer moittié comme dessus est dict.
Item, que nul mareschal ne œuvre de lime, se n'est pour reffaire ses oustilz ou pour limer houes et besoches, sur peine de dix solz parisis d'amende, moittié à justice et l'autre moittié aux jurez ou ceulx qui l'adnonceront à justice.
Item, et pour garder et entretenir ces présentes ordonnances, aura deux des maistres dudit mestier, qui seront jurez devant justice gardes et jurez sur ledit mestier de serrurie , lesqueulx renouvelleront chascun an, ainsi qu'il est acoustumé, et auront la moittié des amendes dessusdictes, en tant qu'il en vendra par leur pourchatz et dilligence seullement.
En tesmoing de ce, nous avons scellé ces présentes de nostre propre seel dont nous usons audit office de lieutenant, et, à plus grant confirmation, y a esté mis parallement le seel des obligations de la chastellenie dudit lieu de Gisors.
Ce fut faict l'an et jour dessusdictz ; ainsi signé : P. la Vache.
BARBIERS ET CIRURGIENS
(20 Janvier i463j
A tous ceulx qui ces présentes lettres verront et orront, Jehan le Mercier, lieutenant gênerai de noble homme Lancellot, seigneur de Honcoiirt et de Greigiteuseville, escuier d'escuirie, conseillier du Roy nostre sire et son bailly de Gisors et des anceans ressortz d'icelluy bailliage, salut. Comme nagueres plusieurs des maistres et ouvriers du mestier de barberie en la ville et chastellenie de Gisors feussent venuz devers nous, c'est assavoir: Martin LE Barbier, Girard le Cauchois, Pernet le Thellier et Margot, vefve de feu Jehan Avelin, en nous requerans que, pour le bien de la chose publicque et l'utilité du bien commun, il nous pleust leur bailler ordonnances sur leurdict mestier, pour le prouffict commun des gens usans et eulx entremettans en icelluy mestier, sur quoy nous eussent baillez aucuns articles touchant icelluy mestier, et nous ont requis que les voulsissions veoir et délibérer avec gens en ce recongnoissans, pour icelles acroistre ou diminuer à nostre plaisir, ainsi que verrions estre à faire et qu'il appartiendra par raison, pour le bien et utilité de la chose publicque. Savoir faisons que, après ce que nous et les advocat et substitud du procureur du Roy nostre sire, en ladicte chastellenie dudit Gisors, et plusieurs autres notables personnes avons veu à grand et meure délibération lesdictz articles, nous inclinans à leurdicte requeste, voullans et desirans ledit mestier estre doresnavant gouverné par bonne police, régime et ordonnance, principallement au bien de la chose publicque et dudit mestier, avons mis corrextion et augmentation sur lesdictz articles, et les aucunes augmentez et les autres diminuez ; après lesquelles choses faictes, les avons baillez ausdictz barbiers qui les ont veuz et rapportez devers nous, requerans très instamment que en leurdit mestier nous voulsissions construire ordonnances selon lesdictz articles ; oye laquelle requeste, et par l'adviz et délibération desdictz advocat et substitud dudit procureur du Roy, nostredict sire, et autres notables personnes, gens de justice, avons construict ordonnances estatu dudit mestier de barberie en ladicte ville et chastellenie dudit Gisors, pour en jouyr en temps advenir, selon lesdictz articles dont la teneur ensuict.
Et premièrement,
Nul ne pourra tenir ouvroueur en ladicte ville d'icelluy mestier de barberie, se il n'a servy son maistre trois ans, ou s'il n'est trouvé suffisant, et s'il ne scet bien raire et bien saigner, et s'il ne scet quantes vaines saignables il a sur corps humain, tant sur homme comme sur femme, et dont ils meuvent et pour quoy on les saigne, ou discrétion de justice, en quel lieu ilz sont assizes, et sur ce, faire rapport devant gens ydoines et congnoissans ad ce.
Item, qu'il sache faire deux fers de lancette, bien faictz et bien entrans et bien dreschez, lesquels, après ce que lesdictz maistres et jurez les auront tesmongné estre deuement faictz et souffisants, demourront ausdictz maistres dudict mestier : et les sera tenu faire en l'hostel de l'un desdictz maistres.
Item, que quant il sera passé maistre, il sera tenu de paier sa maistrie, c'est assavoir : seize solz parisis à la confrarie sainct Cosme et sainct Damien, à emploier en messes, en luminaire ou ainsi que les maistres dudit mestier le vouldront emploier, pour le mieulx ou discrétion de justice ; et si sera tenu paier seize solz parisis pour le vin, à la modération dessusdicte ; et seront les maistres tenuz le présenter à justice, à jour d'assize, pour faire serment de garder ces présentes ordonnances ; et, s'il est filz de maistre, il ne paiera que demy vin.
Item, que nul ne besongne dudit mestier au dimenche, ne aux festes Nostre Dame, ne au jour sainct Cosme et sainct Damyen, ne aux festes d'apostres, sur peine de cinq solz parisis d'amende à sainct Cosme et sainct Damyen, se ce n'estoit pour cause raisonnable et d'auctorité de justice ; sauf, que s'il advenoit que les festes d'apostre escheissent à jour de marché ou samedi, ilz y pourroient besongner sans contredict, par le congié des officiers ordinaires, ou justice, ou leurs lieutenans qu'il appartient au rapport des jurez dudit mestier.
Item, que nul ne tiengne sang, qu'il aura saigné le jour, une heure après nonne passée en yver, et en esté que jusques à unze heures, sur peine de cinq solz, moittié au Roy, nostre dit seigneur, et moittié aux jurez et dénonciateurs.
Item, s'il est prouvé contre luy qu'il ait saigné ladre ne ladresse, ne qu'il tiengne bordel ou femme dissolue en son hostel, il perdra ledit mestier an et jour.
Item, qu'il sache respondre les maîtres dudit mestier ad ce qu'ilz luy demanderont en choses raisonnables touchant ledit mestier.
— i5 — Item, s'il estoit aucun qui fist le contraire, et qui de son auctorité, sans le congié de justice et des maistres et jurez dudit mestier, s'entremist de faire ledit mestier, il Tamendera et paiera pour ladicte amende dix solz parisis moittié à sainct Cosme et sainct Damien et moittié à justice.
Item, quant aucun maistre dudit mestier yra de vie à trespas, iceulx maistres et ouvriers dudit mestier de barberie, seront tenuz de compaigner apporter en terre le corps de celluy qui sera trespassé, sur peine de cinq solz parisis d'amende, moittié à ladicte confrarie et moittié aux jurez et affaires dudit mestier ; et seront les jurez d'icelluy mestier tenus faire assavoir aux maistres dudit mestier, quant aucun maistre ou maistresse d'icelluy sera trespassé, pour le compaigner apporter en terre comme devant est dict, sur ladicte peine de cinq solz.
Item, seront tenuz de faire chascun an deux jurez pour garder ces présentes ordonnances, lesquelz se renouvelleront par chascun an ; et seront tenuz les présentes devant monditseigneur le bailly ou son lieutenant, pour faire serment de garder ces présentes ordonnances.
De laquelle ordonnance garder, pour le temps advenir, lesdictz maistres et ouvriers dudit mestier dessus premier nommez, tant pour eulx que pour leurs successeurs barbiers, firent le serment en tel cas acoustumé, promettans icelle ordonnance tenir et garder fermement, sans enfraindre en aucune manière sur les peines et amendes declairez es articles dessusdictz ; lesquelles peines et amendes, nous, dès maintenant ores et pour le temps advenir, avons dit et disons estre cueilliz et levez , et les transcresseurs desdictz articles estre peugniz et corrigez selon la teneur d'iceulx et pour chascune fois qu'ilz escherront esdittes peines et amendes ; laquelle ordonnance monditseigneur le bailly ou son lieutenant et ses successeurs pourront croistre, admenuissier, modérer ou du tout ester, se mestier est, et ainsi que justice verra bon estre. Si donnons en mandement à tous les maistres et ouvriers dudit mestier presens et advenir, que ces dictes ordonnances tiengnent et gardent sans enfraindre; mandons en oultre à tous les sergens ou soubz sergens dudit bailliage, et au premier sur ce requis, que ladicte ordonnance ilz facent entretenir et garder ainsi que dit est.
En tesmoing desquelles choses, nous, lieutenant gênerai dessusnommé, avons mis à ces présentes ordonnances le grant secl aux causes dudit bailliage.
Ce fut faict, le vingtiesme jour de janvier, l'an de grâce mil quatre cens soixante trois; Ainsi signé : G. Vaurillon, ung paraphe et seellées de cire verde sur double queue.
A tous ceulx qui ces présentes lectres verront, Hector du Vveu, licentié en loix, lieutenant gênerai de noble et puissant seigneur, monseigneur Adrean Thiercellin, chevalier, seigneur de Brosse, Possé et Marines, l'un des gentilz hommes ordinaires de la chambre du Roy nostre sire, son bailly et cappitaine de Gisors et des anceans ressortz d'icelluy, salut. Savoir faisons, que veu par nous, en la compaignie des advocat et procureur du Roy nostre sire audit bailliage, les ordonnances sur le faict du mestier de barberie en la ville et chastellenie dudit Gisors, parmy lesquelles ces présentes sont annexées, lesquelles ordonnances avons trouvé bonnes, justes et loyallement faictes pour le bien de la chose publicque ; nous, de l'accord et consentement desdictz advocat et procureur, avons icelles ordonnances confermez et confermons par ces présentes, mandons et commettons en oultre à tous et chascuns des sergens ou soubz sergens dudit bailliage, icelles ordonnances faire entretenir, observer et garder par tous ceulx et ainsi qu'il est plus à plain contenu esdictes ordonnances jouxte leur forme et teneur.
En tesmoing de ce, nous avons mis à ces présentes le petit seel aux causes dudit bailliage, le vingt deuxiesme jour d'aoust, l'an de grâce mil cinq cens vingt quatre, ainsi signé : J. Bernard, ung paraphe, et scellées de cire verte sur double queue, ouquel seel est empraint l'armoirie du Roy, nostre sire, en trois fleurs de Hz.
Collation est faicte sur ladicte ordonnance et atache dessus transcriptes, qui ont esté rendues à Jacques Moisson et Symon de la Voipiere, gardes et jurez dudict mestier, assavoir : ledit Moisson pour l'année présente, et ledit de la Voipiere pour l'année passée, le sixiesme jour de novembre mil cinq cens trente neuf. Présent : Pierre Cauchy, barbier et cirurgien, aussy garde et juré dudit mestier en l'année présente. Fichet (avec paraphe).
cT f c», r t t ^3 ' * ' ' Tj I », T » r T V î 1 „ ^ 1 U
*r V *^ ^ ^ ''^ ^ S^ ^ ^ *^^ X ï ^'^ H"^ ''^ *^ X I I X V 'f' S'^ 'ir' '^
