MARESCHAULX, TAILLANDIERS

(g Septembre 148g)

A tous ceulx qui ces présentes lettres verront ou orront, Guillaume JuBERT, lieutenant gênerai de noble homme monseigneur Jehan de la ViEFZviLLE, chevalier, seigneur de Westi-ehen et de Herincourt, conseillier et chambellain du Roy nostre seigneur, bailly et cappitaine de Gisors et des anceans ressortz d''icelluy bailliage, salut. Comme de tout temps à Toffice de monditseigneur le bailly, compette et appartienne pourvoir mettre, constituer, ordonner et establir ordonnances bonnes et loyalles au faict et police de tous les mestiers et autres choses pour Testât de marchandise, et sur le faict et gouvernement de la police du bien et de la chose publique, et par espetial en la ville et chastellenie dudit Gisors, entre lesquelles choses nous avons regardé, conclud et délibéré ce qui estoit bon à faire au regard du mestier de mareschal et de blanche œuvre, et faict mettre par escript et par articles la forme, manière et estât de leur gouvernement, savoir faisons, que, aujourd'uy mercredi, neufiesme jour de septembre Tan de grâce mil quatre cens quatre vingtz et neuf, nous, pour les causes dessusdictes, en la présence et par Toppinion des advocat et procureur du Roy nostredit seigneur, eudit bailliage, et autres notables personnes, les gens dudit mestier pour ce appeliez, dont les noms ensuyent : Jehan Fournel, Pernot Frère, Colin Cobert, Colin Hertier, Guillaume Gieuffroy, Colin du Chesne , Elvot Dorgebrav, Guillemin Dorge- BRAY son hlz, tous mareschaulx demourans audit Gisors, Pierres Hercent, Guillaume Regnauld et Jehan Hercent, iceulx Hercent et Regnauld mareschaulx et ouvriers de blanche œuvre, avons accordé ordonnance sur le faict dudit mestier, telles et en la manière qui ensuict, pour icelles estre entretenues et gardées pour le temps advenir, sans enfraindre sur les peines dedens contenues.

Premièrement,

Nul maistre dudit mestier ne faira œuvre qui ne soit bonne et loyalle, tant en cure de chcvaulx comme en œuvre de fer bon et loyal, et pour faire fers à chevaulx et qu'il soit propre au pied du cheval à qui il sera applicqué

au mieulx que possible sera et faire se pourra, au regard des jurez dudit mestier.

Item, s'il estoit aucun maistre dudit mestier qui eust paré le pié d'un cheval pour ferrer et soit suffisamment ouvrier, et celluy à qui il est le transporte à ung autre, pourveu que icelluy luy veulle faire marché et que il ait ouvrage faict pour ledit cheval, icelluy qui le servira, soit le mareschal ou varlet, paiera quinze solz parisis d'amende, c'est assavoir : à la confrarie monseigneur sainct Eloy cinq solz, au Roy nostre seigneur cinq solz et cinq solz aux gardes et maistres dudit mestier.

Item, et aussi n'est pas chose licite de faire œuvre au jour de dimenche que tous labours doibvent cesser, nul ne ferrera, ne forgera le jour de dimenche ne aux festes monseigneur sainct Eloy, sur peine de quinze solz d'amende, c'est assavoir: à la confrarie sainct Eloy cinq solz, au Roy cinq solz et cinq solz aux gardes dudit mestier, si ce n'est en cas de neccessité.

Item, chascun maistre tenant forge pourra avoir ung apprentiz, lequel servira trois ans du moins, et sera ledit aprentiz admené par sondit maistre dedens quinze Jours après ce qu'il l'aura loué, devant monditseigneur le bailly ou son lieutenant, en la présence desdictz gardes, pour faire le serment de bien et loyaument servir sondit maistre et de garder les ordonnances dudit mestier; et paiera ledit aprentiz, c'est assavoir : deux solz six deniers à sainct Eloy, et deux solz six deniers parisis aux maistres dudit mestier. Et ledit maistre se submettra de luy aprendre et monstrer ledit mestier bien et loyamment ; et se il estoit ainsi que ledit varlet s'en voise, et il laisse son maistre que son temps ne soit faict et acomply et vueille renoncer audit mestier, ledit maistre en pourra avoir ung autre ; et si ledit varlet s'en va sans renoncer audit mestier, en quelque place que ledit varlet s'en voise, son dit maistre le poursuivra s'il luy plaist où il sera, et ne pourra ledit varlet par raison besongner en nul lieu, jusques ad ce que son dit maistre soit content de luy et que il l'ait desfrayé ; mais aussi son dit maistre pourra avoir ung autre aprentiz, en cas où son varlet aprentiz l'avoit laissé sans congié, lequel maistre ne pourra tenir deux aprentiz ensemble, se ce n'est que l'un feust son cousin germain ou plus près.

Item, il y aura trois gardes audit mestier et si changera l'en l'un chascun an et y entrera ung nouvel, et demourront deux des gardes de l'année passée, et renouvelleront leur serment chascun an par devant monditseigneur le bailly ou son lieutenant ; lesquelz trois gardes auront puissance de visiter sur tous les autres et de rapporter à justice les faultes qu'ilz trouveront, affin que pugniiion en soit faitte, selon le mesfaict et leurdict rapport.

Item, que tous mareschaulx tenans forge en ladicte ville et chastellenie de

Gisors, de leur consentement, auront chascun ung mercq différend l'un de l'autre pour mercher leur ouvrage, lesquelz mercz seront apportez devers les gardes dudit mestier; et seront emprains tous les mercz desdictz mareschaulx en ung tablier de plom, cuyvre ou estaim, lequel tablier sera mis en la main du plus ancean des gardes dudit mestier. et par ce lesdictz mareschaulx ne pourront faire ne contrefaire les mercz les ungs des autres.

Item, et s'il estoit trouvé que aucun d"eulx contrefist le merc l'un de l'autre, il en paira soixante solz d'amende à estre applicqué comme dessus est dict, et pugny à la discrétion de justice, selon le cas.

Item , s'il est aucun maistre dudit mestier qui ait alloué aucun varlet d'icelluy mestier à temps ou à terme, et se icelluy varlet se départ de son maistre auquel il sera alloué pour servir ung autre, icelluy maistre qui le mettra en besongne, après qu'il luy sera signiffié et desfendu l'ouvrer, icelluy maistre paira dix solz d'amende à applicquer, c'est assavoir : trois solz quatre deniers à la confrarie Dieu et monseigneur sainct Eloy, trois solz quatre deniers au Roy nostre seigneur, et trois solz quatre deniers aux gardes ; et si sera ledit varlet contrainct à servir son premier maistre.

Item, s'il est aucun qui veulle lever forge en ladicte ville de Gisors, icelluy ouvrier sera tenu de venir devers les gardes dudit mestier, lesquelz gardes l'admeneront devers justice pour faire serment de garder et tenir ces présentes ordonnances, faire bonne et loyalle œuvre et obeyr à justice et ausdictz gardes ; et paiera cinquante solz parisis de hansse à applicquer, c'est assavoir : seize solz huit deniers parisis à la confrarie Dieu et de monseigneur sainct Eloy, seize solz huict deniers parisis au Roy, et aux gardes seize solz huict deniers parisis pour toutes despences, pourveu qu'il soit trouvé ouvrier suffisant et qu'il saiche forger, ferrer, saingner et appareiller chevaulx suffisamment, au regard de justice et des gardes; et qui sera trouvé avoir faict plus grand despence par lesdictz maistres que dessus est dict, il l'amendera à la vollenté de justice.

Item, la femme d'un maistre qui demourra vefve pourra, durant son vefvage, tenir la forge et tenir ouvrouer par ouvrier convenable, au regard de justice et des gardes, durant sondit veufvage et tant qu'elle se tiendra de marier; et aussi, se ung filz de maistre veulle lever forge, pourveu qu'il soit ouvrier, il sera admené pour faire le serment et ne paiera que demie hansse à applicquer comme dit est.

Item, et pourront lesdictz trois gardes avccques ung sergent ou soubzscrgcnt, visiter par tous les ouvrouers dudit mestier et tous autres lieux vendans ferraille ouvrée; et les faultes et mesfaictz qu'ilz trouveront, apporteront et dénonceront à justice.

Item , et si jureront lesdictz maistres et ouvriers 'dudit mestier qui pour le présent sont, et pour le temps advenir seront tenuz garder et confermer ceste présente ordonnance de tout leur povoir, et icelle faire sçavoir aux varletz ouvrans en leurs hostelz pour la faire tenir et garder de poinct en poinct, selon ce que dessus est dict et declairé.

Item, tous ceulx dudit mestier pourront user et ouvrer de fer et acier en toute œuvre comme bon leur semblera, sans préjudice des autres ordonnances.

Item, que nul ouvrier dudit mestier, s'il n'est filz de maistre, ne puisse tenir ouvroueur en ladicte ville s'il n'y a faict chef d'œuvre, et qu'il soit trouvé suffisant, et paie la hansse selon l'ordonnance dessus dicte.

Item, ung filz de maistre ne paiera que demye hansse, sans être subject à faire chef d'œuvre.

Item, s'aucun dudit mestier veult avoir aprentiz, il ne le pourra tenir plus de quinze jours sans le mener faire le serment devant monditseigneur le bailly ou son lieutenant, sur peine d'amende à la volunté de justice, comme dessus est dict ; lequel aprentiz sera tenu paier cinq solz parisis quant il entrera audit mestier, à applicquer comme dit est devant.

Item, que nul dudit mestier ne autres aians congnoissance de ceste ordonnance, ne pourra mettre en vente ouvrage nulle quelconque faicte de feronnerie ouvrée, tant que lesdictz jurez et gardes dudit mestier les aient veues et visitées, sur peine de deux solz d'amende : le tiers à justice, le tiers à ladicte confrarie et l'autre tiers aus dictz jurez et gardes dudit mestier; et que nul maistres dudit mestier ne autres voullans vendre audit Gisors ne pourront mettre fer à cheval en vente, s'il n'est de fer d'Espaigne ou autre fer bon et loyal à ferrer chevaulx, sur peine de perdre le fer ou les fers et douze deniers d'amende pour chascun fer.

Cy après ensuict la manière comme l'en se doibt gouverner au faict de la blanche œuvre.

Premièrement,

Que nul ouvrier dudit mestier ne fera aucunes serpes, grandes ne petites congnées , tant à boscherons que à charpentiers, dolloueres ne autre grand pièce d'ouvrage dudit mestier, que l'acier qui y sera mis ne soit courayé bien et deuement ainsi qu'il appartient ; et se aucun est trouvé faisant le contraire, il l'amendera de dix solz, moittié à justice et l'autre moittié à ladicte frarie et aux jurez dudit mestier.

Item, que s'il est trouvé aucune pièce de gros ouvrage qui soit cassé ne sortie par assemblement, ou qu'elle soit cassée à tremper en l'eaue, en façon que l'en puisse apercevoir la faulte à l'œil de ladicte pièce de gros ouvrage, où l'en trouvera telle faulte, sera condempnée à estre despecée, et l'amendera l'ouvrier à la possession de qui elle sera trouvée, s'il l'expose en vente, de deux solz parisis pour chascune pièce au dessoubz de dix solz et au dessus de cinq solz à applicquer comme dessus; se la faulte est trouvée au taillant, l'ouvrier la pourra ramender ainsi qu'il sera advisé par les jurez dudit mestier; mais se la faulte est trouvée en la teste par faulte de rassemblement, elle sera despeciée sans ce que jamais elle serve en icelluy estât de riens.

Item, se aucun faict serpe à bois ou à tailler vigne et il y ait faulte d'acier au taillant, ou qu'il fourche, ou qu'elle soit cassée, ilz seront rompuz ; et l'amendera l'ouvrier pour chascune faulte dont il sera reprins, de douze deniers à applicquer comme dessus.

Item , que nul ouvrier dudit mestier ne face ne expose en vente doresnavant aucunes serpes à bois ne à vigne, qu'ilz ne soient asserez entre deux fers d'acier deuement couroyé, sur peine de dix solz d'amende à applicquer comme dessus.

Item, que nul ouvrier ne face nulles faucilles qu'ilz ne soient asserez du long des dens ainsi qu'il appartient, sur peine de douze deniers d'amende à applicquer comme dessus.

Item, que nul ouvrier dudit mestier ne pourra doresnavant tenir son ouvroucr audit Gisors, s'il n'est ouvrier suffisant et par faisant chef d'œuvre, excepté les filz de maistre qui ne paieront que demie hausse ; et paiera vingt solz parisis pour sa hausse, à applicquer comme dessus.

Item, et au regard des aprentiz et varletz qui n'auront esté aprentiz, ilz seront tenuz faire chef d'œuvre tel qu'il sera advisé par les jurez, excepté trois pièces d'ouvrage, c'est assavoir : une congnée large, une bezaguë et unes grans forces à tondre draps, que lesdictz jurez ne pourront bailler pour chef d'œuvre; et se le chef d'œuvre que auront faict lesdictz aprentiz est trouvé bien et deuement, et tel rapporté par les jurez, il sera receu par faisant le serment de garder les ordonnances et en paiant les vinages dcssusdictz.

Item, se aucun s'efforce de tenir ouvrouer en ladicte ville avant que faire son chef d'œuvre, il l'amendera au taux de justice.

Item, que doresnavant aucun marchant forain dudit mestier ne exposera en

vente aucun ouvrage d'icelluy mestier apporté de dehors, jusques ad ce qu'elle ait esté veue et visitée par les jurez dudit mestier, sur peine de vingt solz d'amende.

Item, que nul ne lèvera son mestier d'œuvre blanche audit Gisors, s'il n'a aprins son mestier audit lieu, ou s'il n'est trouvé suffisant ouvrier, faict chef d'œuvre et paie les droictz dudit mestier.

Item, que nul dudit mestier de mareschal, sinon les maistres et ouvriers qui par expérience sont et seront trouvez suffisans, ne s'entremette doresnavant de prendre la cure ou garison d'aucun cheval ou beste chevaline, sur peine d'amende à l'arbitration de justice.

Tous lesquelz maistres cy dessus dénommez, tant pour eulx comme pour leurs successeurs maistres et ouvriers dudit mestier de mareschal et de blanche œuvre, firent le serment en tel cas acoustumé, promettans icelle ordonnance tenir et garder de poinct en poiuct pour le temps advenir, sans enfraindre en aucune manière, sur les peines et amendes en icelles contenues; lesquelles amendes et peines, nous, dès maintenant et pour lors, avons dict et disons estre cueillies et levées et les transgresseurs et infracteurs desdictz articles et ordonnances estre pugniz et corrigez, selon la teneur d'iceulx et par chascune fois qu'ilz encherront esdictes peines et amendes ; laquelle ordonnance sera entretenue et gardée jusques à la revocation d'icelle et volienté de justice; et icelle ordonnance monditseigneur le bailly et ses successeurs pourront croistre, admenuiser, modérer ou oster du tout, se mestier est, ainsi que bon semblera à justice, se l'en treuve que la chose soit préjudiciable au bien de la chose publicque. Si donnons en mandement à tous les maistres et ouvriers dudit mestier presens et advenir, que ladicte ordonnance ilz tiennent et gardent sans enfraindre ; mandons en oulire à tous et chascuns des sergens ou soubzsergens dudit bailliage, premier sur ce requis, que ceste dicte ordonnance ilz facent entretenir et garder sans enfraindre.

En tesmoing desquelles choses, nous avons seellé ces présentes du grant seel aux causes dudit bailliage.

Ce fut faict l'an et jour dessusdictz, ainsi signé : Jubert, ung paraphe, et seellées de cire verte sur double queue, d'un seel et contreseel oii sont emprainctes les trois fleurs de Hz.

A tous ceulx qui ces présentes lettres verront, Hector du Vieu, licentié es loix, lieutenant gênerai de noble et puissant seigneur, monseigneur Adrian Thiercellin, chevalier, seigneur de Brosse, Possé et Marines, l'un des gentilz hommes ordinaires de la chambre du Roy nostre seigneur, son bailly et cappitaine de Gisors et des anceans ressortz d'icelluy, salut. Savoir faisons, que, veu par nous en la compaignie des advocat et procureur du Roy nostre dit seigneur, audit bailliage, les ordonnances sur le faict du mestier de mareschal et de blanche œuvre en ladicte ville et bourgaige de Gisors, parmy lesquelles ces présentes sont ennexées, lesquelles avons trouvé bonnes et loyallement faictes pour le bien de la chose publicque, nous, de l'accord et consentement desdictz advocat et procureur, avons icelles ordonnances confermées et confermons par ces présentes, mandons et commettons en oultre à tous et chascuns les sergens ou soubzsergens d'icelluy bailliage, icelle ordonnance faire entretenir, observer et garder par tous ceulx et ainsi qu'il est plus aplain contenu esdictes ordonnances jouxte leur forme et teneur.

En tesmoing de ce, nous avons scellé ces présentes du petit seel aux causes dudit bailliage, le vingt deuxiesme Jour de aoust mil cinq cens vingt quatre, ainsi signé : Bernard, ung paraphe, et seellées de cire verte sur double queue.

Collation est faicte sur ladicte ordonnance et atache dessustranscriptz, qui ont esté renduz à Nicolas Racyne, l'un des gardes et jurez du mestier de mareschal et blanche œuvre, pour Tannée présente, le cinquiesme jour de novembre mil cinq cens trente neuf. Fichet (avec paraphe).

CHAPPELIERS

(20 Décembre i4gi}

A tous ceulx qui ces présentes lettres verront ou orront, Guillaume Jubert, lieutenant gênerai de noble homme messire Jehan de la Viefzville, chevalier, seigneur de Westrehen et de Herincoitrt, conseillier et chambellain du Roy, nostre sire, bailly et cappitaine de Gisors et des anceans ressortz d'icelluy bailliage, salut. Comme de tout temps à l'office de mon dit seigneur le bailly compette et appartient pourveoir mettre, ordonner, constituer et establir ordonnances bonnes et loyalles au faict et police de tous les mestiers et autres choses neccessaires pour Testât de marchandise, et sur le faict et gouvernement de la police du bien et chose publicque, et par espetial en la ville et chastellenie dudit Gisors, entre lesquelles choses nous avons regardé, conclud et délibéré ce qui estoit bon à faire au regard du mestier et marchandise de chappellerle, et faict mettre par escript et par articles la fourme, manière et estât de leur gouvernement, savoir faisons que le mardi vingtiesme jour de décembre, les assises dudit lieu seans mil quatre cens quatrevingtz et unze, nous, pour les causes dessusdlctes, avons en la présence des advocat et substitut du procureur du Roy, nostre sire, eudit bailliage, et autres notables personnes, les gens dudit mestier pour ce presens et appeliez, dont les noms ensuivent, c'est assavoir : Jehan Corberen, Guillemot Postel, Jehan Gueret, Jehan Frère, Thoussains Vaumoing, Estienne le Veau, faict, or donné, conclud, et délibéré, de leur accord et consentement, les ordonnances cy après extraictes par articles et ainsi qu'il s'ensuict.

Premièrement,

Que nul dudit mestier ne pourra lever son mestier en icelle ville et chastellenie, s'il n'est filz de l'un des maistres de ladicte ville et chastellenie de Gisors, ou qu'il n'ait aprins son mestier en icelle et servy par l'espace de trois ans, premier qu'il soit en riens receu il fera chef d'oeuvre, c'est assavoir : de une livre de fine layne; après lequel chef d'œuvre, s'il est trouvé ouvrier suffisant, il sera mené par les Jurez dudit mestier, en la compaignie du maistre qu'il aura servy, devant le juge, pour lui faire faire le serment de bien et loyammem garder ces présentes ordonnances, et paiera pour entrer trente solz

parisis, qui seront convertiz pour aider à soustenir et garder les droictures dudit mestier, avec dix solz parisis à la confrarie de madame saincte Barbe fondée en l'église de sainct Gervais dudit Gisors ; et s'il advenoit qu'il y eust aucun maistre d'icelluy mestier qui prinst aucun aprentiz à le servir moins que lesdictz trois ans, il paiera vingt solz parisis d'amende à applicquer : moittié à justice et l'autre moittié à ladicte confrarie ; lequel serviteur ne pourroit avoir acquiz les franchises d'icelluy mestier s'il ne sert trois ans continue et ung seul maistre ; et ledit aprentiz sera tenu paier d'entrée vingt solz parisis pour son vinage, et cinq solz à la confrarie; et nul des maistres ne le pourra tenir plus de trois jours sans le présenter à justice, sur peine de vingt solz d'amende à applicquer moittié à Justice et l'autre moittié à ladicte confrarie.

Item, que nul maistre et ouvrier dudit mestier, en ladicte ville et chastellenie, ne pourra sustraire ne avoir, par louage ne autrement, aucun serviteur et qui soit serviteur, ne aller à nul des maistres d'icelle ville et chastellenie, en peine de dix solz parisis d'amende à applicquer moittié à justice et l'autre moittié à ladicte confrarie.

Item, s'il advenoit que aucuns des dessusdictz maistres allassent de vie à trespas et qu'ilz délaissassent leurs femmes vefves, icelles vefves pourront tenir ouvrouer d'icelluy mestier et varletz en besongnes, pendant le temps qu'elles se tiendront à marier; et après ce qu'elles seront remariées ne pourront user du privillége dudit mestier, ne de ces présentes ordonnances ; et ceulx qui feront le contraire, paieront dix solz parisis d'amende à applicquer par moittié comme dessus.

Item, nul filz de maistre, après ce qu'il auroit aprins icelluy mestier et qu'il seroit trouvé suffisant ouvrier par les maistres et jurez dudit mestier en ladicte ville et chastellenie, ne sera tenu faire aucun chef d'œuvre mais tenu paier demy vinage aux maistres d'icelluy mestier.

Item, nul des maistres dudit mestier en icelle ville et chastellenie ne pourra tenir ne avoir aucun aprentiz, réservé la troiziesme année que son dit aprentiz l'aura servy, il en pourra prendre et avoir ung avec ledit premier aprentiz, sur peine de dix solz parisis d'amende à applicquer moittié à justice et l'autre moittié à ladicte confrarie.

Item, nulz maistres ne ouvriers dudit mestier, qui sont forains et qui vouldront vendre ou estaller aucune marchandise dudit mestier en icelle ville et chastellenie, ne pourront vendre leursdictes derrées et marchandises, sinon soubz la Visitation des gardes et jurez d'icelluy mestier; pour laquelle visitation faire, ilz auront pour leur peine et sallaire douze deniers parisis sur chascun maistre, ouvrier ou autres vendans chappeaulx.

Item, chascun aprentifz dudit mestier, après ce qu'il aura servy ledit temps de trois ans et qu'il ystra hors de son service, pourveu qu'il soit passé maistre et qu'il veulle lever son mestier en icelle ville et chastellenie, il sera tenu paier vingt solz parisis pour son vinage au disner des maistres et ouvriers d'icelluy mestier, et avec ce paiera cinq solz parisis à ladicte confrarie.

Item, nul maistre ne ouvrier dudit mestier ne pourra aucunement exposer en vente aucuns chappeaulx, sMlz sont cassez ne brisez, pourveu que les jurez d'icelluy mestier les aient veuz et deffendu les vendre ; et s'il y a aucun faisant le contraire, il paira cinq solz parisis d'amende à applicquer moittié à justice et l'autre moittié aux jurez.

Item, que nul maistre ne ouvrier en ladicte ville et chastellenie d'icelluy mestier ne pourra estaller nulz vielz chappeaulx parmy la neufve ouvrage, mais les sera tenu mettre à part et ne les vendra ne plevlra pour neufz, en peine de deux solz parisis d'amende à applicquer par moittié comme dessus.

Item, tous compaignons forains d'icelluy mestier qui vouldront, besongneront en ceste dicte ville et chastellenie dudit Gisors, pourveu qu'ilz gaignent argent, paieront à ladicte confrarie deux deniers tournois pour chascune sepmaine, qui seront prins sur leurs maistres qui mettront en besongne lesdictz serviteurs, sur ce qu'ilz pourront gaigner.

De laquelle ordonnance garder pour le temps advenir, lesdictz maistres et ouvriers dudit mestier dessusnommez, tant pour eulx que pour leurs successeurs, firent le serment en tel cas acoustumé, promettans icelles ordonnances tenir et garder sans enfraindre, sur les peines et amendes declairées es articles dessusdictz ; lesquelles peines et amendes, nous, dès maintenant, ores et pour le temps advenir, avons dict et declairé estre cueillies et levées, et les transgresseurs desdictz articles estre pugniz et corrigez selon la teneur d'iceulx et pour chascune fois qu'ilz escherront esdictes peines et amendes-, laquelle ordonnance monditseigneur le bailly ou son lieutenant et ses successeurs pourront croistre, admenuiser, modérer et du tout oster, se mestier est, ainsi que justice verra bon estre. Si donnons en mandement à tous les maistres et ouvriers dudit mestier presens et advenir, que ceste dicte ordonnance tiennent et gardent sans enfraindre ; mandons en oultre à tous les sergens ou soubzsergens dudit bailliage, et au premier sur ce requis, que ceste dicte ordonnance ilz facent entretenir et garder sans enfraindre bien et deuement.

En tesmoing de ce, nous avons scellé ces présentes du grant seel aux causes dudit bailliage.

Ce fut faict l'an, jour et assizes dessusdictz, signé : Jubert, D.\niel et Denise, chascun ung paraphe.

A tous ceulx qui ces présentes lettres verront, Hector du Vieu, liceniié es loix, lieutenant gênerai de noble et puissant seigneur messire Adrian Thiercellin, chevalier, seigneur de Brosse, Pocé et Marines, l'un des gentilz hommes ordinaires de la chambre du Roy nostre sire, son bailly et cappitaine de Gisors et des anceans ressorts dudit bailliage, salut. Savoir faisons que veu par nous, en la compaignie des advocat et procureur du Roy, notre sire, oudit bailliage, les ordonnances sur le faict du mestier et marchandise de chappellerie en ladicte ville de Gisors, parmy lesquelles ces présentes sont annexes, lesquelles avons trouvées bonnes, justes et loyaulment faictes pour le bien de la chose publicque, nous, de l'accord et consentement desdictz advocat et procureur dudit bailliage, avons icelles ordonnances confermées et confermons par ces présentes, mandons et commettons en oultre à tous et chascuns des sergens ou soubzsergens dudit bailliage, icelles ordonnances faire entretenir, garder et observer par tous ceulx et ainsi qu'il est plus amplement contenu esdictes ordonnances jouxte leur forme et teneur.

En tesmoing de ce, nous avons scellé ces présentes du petit seel aux causes dudit bailliage, le vingtroiziesme jour d'aoust, l'an de grâce mil cinq cens vingt quatre, signé : Bernard, ung paraphe.

CORDOUENNIERS

(i5 Mai i4g2)

A tous ceulx qui ces présentes lettres verront, Guillaume Jubert, lieutenant gênerai de noble homme monseigneur Jehan de la Viefzville, chevalier, seigneur de Westrehen et de Herincourt , conseillier et chambellain du Roy nostre sire, bailly et cappitaine de Gisors et des anceans ressortz d'icelluy bailliage, salut. Comme de tout temps à Toffice de monditseigneur le bailly compette et appartiengne pourveoir, mettre, ordonner, constituer et establir ordonnances bonnes et loyalles au faict et police de tous les mestiers et autres choses neccessaires, pour Testât de marchandise et sur le faict et gouvernement de la police du bien et de la chose publique, et par espetial en la ville et banlieue dudit Gisors, entre lesquelles choses nous avons regardé, conclud et délibéré ce qui estoit bon à faire au regard du mestier de cordouennerie et faict par escript et par articles la forme, manière et estât de leur gouvernement, savoir faisons que, au jourd'uy mardi, quinziesme jour de may, l'an de grâce mil quatre cens quatrevingtz et douze, nous, pour les causes predictes, en la présence et par Poppinion des advocat et procureur du Roy nostredit seigneur, oudit bailliage, et autres notables personnes, les gens dudit mestier, pour ce appeliez, dont les noms ensuivent, c'est assavoir : Colin OviEsvE, Jehan Rebours, Jehan Paysant, Jehan Billon, Jehan Voisin, Henriet Langlois, Jehannet Mauvoisin, Pernot Voisin, Jehan Lambert, Simonnet le Febvre, Thomas de la Haye, Cardin Advice et Jehan Saffre, jurez, gardes et maistres d'icelluy mestier de cordouennier, avons accordé ordonnances sur le faict dudit mestier, telles et en la manière qui ensuict, pour icelles estre tenues et gardées pour le temps advenir, sans enfraindre sur les peines dedens contenues.

Premièrement,

A esté ordonné que nul doresnavant ne pourra lever, tenir ne excercer ledit mestier de cordouennier en la ville et faulxbourgs dudit Gisors, s'il n'est de l'aprentissage de ladicte ville et qu'il ait servy l'un desdictz maistres en icelle ville l'espace de trois ans acompliz, et paie les vinages, ainsi que cy après sera declairé ; et pourra chascun desdictz maistres d'icelluy mestier avoir et tenir en son hostel ung aprentiz, lequel aprentiz d'entrée sera tenu paier deux livres

de cire à emploier à Taugmentation et entretenement du luminaire de la confrarie sainct Crespin et sainct Crespinian, fondée en l'église sainct Gervais et sainct Prothais dudit Gisors, premier et avant qu'il puisse opérer dudit mestier en rhostel de son dit maistre par l'espace de huict jours.

Item, nul desdictz maistres ne pourra tenir en son dit hostel que ung seul aprentilz à une fois, réservé que sur la derraine année de son apprentissage desdictz trois ans, ledit maistre pourra avoir et tenir en son dit hostel ung second aprentiz, pour estre mieulx entretenu et servy à l'excercice dudit mestier et non autrement, sur peine de cinq solz parisis d'amende à applicquer moittic à justice et l'autre moittié ausdictz jurez et maistres.

Item, et après que aucun aprentiz aura faict son temps et vouldra lever son mestier en ladicte ville, il paiera pour sa maistrise soixante solz parisis qui seront paiez et baillez à ladicte confrarie sainct Crespin; et avec ce, sera tenu donner à disner aux maistres dudit mestier, et faira cinq ou six paires de souliers à la voulenté des maistres dudit mestier pour son chef d'oeuvre ; et se par iceulx jurez et maistres il est trouvé ouvrier suffisant, il sera admené devant monditseignenr le bailly ou son lieutenant pour estre passé maistre et faire le serment en tel cas acoustumé.

Item, quant aucun filz des maistres dudit mestier vouldra lever son mestier en ladicte ville, il sera receu ad ce faire par les maistres et ouvrière d'icelluy mestier, s'il est trouvé suffisant, et ne paiera que trente solz parisis, moittié desdictz soixante solz parisis, et aussi ne paira que demy vin ausdictz maistres et ouvriers dudit mestier, et sera admené par lesdictz maistres devant monditseigneur le bailly ou son lieutenant, pour faire le serment en tel cas acoustumé.

Item , chascun maistre d'icelluy mestier de cordouennier de ladicte ville et faulxbourgs, usant et opérant dudit mestier sera tenu paier par chascun an, pour l'entrctenement de ladicte confrarie, la somme de huict solz tournois; et chascun serviteur opérant d'icelluy, gaignant argent soubz lesdictz maistres, sera tenu paier par chascun an, pour l'entretenement d'icelle confrarie, pendant et durant le temps qu'il besongnera dudit mestier soubz lesdictz maistres, la somme de quatre solz tournois, dont le maistre chascun en droict soy respondra pour son dit serviteur gaignant argent comme dit est ; lequel maistre, à ceste cause, pourra prendre et retenir sur le gaing de son dit serviteur, un denier tournois par chascune sepmaine.

Item, nui maistre forain dudit mestier ne pourra vendre ne exposer en vendue aucunes derrées d'icelluy mestier en ladicte ville et faulxbourgs dudit

Gisors , à jour de foire, de marché ne aultrement, que préalablement il n'ait paie, pour rentretenement d'icelle confrarie, la somme de quatre solz parisis, lesquelz seront par luy baillez et paiez aux jurez et gardes dudit mestier pour Tannée, se aultresfois il ne les avoit paiez, et est à entendre pour une fois en sa vie seullement.

Item, nul desdictz maistres forains, ne autre de quelque estât qu'il soit, ne pourra vendre ne exposer en vendue aucunes derrées dudit mestier en ladictc ville et faulxbourgs dudit Gisors, que préalablement celluy à qui seront lesdictes derrées ne le faict sçavoir ausdictz gardes et jurez, et que lesdictes derrées ne soient veues et visitées par lesdictz jurez et gardes d'icelluy mestier en ladicte ville et faulxbourgs, sur peine de dix solz parisis d'amende à applicquer moittié à justice et l'autre moittié ausdictz jurez et maistres. En faisant laquelle Visitation, se lesdictes derrées ne sont trouvées bonnes et loyalles, elles seront prinses et apportées par lesdictz jurez à justice, pour en ordonner comme de raison; et celluy ou ceulx, qui en seront trouvez saisiz, mis en amende de dix solz parisis, à applicquer comme dessus.

Item, sera tenu et subgect chascun maistre d'icelluy mestier de ladicte ville et faubourgs dudit Gisors opérant dudit mestier faire son dit ouvrage tout d'un mesme cuir, sans y mettre ou emploier aucun cuyr de veau avec cuyr de vache ne autrement, sur peine de cinq solz parisis d'amende, à applicquer comme dessus.

Item, nul maistre dudit mestier ne pourra ouvrer d'icelluy à faire le viel et le neuf ensemble, mais sera contrainct d'eslire lequel il luy plaira, et ceulx qui feront la viesle œuvre ne pourront mettre à l'empiegne que œuvre viesle, mais la semelle pourront faire de neuf, se bon leur semble ; et qui faira le le contraire, il amendera de vingt solz parisis, à applicquer moittié à justice et l'autre moittié aux jurez dudit mestier.

Item, nul courayeur ne pourra courayer cuyr pour tenneur, sinon pour son user seullement et non poinct pour vendre, sur peine de forfaire lesdictes derrées audit tenneur et de vingt solz parisis d'amende pour le courayeur, moittié à justice et moittié aux jurez.

Item, ne pourront lesdictz jurez et maistres d'icelluy mestier opérer ne emploier aucun cuir s'il n'est bon et loyal, sur peine de cinq solz parisis d'amende, pour chascune fois que le cas seroit par eulx commis, à applicquer comme dessus ; et s'il advenoit que l'un d'iceulx maistres allast de vie à trespassement, la femme vefve d'icelluy maistre pourra avoir et tenir, en son hostel, ung serviteur excerçant pour elle ledit mestier, tant qu'elle sera en Testât

de veufvage ou qu'il luy plaira, à la charge et souhz la Visitation desdictz jurez et maistres predictés et devant declairez.

Item, seront tenuz lesdictz jurez et gardes dudit inestier de cordouennier visiter, durant le temps de leur commission, en ladicte ville et faulxbourgs dudit Gisors, tous et chascun les maistres dudit mestier pour chascune sepmaine, et mesmes visiter, se besoing est, en la chastellenie dudit Gisors, en tous les marchez, lieux et places qu'ilz verroient bon estre.

En tesmoing de ce, nous, lieutenant gênerai dessus nommé, avons signé ces présentes ordonnances de nostre main et seellé du grant seel aux causes dudit bailliage.

Ce fut faict l'an et jour dessusdictz, signé : G. Jubert, ung paraphe, et seellées de cire verte à double queue, ausquelles ordonnances estoient annexées unes lettres d'atache desquelles la teneur ensuict.

A tous ceulx qui ces présentes lettres verront, Hector du Vieu, licentié es loix, lieutenant gênerai de noble et puissant seigneur monseigneur Adrian Thiercellin, chevalier, seigneur de Bi'osse, Possé et Marines, l'un des gentilz hommes ordinaires de la chambre du Roy nostre sire, son bailly et cappitaine dudit Gisors et des anceans ressors d'icelluy, salut. Savoir faisons que veu par nous en la compaignie de l'advocat et procureur du Roy, nostre sire, eudit bailliage, les ordonnances sur le faict du mestier de cordouennerie en la ville et bourgade dudit Gisors, jouxte les ordonnances dudit mestier parmy lesquelles ces présentes sont annexes, lesquelles ordonnances avons trouvez bonnes, justes et loyallement faictes pour le bien de la chose publicque, nous, de l'accord et consentement desdictz advocat et procureur, avons icelles ordonnances confermé et confermons par ces présentes, mandons et commettons en oultre à tous et à chascun des sergens ou soubzsergens dudit bailliage, faire entretenir, observer et garder lesdictes ordonnances par tous ceulx et ainsi qu'il est plusaplain contenu en icelles ordonnances, jouxte leur forme et teneur.

En tesmoing de ce, nous avons mis à ces présentes le petit seel aux causes dudit bailliage, le vingt deuxiesme jour d'aoust, l'an de grâce mil cinq cens vingt quatre; signé : Bernard, ung paraphe, et scellées sur simple queue de cire verte.

Collation est faicte sur ladicte ordonnance et atache rendues à Symon Bricquet, l'un desdictz maistres jurez dudit mestier de cordonnyer, le tiers jour de novembre mil cinq cens trente neuf. Fichet (avec paraphe).

BOULLENGIERS

(2~ Mars i5o3)

A tous cealx qui ces présentes lettres verront ou orront, Robert du Vieq, lieutenant gênerai de noble et puissant seigneur, monseigneur Jehan de LA ViEFzviLLE, chcvalier, seigneur de Westrehen, Adveiiy et Herincourt, conseillier et chainbellain ordinaire du Roy nostre sire, son bailly de Gisors, salut. Comme naguères plusieurs maisires et ouvriers du mestier de bouUenger, en la ville et chastellenie dudit Gisors, feussent venuz devers nous, c'est assavoir : Robinet Marchant, Pernet de L'eaue, Colin Chevron, Jehan le Conte,

SiMONNET Bonnat, La , Jehan Cheron, Gassot le Cousturier, Colin

RoLLANT, Jehan le Cousturier, Jehannet le Tellier, Pernet le Boulenger, Anthoine le Boulenger, Philippot Touzé, Jehan Pissehault, Roger de L'eaue Jehan et Guillaume dictz Hourdel, Jehan Regnauld dit Gastellet, Guillaume Gastellet, Robinet du Pont et Anthoine Bellin, en nous requérant que pour le bien de la chose publicque et Tutilité du bien commun, il nous pleust leur bailler ordonnances sur le dit mestier, pour le proffict commun des gens usans et eulx entretenans, entremettans d'icelluy mestier, sur quoy nous eussent baille aucunes articles touchant icelluy mestier, et requis que les voulsissions veoir et délibérer avec gens en ce congnoissans, pour icelles acroistre ou diminuer à nostre plaisir, ainsi que verrions estre à faire et qu'il appartiendra par raison ; savoir faisons, que, après ce que nous et les dictz advocat et procureur du Roy, nostre sire, oudit bailliage, et plusieurs autres notables personnes, avons veu à grande et meure délibération les dictz articles, nous, obtempérant à leur dicte requeste, voullans et desirans le dit mestier estre desoremès gouverné par bonne police, régime et ordonnance, principallement au bien de la chose publicque et du dit mestier, avons mis correction et augmentation sur les dictz articles et les aucuns augmentez et les autres diminuez, après lesquelles choses faictes, les avons baillez aus dictz boullengers qui les ont veues et rapportées devers nous, requerans très instamment que en leur dict mestier, voulsissions mettre ordonnances selon les dictz articles. Ouye laquelle requeste et par l'adviz et délibération desdictz advocat et procureur du Roy et autres notables personnes, gens de justice, avons mis ordonnance et statu eudit mestier de boulengerie en la ville et chastellenie du dit lieu de Gisors, pour en joyr en temps advenir, selon les dictz articles dont la teneur ensuict.

Et premièrement,

Que doresnavant nul bolongier ne pourra lever son mestier ne ouvrer d'iceiluy en la dicte ville de Gisors et bourgaigc d'icelle, ne y cuire pain pour vendre, s'il n'est de l'aprentissage de la dicte ville, faict le serment et paie le vinage, ainsi qu'il sera dict c'y après, ou que en précèdent de ces présentes ordonnances il eust levé son mestier en icelle.

Item, que nul maistre du dit mestier ne pourra tenir que ung seul aprentiz, lequel sera tenu servir trois ans pour aprendre et acquérir les franchises d'icelluy mestier, pendant lequel temps il ne pourra gaigner aucun argent; lequel aprentiz paiera d'entrée une livre de cire et une autre livre à la fin de son service, le tout à applicquer à l'entretenement de deux torches qui seront pour ledit mestier servans à la confrarie de sainct Vincent à l'église dudit Gisors ; et préalablement sera tenu ledit aprentiz estre juré aprentiz devant monseigneur le bailly de Gisors ou son lieutenant. Et s'il estoit trouvé que aucuns des dictz maistres feissent le contraire, sans estre jurez devant mon dit seigneur le bailly ou son lieutenant, dedens quinze jours de son entrée et à moins de temps que de trois ans, ilz l'amenderont de dix solz parisis à applicquer moittié au Roy, nostre sire et l'autre moittié aux jurez et gardes du dit mestier; et ne acquerront poinct en ce regard iceulx aprentifz les franchises du dit mestier.

Item, s'aucun maistre du dit mestier voulloit avoir deux aprentiz, il les pourroit avoir et tenir, pourveu que le premier aprentiz ait servy deux ans premier et avant que icelluy second aprentiz entre eudit service pour aprendre icelluy mestier ; et qui fera le contraire, il l'amendera de dix solz six deniers parisis à applicquer moittié au Roy et l'autre moittié à la dicte confrarie.

Item, que nul aprentiz ne pourra lever le dit mestier en icelle ville et banlieue que, premier et avant tout, il n'ayt servy le dit temps de trois ans, faict chef d'œuvre de pain blanc, pain bourgois et pain de retraicte, et paie cinquante solz parisis à applicquer moittié à l'entretenement des dictes torches et l'autre moittié es affaires du dit mestier, et aussi qu'il soit passé maistre et rapporte ouvrier suffisant et faict serment devant mou dit seigneur le bailly ou son lieutenant.

Item, que nul boulenger de dehors la dicte ville ne pourra vendre en icelle, pain, brioche, gasteaulx ne eschauldcz, à nul jour, quel qu'il soit, sinon au jour de marché du dit lieu de Gisors, qui est le lundi ; et ne pourront les taverniers de la dicte ville en achetter pour vendre à leurs tavernes sinon pour le dit jour de marché; et en cas que les dictz taverniers faisoient le contraire et qu'ilz en vendissent les jours ensuivons, ilz en feront l'amende pour chascune

— 5i — fois qu'ilz seront trouvez defaillans, de dix solz parisis à applicquer moiltié au Rov nostre sire et l'autre moittié aus dictz jurez, lesquelz taverniers seront visitez par iceulx jurez et gardes du dit mestier.

Item, s'il est trouvé que aucuns ou aucunes prennent pain en garde ou en achettent de marchans forains pour vendre en la dicte ville et chastellenie ou autres jours que les jours de marché, ilz l'amenderont au Roy, nostre sire, selon l'ordonnance de justice, à applicquer comme dessus, et sera le dit pain forfaict.

Item, que nul maistre du dit mestier ne pourra cuire ne faire cuire pain, eschauldez ou gasteaulx au jour de dimenche, sous peine de forfaicture et de perdre leur derrée, se ce n'estoit en cas de neccessité et qu'il y eust seigneurie au dit lieu, ou qu'ilz en eussent congié de justice et pour juste cause; et ou cas qu'ilz feront le contraire, ilz en feront amende à l'ordonnance de justice à applicquer comme dessus ; et si sera le pain forfaict et donné aux poures mendiens.

Item, que nul maistre du dit mestier, estant en la dicte ville et chastellenie, ne pourra tenir varlet d'un des maistres, s'il n'a faict et acomply son service, ou que ce soit du consentement de son dit maistre, et aussi ne le pourra louer en précèdent de son service acomply; et s'aucun est trouvé faisant au contraire, il en fera amende au taux de justice à applicquer comme dessus ; et si sera contrainct icelluy varlet à parfaire et acomplir son dit service et à faire amende comme le dit maistre.

Item , pour ce que aucuns boulengers de la dicte ville ont de coustume vendre du pain à la douzaine, tant aux taverniers que autres, et en baillent pour douzaine quatorze ou quinze, et en ce regard le font plus petit et de moindre pois qu'ilz ne doibvent, il a esté sur ce dit et ordonné que nul ne pourra doresnavant en vendre à la douzaine plus que de treize pour la dicte douzaine, sur peine, à ceulx qui ce feront, de dix sols parisis d'amende à applicquer moittié au Roy, nostre dit seigneur, et l'autre moittié aus dictz jurez , affin qu'ilz n'ayent excuse qu'ilz ne façent le dit pain de pois raisonnable.

Item, que nul ne pourra doresnavant lever son mestier en la dicte chastellenie et hors la dicte ville, s'il n'est trouvé et rapporté ouvrier suffisant par les dictz jurez et gardes devant justice, et qu'il ait faict serment de bien et deuement excercer le dit mestier et de entretenir ces présentes ordonnances comme maistre forain en icelle chastellenie et hors la dicte ville; et en ce faisant, paiera vingt solz à applicquer moittié à Tentretenement des dictes torches et l'autre moittié aux affaires du dit mestier.

Item, pour garder et entretenir ces présentes ordonnances, avéra deux maistres du dit mestier qui seront commis par justice gardes et jurez du dit mestier, et feront serment de deuement visiter les derrées et marchandises qui se feront en la dicte ville et mesmes celles qui seront apportées, aussi les taverniers, ainsi que declairé est cy dessus, lesquelz jurez se renouvelleront par chascun an.

De laquelle ordonnance garder pour le temps advenir les dictz maistres et ouvriers du dit mestier dessus premiers nommez, tant pour eulx que pour leurs successeurs boulengers, firent le serment en tel cas acoustumé, promettans icelle ordonnance tenir et garder fermement sans enfraindre en aucune manière, sur les peines et amendes declairez es articles dessusdictz, lesquelles peines et amendes, nous, dès maintenant, ores et pour le temps advenir, avons dit et disons estre cucilliz et levées, et les transgresseurs des dictz articles estre pugniz et corrigez selon la teneur d'iceulx, et pour chascune fois qu'ilz escherront es dictes peines et amendes ; laquelle ordonnance monseigneur le bailly ou son lieutenant et ses successeurs pourront acroistre, diminuer, se mestier est, et ainsi que justice voirra bon estre. Si donnons en mandement à tous les maistres et ouvriers du dit mestier, presens et advenir, que ces dictes présentes ordonnances liengnent et gardent sans enfraindre; mandons en oultre à tous les sergens ou soubzsergens du dit bailliage, et au premier sur ce requis, que ceste dicte ordonnance ilz façent entretenir et garder bien et deuement.

En tesmoing de ce, nous avons seellc ces présentes du grant seel aux causes dudit bailliage.

Ce fut faict au dit lieu de Gisors, le vingt septiesme jour de mars. Tan de grâce mil cinq cens et trois avant Pasques, ainsi signé : R. du Vieu, ung paraphe ; J. le Peletier, ung paraphe.

A tous ceulx qui ces présentes lettres verront, Hector du Vieu, licentië es loix, lieutenant gênerai de noble et puissant seigneur, monseigneur Adrian Thiercellin, chevalier, seigneur de Brosse, Possé et Marines, Tun des gentilz hommes ordinaires de la chambre du Roy, nostre sire, son bailly et cappitaine dudit Gisors et des anceans ressors d'icelluy, salut. Savoir faisons, que, veu par nous, en la compaignie des advocat et procureur du Roy nostre sire, audit bailliage, les ordonnances sur le faict du mestier de boulenger en icelle ville et bourgaige du dit Gisors, jouxte les ordonnances du dit mestier parmy lesquelles ces présentes sont annexées, lesquelles ordonnances avons trouvé bonnes, justes et loyallemcnt faictes pour le bien de la chose publicque,

nous, de Taccord et consentement des dictz advocat et procureur, avons icelles ordonnances confermés et confermons par ces présentes, mandons et commettons en oultre à tous et à chascun des sergens ou soubzsergens du dit bailliage, faire entretenir, observer et garder les dictes ordonnances, par tous ceulx et ainsj qu'il est plus àplain contenu en icelles ordonnances, jouxte leur forme et teneur.

En tesmoing de ce, nous avons mis à ces présentes le petit seel aux

causes dudit bailliage, le jour de l'an de grâce mil cinq

cens [vingt quatre], scellées de cire verte sur double queue.

Collation est faicte sur la dicte ordonnance et attache dessus transcriptes, au greffe du bailliage de Gisors, le dix septiesme jour de novembre mil cinq cens trente neuf, lesquelles ordonnances et atache ce dit jourd'huy ont esté rendues à Jehan Martin et Nicollas le Charpentier, gardes et jurez dudit mestier, pour l'année présente. Faict comme dessus. Fichet (avec paraphe).

MENUYSIERS

(20 Février i5o5)

A tous ceulx qui ces présentes lettres verront ou orront, Robert du ViEtJ, lieutenant gênerai de noble et puissant seigneur monseigneur Jehan DE LA ViEFZviLLE, chcvalier, seigneur de Westrehen, Harincourt, Adveny et Danmesnil, conseillicr, chambellain ordinaire du Roy, nostre ...., son bailly et cappitaine de Gisors et des anceans ressortz dudit bailliage, salut. Comme à l'office de mon dit seigneur le bailly de tout temps et d'ancienneté, compette et appartient pour le bien de la chose publicque, poveoir et mettre ordre, police et ordonnance es mestiers du dit bailliage, pour éviter aux abbuz et inconveniens qui s'en pourroient ensuir, et soit ainsi que au mestier de menuyserie et hucherie de ceste dicte ville de Gisors n'y ait ordonnances du dit mestier, et soient venuz par devers nous plusieurs des maistrcs et ouvriers du dit mestier de la dicte ville de Gisors, requerans ordonnances leur estre faictes et baillez du dit mestier, pour sur icelluy eulx conduire et gouverner en temps advenir : sur laquelle requeste avons eu adviz et oppinion de honorables hommes et sages maistre Jehan le Peletier, escuier, procureur du Roy nostre dit seigneur, oudit bailliage, Jehan Perrov, substitud gênerai de honorable homme et saige Jehan la Vache, escuier, advocat dudit seigneur oudit bailliage, et autres notables, conseulx, bourgois et habitans de la dicte ville, aussy avons recueilly aucuns articles sur les ordonnances du dit mestier des villes voisines de ce dit bailliage pour pourveoir à la dicte requeste; savoir faisons, que, es assizes du dit lieu de Gisors, tenues par nous, lieutenant gênerai dessus nommé, le vingtiesme jour de febvrier l'an de grâce mil cinq cens et cinq, de l'accord et consentement des dictz procureur et substitud du dit advocat et par l'oppinion de plusieurs gens de justice, bourgois et habitans de la dicte ville de Gisors, avons faict, statué et estably ordonnances sur le dit mestier en la dicte ville et chastellenie de Gisors, en la manière et ainsi qu'il s'ensuict.

Et premièrement,

Quiconques vouldra lever ouvrouer du dit mestier de hucherie et menuyserie en la dicte ville de Gisors faire le pourra, pourveu qu'il soit de l'aprentissage de la dicte ville, et qu'il ait scrvy trois ans avec l'un des maistres du dit

mestier d'icelle ville et qu'il soit ouvrier suffisant, examiné par les jurez de la dicte ville d'icelluy mestier, qui ait fait chef d'œuvre de sa main, bon et suffisant, qu'il sera tenu faire en l'ostel de l'un des jurez ou maistre du dit mestier, de la valleur de cent solz ou six livres tournois ; et si sera tenu paier la somme de cinquante solz tournois pour sa dicte maistrise, c'est assavoir: vingt solz tournois au proffict de la confrarie monseigneur sainct Hubert, et trente solz tournois pour le vin des maistres, sauf que tous filz de maistre ne seront tenuz ne subgectz faire chef d'œuvre, et pourront lever leur dit mestier en paiant la moittié de la dicte somme de cinquante solz tournois à applicquer comme dessus.

Item, tous les aprentiz du dit mestier, en la dicte ville de Gisors, seront subgectz paier une livre de chire la première année, au jour de la feste monseigneur sainct Hubert, pour emploier et convertir au luminaire de la dicte confrarie ; et oultre, tous compaignons passans, qui besongneront du dit mestier en la dicte ville soubz les maistres, paieront deux solz six deniers tournois pour une fois, pour convertir au luminaire de la dicte confrarie.

Item, que nulz ouvriers du dit mestier ne façent huys enchassillez, ne chassiz à voirre, ne fenestres où il y auroit auber tant en membrures que penneaux, en lieu qui porte préjudice ; et s'aucun est trouvé faisant le contraire, l'ouvrage qu'il aura faicte où, il y ait faulte de ce qui dit est, sera brullé devant son huys comme faulce, et si paiera dix solz tournois d'amende, moittié au Roy et l'autre moittié aux jurez et gardes.

Item, que nulz ne façent contrehuys où il y ait auber, tant en membrures que penneaulx, en lieu qui puisse porter préjudice, sur pareille peine et amende que dessus.

Item, que nul ne face tables où il y ait aubel, ne bois pourry, en lieu qui porte préjudice, sur pareille peine et amende que dessus.

Item, que nul ne face portes où il y ait aube! ne de bois pourry, tant en membrures que hanches ou penneaulx, ne en lieu qui puisse porter préjudice, sur la peine et amende que dessus.

Item, quiconques fera bancq de dix piedz de long, il sera tenu y mettre trois barres dessoubz le fons et ung pied parvoie au milieu dudit bancq et mettre bonnes membrures selon la longueur, et qu'il n'y ait poinct d'aubel en lieu qui puisse porter préjudice, sur la peine et amende que dessus.

Item, que nul ne face coffret à queue d'heronde où il y ait poinct de bois

pourry, ne aucuns neudz pourriz qui passent oultre, qu'il soit bien et deuement enfonsé, sur les peines et amendes que dessus.

Item, que nul ne face couches où il y ait auber ne bois pourry qui puisse porter préjudice, sur les peine et amende que dessus.

Item, que nul ne face huches ou coffres de quelque bois que ce soit, quMlz ne soient bons et suffisans, sur peine et amende que dessus.

Item, que nul ne face caiges ou treillies, fenestres ne lambrines qui ne soient bons et suffisans et qu'il n'y ait point d'aubel en lieu qui puisse porter préjudice, sur la peine et amende que dessus.

Item, que nul ne face aumoires fermans, de quelque sorte que ce soit, où il y ait aubel ne neux pourriz qui passent oultre, ne pourriture en lieu qui puisse porter préjudice, sur la peine et amende que dessus.

Item, que nul ne face tresteaulx vagans ne autres, s'ilz ne sont bons et suffisans, sur la peine et amende que dessus.

Item, que nul ne face gros huys à clef perdue, qu'il n'y ait ung goujon entre deux clefz, et qu'il n'y ait aubel ne pourriture qui puisse porter préjudice, sur la peine et amende que dessus.

Item, se aucune personne de la ville ou de dehors veult faire faire de l'ouvrage de son bois au.'c maistres de la dicte ville, les dictz maistres le pourront faire sans préjudice.

Item, nulz tonneliers ne charpentiers ne pourront faire huys, ne fenestres, ne besongncr du dit mestier dedens la dicte ville de Gisors ne es faulxbourgs, se ce n'est pour eulx, sur peine de perdre la dicte besongne et de l'amende à applicquer comme dessus.

Item, au dit mestier, y aura deux des maistres d'icelluy qui seront elleuz par les autres devant mon dit seigneur le bailly ou son lieutenant, et jurez gardes dudit mestier par chascun an, qui auront puissance de visiter toutes les ouvrages du dit mestier en la dicte ville et chastellenie, et ce qu'ilz trouveront qui ne sera bon et suffisant, jouxte ces présentes ordonnances, seront tenuz le apporter à justice pour en ordonner, jouxte ce qu'il est cy contenu.

Item, que nul maistrc du dit mestier ne aura que ung aprentiz qui sera tenu servir le temps et espace de trois ans, sauf que sur la troiziesme année

ledit maistre pourra prendre ung autre aprentiz avec le premier, s'il voit que bon soit ; et s'il advient que aucun aprentiz laisse son maistre durant son aprentissage et avant que son temps soit passé, le dit maistre ne pourra prendre autre aprentiz, jusques ad ce que le temps du premier qui l'avoit laissé soit passé; et qui fera le contraire, il l'amendera de la somme de vingt solz tournois, moittié au Roy et l'autre moittié aus dictz gardes ; et seront tenuz les dictz maistres présenter leurs aprentiz devant mon dit seigneur le bailly ou son lieutenant, huict jours après qu'ilz l'auront alloué, qui sera tenu faire serment de bien et loyamment servir son dit maistre durant le dit temps, et paiera le dit aprentiz dix solz tournois aux gardes pour sa bien venue, avec une livre de cire à la confrarie du dit mestier.

Item, que nul maistre du dit mestier, tenant astellier et ouvreur, ne pourra mettre en besongne varletz qui seroient allouez à autres maistres du dit mestier de la dicte ville, pourveu qu'ilz en aient congnoissance, sur peine de dix solz tournois d'amende à applicquer comme dessus, moittié au Roy et l'autre moittié aux gardes ; et semblablement le varlet qui seroit alloué, si audevant d'avoir fait son service se allouoit à autre, il paiera semblable amende et à applicquer comme dessus.

Item, nul ne pourra besongner du dit mestier devant quatre heures du matin ne après neuf heures de vespre, sur peine de deux sols six deniers tournois d'amende à applicquer comme dessus, se ce n'estoit pour besongne hastive ; euquel cas le dit maistre qui auroit faict la dicte besongne à faire, sera tenu demander congié aux gardes et jurez du dit mestier.

Lesquelles ordonnances ont esté commandées garder et observer aus dictz maistres et ouvriers du dit mestier, de poinct en poinct, inviolablement sans enfreindre, pour eulx et leurs successeurs en temps advenir, en la dicte ville et chastellenie de Gisors, sauf que par cy après il estoit trouvé que les dictes ordonnances feissent à augmenter ou diminuer, faire se pourra par mon dit seigneur le bailly ou ses successeurs, le tout selon raison et par bonne moderation.

En tesmoing desquelles choses, nous, lieutenant dessus nommé, avons signé ces présentes en la compaignie des dictz procureur et advocat, et seellées du grant seel aux causes du dit bailliage, l'an et jour dessusdictz, ainsi signé : R. DU ViEU, J. LE Peletier, avec deux paraphes, et seellées de cire verte sur double queue, du seel et contreseel aux armes du Roy nostre sire.

A tous ceulx qui ces présentes lettres verront, Hector du Vieu, licentié en loix, lieutenant gênerai de noble et puissant seigneur, monseigneur Adrian Thiercelin, chevalier, seigneur de Brosse, Possey [et] Marines, Tun des gentilz hommes ordinaires de la chambre du Roy nostre seigneur, son bailly et cappitaine de Gisors et des anceans ressortz d'icelluy, salut. Savoir faisons, que veu par nous, en la présence des advocat et procureur du Roy, nostre seigneur, oudit bailliage, les ordonnances sur le faict du mestier de menuyserie et hucherie en la dicte ville de Gisors, parmy lesquelles ces présentes sont annexées, lesquelles avons trouvé bonnes, justes et loyallement faictes pour le bien de la chose publicque, nous, de l'accord et consentement des dictz advocat et procureur, avons icelles ordonnances confermées et confermons par ces présentes, mandons et commettons en oultre au premier sergent ou soubzsergent du dit bailliage icelles ordonnances faire entretenir, observer et garder par tous ceulx et ainsi qu'il est plus à plain contenu es dites ordonnances, jouxte leur forme et teneur.

En tesmoing de ce, nous avons mis à ces présentes le petit seel aux causes du dit bailliage, le vingt deuxiesme jour d'aoust, l'an de grâce mil cinq cens vingt quatre, signé : Bernard, ung paraphe, et seellées de cire verte sur double queue d'un seel ouquel sont emprainctes trois fleurs de liz.

Collation est faicte sur l'original des dictes ordonnances et atache dessus transcriptes, qui ont esté restituées et rendues à Nicollas de la Bove et Jehan LE Maistre dit BoisGiLLOUT le jeune, gardes et jurez du dit mestier de menuisier pour l'année présente, le premier jour de décembre mil cinq cens trente neuf.

FiCHET (avec paraphe).

# itl" #'*$•# "l" # f" ^ ## "f "f # 't 1^ "t" 'l' i!^ 1^ l?" ^ "f" # "t" 1^ 1^ 't 'f "t 'f' 'f' "t* ESTAYNMIERS

(8 Juin i5i2)

A tous ceulx qui ces présentes lettres verront, Robert du Vyeu, lieutenant gênerai du bailliage de Gisors pour le Roy, nostre seigneur, à ce commis et ordonné par la court de PEschiquier, l'office de bailly vaccant, salut. Comme, au droict de l'office de bailliage, compette et appartient pourveoir es choses urgentes et neccessaires touchant le police des mestiers, et bailler ordonnances aux gens ouvrans de chascun mestier pour l'entretenement de la chose publicque, vivre bien et en paix, corriger les abbuz et faultes, qui en chascun mestier se pevent faire et commettre, et soit ainsi que de la part de plusieurs des maistres et ouvriers du mestier de estaynmier en la ville et chastellenie du dit lieu de Gisors, nous ait esté requis leur bailler ordonnances pour régir, gouverner et entretenir le dit mestier, nous aient baillez articles, sur lesquelles les dictes ordonnances se pevent faire par le regard de justice, savoir faisons, que veu les dictz articles et eu, sur icelles, adviz et oppinion à plusieurs gens de justice, carteniers, procureur et bourgois de ladicte ville, nous, de l'accord et consentement de maistre Robert la Vache et Jehan le Peletier, escuiers, advocat et procureur du Roy, nostre dict seigneur, oudit bailliage, avons baillé aus dictz maistres et ouvriers d'icelluy mestier les statuz et ordonnances, telz que cy après seront declairez, saouf par après, s'il est trouvé que faire se doye, icelles augmenter ou diminuer une autres fois comme de présent.

Et premièrement,

Que doresnavant nul estaimmier ne pourra lever son mestier, ne ouvrer d'icelluy en la dicte ville et chastellenie de Gisors, pour vendre estaimmerie ne autre chose du dit mestier, s'il n'est de l'aprentissage de la dicte ville, faict le service et paie le vinage, ainsi qui sera dict cy après, ou que en précèdent de ces présentes ordonnances il ait levé son mestier en icelle ville.

— 6o — en attendant qu'ils auront frarie, où la dicte somme sera emploiée, et cinq solz aux gardes du dit mestier, et admené à justice par son maistre dedens quinzaine, pour faire le serment d'aprentissage ; et qui fera le contraire, il l'amendera de cinq solz à applicquer moittié au Roy et l'autre moittié aux affaires du dit mestier.

Item, se aucun maistre du dit mestier voulloit avoir deux aprentiz, il les pourra tenir et avoir, pourveu que le premier aprentiz ait servy deux ans premier et avant que le second aprentiz entre eudit service pour aprendre icelluy mestier ; et qui fera le contraire, il l'amendera de dix solz à applicquer moittié au Roy et l'autre moittié à ladicte confrarie.

Item, que nul aprentiz ne pourra lever le dit mestier en icelle ville et chastellenie, que premier et avant tout il n'ait servy le dit temps de trois ans et fait chef d'œuvre, c'est assavoir : ung mouUe de terre pour faire ung pot à frain ou Juiste et après faire le dit pot bien et deuement ; et s'il est trouvé suffisant, il sera passé maistre par les gardes et autres maistres dudit mestier devant monseigneur le bailly ou son lieutenant et receu au serment, en paiant aus dictz jurez et maistres pour leur vinage cinquante solz tournois, et à la dicte fabricque ou confrarie vingt solz avec le chef d'oeuvre qui demourra au profïict d'icelle confrarie.

Item, seront tenuz les dictz aprentiz, après qu'ilz seront trouvez ouvriers suffisans pour besongner du dit mestier, avoir merc pour mercher les ouvrages qu'ilz feront pour congnoistre ceulx qui auront faict le dit ouvrage ; et qui sera trouvé faisant le contraire, il l'amendera de deux solz parisis pour chcscune pièce ; et s'il en est trouvé faisant de plus de trois pièces, l'oultreplus des trois pièces sera forfaict et applicqué moittié au Roy et l'autre moittié à la dicte confrarie.

Item, nul maistre d'icelluy mestier, ne autre soubz luy ne pourra achetter estaimmerie viesle ne autre qui soit fondue ne degranée, de quelque personne que ce soit, se le dit maistre ne scet et congnoist le dit personnage estre homme de bien et bien famé, sur peine de forfaicture de l'ouvrage achettée et d'amende, à la discrétion de justice, et s'il estoit trouvé jusques à trois fois le faisant, il sera privé du dit mestier.

Item, que nul maistre ne ouvrier du dit mestier ne pourra mettre empirement à son cstaim commun en quelque ouvrage que ce soit, sur peine de forfaicture de l'ouvrage à applicquer comme dessus.

Item, s'il estoit ainsi que l'un des maistres du dit mestier allast de vie à

trespas, sa vefve pourra user du dit mestier, son vefvage durant, et tenir serviteur souffisant soubz elle.

Item, que les enffans des maistres du dit mestier, après ce qu'ils auront esté jurez par mon dit seigneur le bailly ou son lieutenant et passez maistres, pourront lever leur mestier sans faire aucun chef d'œuvre, en paiant demy vin aus dictz maistres et les droictz de la dite confrarie.

Item, que nul estaimmier de dehors ne pourra vendre en icelle ville estaimmerie à nul jour quel qui soit, sinon au jour de marché du dit Gisors, qui est le jour de lundi, et sera veue et visitée par les jurez du dit mestier qui seroient en Tannée, et s'il est trouvé du contraire, celluy deffaillant paiera dix solz d'amende, à applicquer comme dessus.

Item, que nul maistre du dit mestier estant en la dicte ville ne pourra tenir varlet d'un des autres maistres d'icelle ville, s'il n'a faict et acomply son service, ou que ce soit du consentement de son maistre, et si ne le pourra louer au précèdent de son service acomply ; et s'aucun est trouvé faisant le contraire, il l'amendera de dix solz, à applicquer comme dessus, et si sera contrainct icelluy varlet à parfaire et acomplir son dict service.

Item, que nul doresnavant ne pourra lever son mestier en la dicte ville et chastellenie, s'il n'est trouvé et raporté ouvrier suffisant par les dictz jurez devant justice, qu'il ait faict le serment de bien et deuement exercer le dit mestier et de entretenir ces présentes ordonnances.

Item, pour garder et entretenir ces présentes ordonnances, aura deux maistres du dit mestier qui seront commis par justice gardes et jurez du dit mestier, et feront serment de deuement visiter les derrées et marchandises qui se feront en la dicte ville, et mesmes celles qui y seront apportées, et des faultes qu'ilz trouveront, les anonceront à justice; lesquelz jurez se renouvelleront par chascun an.

En tesmoing desquelles choses, nous avons seellé ces présentes du grant seel aux causes du dit bailliage, et signez des seings manuelz de nous, lieutenant gênerai, advocat et procureur du Roy dessus nommez, le huictiesme jour de juing, l'an de grâce mil cinq cens et douze, les assizes du dit lieu de Gisors illec seans et par nous tenuz. Signé : R. du Vieu, le Peletier et la Vache, chascun ung paraphe, et seellées de cire verde, sur double queue.

A tous ceux qui ces présentes lettres verront, Hector du Vieu, licentié es loix, lieutenant gênerai de noble et puissant seigneur monseigneur Adrian Thiercellin, chevalier, seigneur de Brosse, Possé et Marines, Tun des gentilz hommes ordinaires de la chambre du Roy nostre dit seigneur, son bailly et cappitaine dudit Gisors et des anceans ressortz d'icelluy, salut. Savoir faisons, que, veu par nous en la compaignie des advocat et procureur du Roy, nostre dit seigneur, oudit bailliage, les ordonnances sur le faict du mestier d'estaimmier en la ville et bourgaige de Gisors, joaxte les ordonnances du dit mestier, parmi lesquelles ces présentes sont annexées, lesquelles ordonnances nous avons trouvées bonnes, justes et loyallement faictes pour le bien de la chose publicque, nous, de l'accord et consentement des dictz advocat et procureur, avons icelles ordonnances confermées et confermons par ces présentes, mandons et commettons en oultre à tous et chascuns des sergens ou soubzsergens du dit bailliage, faire entretenir, observer et garder les dictes ordonnances par tous ceulx et ainsi qu'il est plus à plain contenu et declairé es dictes ordonnances, jouxte leur forme et teneur.

En tesmoing de ce, nous avons mis à ces présentes le petit seel aux causes dudit bailliage, le vingt deuxiesme jour d'aoust mil cinq cens et vingt quatre, signé : Bernard, avec ung paraphe.