DOMINA IGNOTA
U ne dame, comme une royne, Qu femme de duc ou comtesse.
Dame estoit de si grant baultesse Et de si grand beauté que dire
Ne le saroie ni descrire ; î2o
- Car oncques puis que Dieu feust Dieux Ne feust veue si belle d^eulx, Ne qui portast si bonne chiere, Ne qui eust si belle manière.
Plus droit estoit planté qu'un cierge 52c
Sur son destrier la noble virge, Voire, par Dieu, que une coudrelle.
Oncques maiz si saige pucelle [f° 39] Ne fu, ne de bonté sy pleine ;
Et c'est de biauté la fontaine, n°
Ou vis a si fresche couleur ;
C'est dame de trop grant valeur.
Et si est de très bel appel.
Comme une anguille de sa pel,
Estoit vestue d'un vestement nj
Fait a oyseaulx, moult richement.
Elle s'en aloit en gibier :
Sur le poing ot un esprevier.
En la senestre corne estoit
Du champ ou elle s'arrestoit. ^o
Devant lui a genoulz m'encline,
Et la douce dame beniene
Me dist : Beau clerc, or levez sus ;
Qui vous a amené ça sus ?
Et je respons : Très chiere dame, S4 5
je ne sçay ou je sui, par m'ame ;
Ma très doulce dame jolie.
Je vous requier et si vous prie
Que vous me dictes clerement
Que c'est de ce cham proprement. 550
Et la dame d'umilité
Me respondi : En vérité Je vous diray tout le devis
De ce champ, selon mon advis.
Ce champ, a celle couleur fine, jçj
Le cuer a pitié trop m'encline.
Pour que c'est la droite figure
Des armes et la pourtraiture
De cellui qui fut mon ami,
Qui du tout ot le cuer de mi 560
Et moy le sien, en ma prison,
Sanz faulseté et traison ;
Car pour moy soufFry moult grant peine
Trestous les jours de la sepmaine, Et pour moy fu en mainte guerre, $^5
En plusieurs pais d'estrange terre Oultre mer, ou pais de Surye, Turquie, Pruce et Barbarie, [v°] Combatant com bons chrestiens
Encontre les faulz mescreans. 57o
Et estoit en si grant aroy
Comme seroit le filz d'un roy,
Quant avoit la cote dorée
Vestue, qui si bien m'agrée,
Ouïes trois marteaulx sont dreciez 575
De gueulles et bien atachiez,
Qui signiffient hardiesce,
Et l'or signiffie richesse
Et l'amour, dont estoient esprins
Les nobles chevaliers de pris 58°
Qui revestoient leurs corps beaux
De la cote o les trois marteaulx.
Les ancesours de Basqueville,
Esquieulx onc n'out barat ne guille ;
Et tous coustumiers ont esté 58$
D'aller en Sarrasineté,
Pour ce, mon clerc, je vous diray
Un miracle piteux et vray
Qui a ce chevalier advint,
Des ans a plus de cent et vingts. 59°
Tout aussi vray com l'Euvangile, Ce bon seigneur de Basqueville, Lui et son compains, enserrez Estoient et moult bien ferrez
Emprison, ou mis les avoient î9î
Les Sarrasins qui les tenoient.
Le Soubdan les a voit jugez A landemain estre escorchiez.
L'un et l'autre forment plouroient, Du tout a Dieu se commandoient. 600
Lors Martel, qui point ne sonmeille, S'avise qu'il estoit la veille De saint Liennart : si voua, Et de bon cuer si appona.
En se vouant, ilz s'endormirent : 605
Espérance et foy tout ce firent.
Car ces deux chevaliers normans Furent apportés tous dormans [f° 40] Et tous ferrez, emprés la ville.
Dedans les bois de Basqueville, 610
Ou fourc d'un quesne, sur le mont.
Au costé devers Abemont.
Ce chesne en trois forches se forche
Dés la terre, tout d'une soche.
Ainsi tous ferrez se trouvèrent 6tç
Le matin, quant ilz s'esveillerent ;
Du fourc ne se pourent bougier :
La furent trouvez d'un vachier.
Lors fist il faire la chapelle
De sainct Leonart, toute nouvelle, 620
En son chastel de Basqueville,
Ou vont les gens de mainte ville,
De maint bourc et de maint terre
Monsieur saint Liennart requerre,
Et boutent leurs mains et leurs piez 625
Ès fers de ces deux chevaliers,
Qui y sont encore en mémoire
Du beau miracle et de l'istoire.
Mon clerc, je vous pri et command
Que vous en faciez un romant. *»°
Je lui respons très humblement :
Vostre dit m'est commandement,
Lequel du tout j'acompliray
Tout le plus tost que je pourray.
Ce me semble que bien seroit ^'î
D'y ajouster, s'il vous plaisoit,
De pluseurs faiz, granz et notables
Et a reciter honnourables,
Qu'ont fait ceulx qui sont de la bende
Des marteaux, et que je y entende. ^*°
Je treuve en escript en croniques Anciennes et auttentiques :
Cent ans après que Charlemaingne, Ot prins fin en la vie humaine, Un Sarrasin de grant renom 64$
Qu'on appeloit Ro, son droit nom, Se départi de Dampnemarche, Et s'en vint conquerre la marche [v°] Du pais de Caux et de Nustrie,
Et la baptiza Normandie. 6ço
Car lui et ses gens se nommoient
Normans, pour cause quilz estoient
Devers le vent du nort venus.
Contredire ne m'en puet nuls,
Car tant vault a dire en romant 6{j
Homme de Nort comme Normant :
Mais l'usaige du pronuncier
Rural en a fait retranchier
Ces deux lettres cy t et h.
Et si vueil bien que chacun sache 660
Que tost se fist crestienner ;
Saintte vie print a mener.
Puis fu Guillaume Longue Espee,
Son filz, seigneur de la contrée.
Le tiers duc fut le grant Ricart, *6j
Qui ne fut ne soûl ne coquart :
Richart sans peur fut nommé,
Hardiz sur tous et reclamé.
Il espousa une pucelle
Qu'on appelloit Gonnor la belle, ^7°
Laquelle cinq nièces avoit Que toutes tendrement amoit.
Lors, pour se mettre en la lignie Des nobles ducz de Normandie, Les grans seigneurs de hault parage 67 j
Les requistrent a mariage.
La première, plaine de amer, Fu mère a ceulx de Mortemer :
Ainsi le treuve en mon estole.
La seconde espousa Nicole, ^'^^
Pour lors seigneur de Basqueville ; Saige dame fut et abile.
Dont Guillaume Martel yssi, Gaultier de Saint Martin aussi.
Ce Martel fu bon chevalier, 685
Et croy que ce fu le premier Qui print de Martel le seurnom ; Et, pour qu'il fut de grant renom, Ceulz d'après Marteaux se nommèrent [f° 41] Et Basqueville délaissèrent, ^9°
Quant au sournom, maiz jusqu'ore Basqueville crient encore, Toutesfoiz qu'ilz sont en bataille, Pour ferir d'estoc et de taille.
Le sournom fut nouvel venu, ^95
Mais le vieil cry fut retenu.
Ce Martel fist maint fait en armes Pour l'amour de Dieu et des dames, Et fu seigneur de Basqueville
Grant temps avant cil de qui le t"^
Miracle vous m'avez compté, Dont aucunesfois ay doubté.
Mais, puis, l'ay trouvé en croniques Anciennes et auttentiques ;
Les fers et les buyes le tesmoignent, 7°$
Qui de la chapelle ne bougent, *Et aussi la noble chapelle Qui en fut fondée moult belle, Et tout le pais le tesmoingne :
Ce n'est pas donc fable ne hongne. i^°
Après fault, se je ne suis yvre.
Que je mette dedans ce livre Des beaux faiz a l'omme de fer.
Qui rompoit les estriez de fer.
Et de cuir ja si fort ne feussent 7'J
Que un seul tournois durer lui peussent. A Rouen en rompi deux paire, Tous les meilleurs com lui puet faire, Tant seulement a essaier.
Le tiers paire ne peut plaier : 72°
Un estellin se fist baillier Et entre son pié et l'estrier Le mist et dit qu'il tournoyeroit
Atout et le rapporteroit
Sans bougier. Lors lui priiit a dire 7'i
Son oncle, de Monteigny sire :
Bien tournoie vous ariez Se le destrier rameniez.
[v°] Respont : Point n'y fauldray, par m'ame !
Au paon le veu et a ma dame ! 75°
N'y failli pas, je vous créant, Et si fut le mieulz tornoiant.
Encor greingneur chose faisoit :
La cuisse d'un arbre acolait
Sur le cheval, a embeduy 7îs
C'estoit au cheval et a luy, Faisoit par force perdre terre.
C'est une chose forte a croire, Mais je l'oy dire, en la salle
De Blainville, a la mareschale. 74o
Cest homme fut grant voiagier Et par tout se fist bien prisier.
Ma dame, j'aurois grant tort Se n'y mettois le bon Tort,
Qui fort jousta en vérité 745
En Rouen, la noble cité.
Des treize pèlerins les joustes, Lez les festes de Penthecoustes, Devant le duc de Normandie ; Et par sa prouesce et maistrie 7{o
rôo
Des jouxtes emporta le pris, Quant onze chevaliers de pris
Y abati celle journée De dessus la selle dorée.
Après le mena faire siège Le duc en Guienne, ce tieigne, Et, en assaillant ung chasteaux.
Le premier montoit aux créneaux : Féru fut, dont perdi la vie Le bon boeiteux de Normandie.
Les Anglois en furent liez
Et les François moult courrouciez :
Le duc Jehan, filz du Roy de France,
Y perdi une bonne lance.
Mon cler, trop ariez a faire . 7^'
Se vous y vouliez retraire Et mettre en escript tous les fais Que les Basquevilles ont fais.
Les uns mettre et les autres point [f° 42J Ne seroit pas bien fait a point, ""°
De miracle tout a par lui Mettez, et n'y ait rens que lui.
Mon corps et moy, mon cuer et m'ame Sont tous vostres, sachiez, ma dame, Et tousjours je vous scrviray "''^
De bon cuer, tant comme je vivray ;
Autrement je ne vueil pas vivre.
Et, se Dieu plaist, le petit livre
A vostre plaisir je feray,
Tout le plustost que je pourray. 780
Mais qu'aie l'exposicion
De ce champ d'or sans fiction !
Mon clerc, et je la vous diray,
De mot a mot, sans nul delay.
