LE SIRE DE CHAULMONT SUR LOIRE

Point ne fault dire du contraire :

Par vous la chose est obtenue, Et par vous la noble victoire Aux bons François est advenue.

Noble Pucelle de vallue, Par vous le royaulme est recouvert; Des Anglois la force perdue.

Et leur fin venue il appert.

THEAULDE DE VALLEPAIGNE.

Dame, y ne nous reste plus Sinon pencer du demourant.

Je vois les Anglois ruez jus Et venir à leur finement; N'est plus riens que du remanant Puis qu'il ont perdu les Tourelles.

Y fault aller droit et avant, Puisque les besoignes sont telles.