TROMPETES

- Nous l'acomplirons par exprès, Monseigneur, n'en ayez doubtance.

Lors icy une pause. — Et doit venir la Pucelle en place, désarmée, à tout une robbe de drap d'or vestue, et aussi tous les princes francois y viendront devant elle à grant assemblée, et grant pose. — Et puis dit

LA PUCELLE

Or, messeigneurs, comme savez, F' 357 v°. Ouyr la messe vous devez,

Et, pour l'onneur du saint dimenche, 1/1, iHo

Louez Dieu et le merciez

Des biens qu'i vous donna yer,

Par sa volanté pure et franche.

Quant des mains de personne estranoe

\ous a desmis, et fait un change 1/1,135

En joye et consolacion,

Appartient que chascun se renge

De faire prière et louenge,

Qu'il ait de nous remission.

BASTARD D'ORLEANS

Certes, Jehanne, vous dictes bien, i/mGo Et le ferons, ne doubtez mie.

Mès Anglois, ainsi que je tien.

Sont ensemble en grant compaignic.

En point, en bataille fournie.

Et ne savons que veullent faire : 1/1.165

Se c'est pour faire une saillie,

Ou se c'est point pour eulx retrairc.

LE SIRE DE GUITRY

Messeigneurs, ainsi que j'entant.

Le siège y vcullent iever, Que il ont sarré tous leurs biens Et en fardeaulx enveloppez.

Gculx qui les ont veu cordeler Et qui ont fait le guet la nuyt, L'ont rapporté et dit tout cler.

Et en est partout ung grant bruit.

LE SIRE DE GRAVILLE

Plusieurs l'ont ainsi rapporté :

Geste nuyt ont fait leurs aprestes Et ont tout pris et emporté, Leurs harnois, ars et arbalestes:

Et sont ylà où y s'arrestent Pour "vider tousjours leur bagaige.

Si seroit bon, sans plus d'enquestes.

Leur aller close le passaige,

LE SIRE DE RAYS

C'est bien dit et bien advisé; Et tant qu'i sont en desarroy.

Que leur oust si est divisé.

Allez au devant du cbarroy.

Vous les mectrez en tel arroy Et en telle subjection Que nul n'eschappera , je le croy, Qu'i ne soit à perdicion.